Iivesi zeBhayibhile ezithandwayo ezisuka MARKUS 13

Share

Ba, tungwatu nya yahagom ingon mpo tut je drek dip gi jiya kui Da. Noro Allah miteu no di ya ngkiem kikau ug bipek ningwig honti biningwes ngun.”

Suar jiyai ngkiem ba, jitou kep ser lewo jikan tut nijam dima nipek kepti bi.

Tirigi tungwatu nya ikat je bibuwak je ug ei nikei nya yoho bei lene ma jingon ku jenti tut mun di jibirop hanyen biyok au. Lewo mun di tibim ei juhui him mikwei leu jenti jingonti bi noro Jicig Ninnei miba jihyet di Noni pingok je tut dima bibirop yo dima ighyet.

Mpia-bbed him kin dihyeisi dini misar noro Da dihyet misar bi sren.”

“Mbro nok gima lo, tungwa hi kan tut njap ningwig honti kin mun pima yok nipek kepti bi. Malaikati nya ei gwamti kin Da di Allah Nipmot nahagom nikan tut nipek kepti bi noro Dicig Nongkom kan tut.

Tirigi jimiap tut yo di ikon pran bit yam dideu je cem minu ting leu je cem lene ma jittin tut au. Lewo mun dini yok hagom midem igbit nipou ug e noro njap ningwig honti ne bigyo.

Gima rino ma jiyai ngkiem lewo jikan tut jam dino ig ceu nikwei hanyenti bi. Mpaba mikwei mem mmunti e, he mmun mau e, he hayausi e, he mpia nipriti e? Ikan tut bi. Leu mbigom Noni mitau kros kep je tirigi jibong mai yo. Dihyet di dibisok kep jeni dini ne dibisok kep tungwatu nindigsi nya yahagom bipia ma jiyai ngkiem bijiya ser.”

Nibou di isindem nya yeheu imbuk mem yam ba, timiei minu hi ikon pran bit timiei minu hiter. Dihyei mun brim ei nisurti-nipekti ba, ninggum hwen tungwatu nya. Mun dini yok hagom micut igkep yok bibie ba, dem kep sop di sindi ninghim dut tut nimunggwom.

Nipou tirigi njap ningwig honti tau kep nye bigyo lene suar tungwatu nya itri tut Nihyet Di Kei bidem dihyei nisurti-nipekti nipou ug e.

Lewo tungwatu nya imang bibor miba dinyeng bipai sut yonti bipia yoni ne Nibou Ndig di teu tungwatu nya biyai niyaijo nijep biyok ri! Yo di ipai nok gima iris tungwatu nya imang bibor.

Ma jitindei ser tungwatu nya lewo yoni mikat je bibuwak je ug ei Nikei Puig Yahudi nya yoho bei leu api imbas je ei mben Yahudi ide ig mbusyameisi. Yoni ibuwak je ug ei yo di inyeng jei kin nibou ndig nya yoho bei drek dip dinyeng. Gini hagom bon nikwesti di kei bibor mem gima jitri tut Nihyet Di Kei biyok.

Lewo nibou ndig di teu tungwatu nya biyai niyaijo nijep biyok nitrowai nya kin nabi nitrowai nya mikiju leu api indo bindo bibon mindur cem ba, ipi biris Allah de limwa nya noro limwa dima yok ingon bit ighyet bi.

“Tirigi mun di buhun cut igkep yok ei nijam dima ningwigsi lene mpia njap dindi cem bed mmun micom bi cem, ham nya micut leu mpia-bbed him cem nisindemti nya ei mpia-bbed him ugwa-kwei cem.