Iivesi zeBhayibhile ezithandwayo ezisuka LUKAS 3

Share

Basa de basa hataholi sila la nanasalani basak boema, Yesus boeo nanasalanik. Ma lelek ana bei hule-haladoi, boema lalai a natahuka, boema Manetualain Dula Dale na kona neu lain, nalupa manupui kalua. Boema Manetualain hala na nananamanenek nafa'da nae, “O nde Au Anang fo Au susue-lalai ka. O tao mamahoko Au dale nga.”

Hu ndia de Yohanis nafa'da basa-basas nae, “Au salani emi ninik oe, tehu mahani te, neukose Hataholi manamaik ndia matua lenaheni au. Bukaheni ta'bu ei na tali na boeo, Au ta andaa fa. Neukose Ana salani emi ninik Manetualain Dula Dale na, ma ha'i.

Matu'du minik emi tatao-nono'im mae emi tukatei-saledale basa neme emi sala-singom mai so. Boso mafa'da mae Abraham nde bee na, emi bei-ba'ikaim. Mafandendelek: te neme batu ia la mai boeo, Manetualain nabi'i tao tititi-nonosik soaneu Abraham!

Taka nanasadia basak soaneu lo'oheni ai a huu na, losa oka nala. Basa ai fo ta naboa boa malole fa soona, neukose nanalo'o henik, fo tu'un leo ha'i dale neu.”

Ndia nandaa no hata fo nanasulak nai nabi Yesaya susulan dale nae, “Hapu hataholi nalo bou-bou nai mo solokae ka nae, ‘Sadia enok soaneu Lamatua ka leona, tao matetu eno kala ba'eneun. Masadokek lala'ena, ela leo bee na nanapo'ak, basa lete kala ma pupuku kala, tao matetus. Enok fo mana dopelele'u kala, ela leo bee na tao mamandoos, ma enok fo mana loe-nda'e kala, tao matetus. Basa hataholi manai daebafa ka lala'ena, neukose lita tao leo beek fo Manetualain soi-tefa na hataholi daebafa ka!’ ”