Iivesi zeBhayibhile ezithandwayo ezisuka JOHAN 14

Yabelana

Nae kya daenaw kae cciatawpya oh, ka kya-e daenaw kha kae pya oh; laephi ccungccaw hae nynh a pya hae hawte kae pya khyh oh. Lungvawsaw lungriathaete um nan oh, ri mah rih nan oh.

Jesu nynh, “Kae tuh laanpi, byaccing te hiinnaw nynh ka thua. Kae ka kyate holeite tuh hum sanmah Paaw kalan thua kho khyh.

Jesu nynh, “Lungvawsaw lungriathaete um nan oh, Pachia kha zyn oh lah kae kha mah yn zyn oh.

Thuasalama ka min te Paaw nynh yn saw lanpaw Bawmtu, Thyaa Muisaw nynh pawpaw balyn ae ccangpah cih oh zah kae hopya vae oh paw balyn kha ae nysah thui cih oh.

Ka kawbya hae kha ccou zah a zuipaw tuh kae yn sungsahpaw nynh thua, kae yn sungsahpaw kha ka Paaw nynh a sungsah cih, kae nynh mah ka sungsah cih zah a kya ka phykuh cih,” a ci.

Kae nynh Paaw kha ka ngia cih zah nae kya zungzae a um cih paw ccangpaw Bawmtu kha ae pya cih oh. Aning tuh byaccing nysahtupaw Muisaw nynh thua, tuh-e Muisaw tuh laephi nynh ccou kho khyh, pawccecize amaw kha muih khyh zah nyh khyh. thuasalama nanning nynh amaw kha na ny oh, pawccecize aning tuh nae kya tyn zah nae kya a um cih.

Paaw tuh Ccapaw liate a phu-e nawlan ka min te nae ngia oh paw miakaw kha kae cyipah cih oh. Nanning nynh ka min te ccangkhakheit nae ngia oh ze, nae ngia oh paw kha kae cyipah cih oh.

“Kae hynh nae sungsah oh ze ka kawbya hae kha na zui cih oh.

Ka Paaw inn kya umnaw khaan patae a um; a um khyh lanze um khyh cipaw phe kae hopah vae cih oh. Nanning hanlan umnaw paccyn khylan ka la cceih cih.

Kae nynh ka cceih zah nanning hanlan umnaw ka paccyn koute, bua kae thua cih zah, nanning mah ka umnaw kya umbua khylan ka kalan kae hoeibua cih oh.

Thomas nynh, “Bawipaw, teilang nynh na cceih cih cipaw kae nyh khyh. Pawtemou laanpi tuh kae nyh kho cih?” a cipya.