Iivesi zeBhayibhile ezithandwayo ezisuka Luca 11

Share

Mãra chi k'achia berãpa mãra warrarã́ nepia tea k'awa p'anɨpɨra, ¿mãra Ak'õre pajãne bɨpa chi idi p'anɨa ichi Jaore teaiwẽk'ãra?

»Mɨa jararuma: Ara mãɨ jĩra mãra newẽa p'anɨ Tachi Ak'õrea ɨt'aa chiidi p'anat'ɨ; mãɨne ichia mãrá teaipɨ. Jɨrɨ p'anat'ɨ; ichia unupiipɨ. Tede eda wãpataɨde t'ɨ̃t'ɨ; mãɨne chi eda wãpataɨ ewai jĩra, ichia teaipɨ.

Chi ɨt'aa chiidi bɨpa jitaipɨ. Chi jɨrɨ bɨpa unuipɨ. Chi t'ɨ̃ bɨ pae tede eda wãpataɨ ewaipɨ ne teai k'orea.

Jesupa jarasima: —Mãrapa Tachi Ak'õrea ɨt'aa chiidiutade nãɨya chiidit'ɨ: “Tai Ak'õre pajãne bɨ, pɨ t'ɨ̃ waapẽarã t'ɨ̃ k'aepẽra piipará bɨma. Taipa k'ɨ̃ria p'anɨma tãaraawẽa bɨde pɨa pɨchidirã pɨ juade ua bait'a. [Ichiaba k'ɨ̃ria p'anɨma pɨa k'ɨ̃ria bɨ nãɨ ĩjũanepemarãpa oodait'a, pajãnepemarãpa oopata jĩra.]

Taipa nemietá oodada k'ɨ̃risia atuase, waapẽarãpa nemietá oodada mãɨ taipa k'ɨ̃risia atuapataɨ jĩra. Tai nemietaade baepirãse, mãɨpari k'achiadepema k'aripase”.

Taiyá chik'o tease ewaricha k'odamẽrá.

Pɨ tau ĩpira jĩra bɨma. Mãɨpuru pɨ tau pia bɨpɨra, ɨnaane nipaipɨ. Maamina pɨ tau mietá bɨpɨra, p'ãrione nipaipɨ.

»Abaɨpa laap'ara uruapidak'ari mẽra bɨdak'ama wa ne yaapataɨ ek'ari bɨdak'ama. Mãɨ k'aepẽra ne ɨtɨa ɨ̃rɨ bɨpatama chi tede eda cheutarãpa ɨnaa ununamẽrá.