Iivesi zeBhayibhile ezithandwayo ezisuka Keriekitho 17

Share

Abram cie hiethepfüethepfüketa ki Jihovae puo pengu di puo ki, “Ae Kepenuopfü Kuokejokejüu zowe, a mhodzüki tuolie, mu no vi tseilie.

N za bu Abram ü salie lhote, derei n za bu Abraham itatuo, kekreilamonyü a n chüpie seyieko krodi puotsau chüshüketa la.

A telhekechachie la avu mu n sie vorketuo n nuosenuoyieko la dietseidiekho puo chüshütuo, n nuosenuoyie mu n Kepenuopfü chülieketuo la.

“Harie, a la we a dietseidiekho-u n ze tuo zo, mu no seyie krodi puou chütuo.

Sitse Ukepenuopfüe sie, “Silie lho, n kimia Sara geinu thepfumia puo penuoshü n tsü zotuo, mu no puo za pie Isak chüliecie. A puo ze dietseidiekho chükelieu bu puo sie vorketuo puo nuosenuoyieko la rei sa kechachie dietseidiekhokewa puo chütuo.

Siro ae kechachie la no, tsie solhimia chü lhouketuo Kanan kijü pete pie no mu n nuosenuoyieko tsütuo, mu a uko Kepenuopfü chütuo,” si.

Sitse Abraham tsu zerepfülie di puo dzükerüchüta, sidi puo thuo puo rüchü di, “Themia puo cie krie puoketa zenu nuo nyilie vi me? Sara cie hiethepfüta di puo nuo nyilie vi me?”

Sitse Ukepenuopfüe Abraham ki, “N kimia Sarai, n bu puo üse Sarai üdi kie sa lhote, derei puo za bu Sara ütatuo.

Nieko nie chü nu nie zhü tieu retuo, mu süu bu a mu nie donu dietseidiekhokewa zasi puo chütuo.

Derei a dietseidiekho-u zowe Isak ze chütuo, süu Sarae thecie, tsie meseki penuoshü n tsütuo.”

Nieko donu thepfumia zha thethaketa pete zhü retuo; thephou pete nu nie diemia nie kinu penuokelieko tsiu nie shükeiraka se khrükelieko rei. Kediemia nie kinu penuokeliemia mu nie raka se khrükeliemia zhüre beituo. Hai di a dietseidiekho-u kechachie nie chü nu tuotatuo.