Iivesi zeBhayibhile ezithandwayo ezisuka Maˍkuˆ 13

Yabelana

Changˉ hkaˉ hko laˉ hko uiˉ muiˉ ga ang maengˉ pa nae nawng na hu buinˉ laˍ naeˍ. Hta yao muiˉ, tawngˍ tin veu tiˍ hkeu yumˉ naeˉ uiˉ yiˍ naenˉ naeˉ maˇ htaiˍ awkˍ naeˍ uiˉ na ya hkamˉ naeˉ.

Saˍ tiˍ tangˍ yao, hawˍ yao ca bao. Aˉ mae yao nae baoˇ hingˉ nyamˍ ngaˍ aˉ mae beu hkeu lui naeˉ nae nawng baˍ bae.

Changˉ uiˉ aˍ nawng na haoˉ ngaˍ aeˉ laˍ yao aˉ muˍ tatˉ kyaˉ veu ap aeˉ laˍ naeˍ. Haeˉ mae beu, aˉ mae uiˉ jeuˇ ciˍ ceuˉ nae baˍ kuitˍ man laeˍ jo. Hingˉ nyamˍ veu, nawng na hpuiˉ yao piˉ bae laˍ jiˍ hingˉ na ciˍ vo. Aˉ mae yao nae baoˇ, ciˍ naeˍ maˇ nawng baˍ aˍ. Ang hkawˍ laˉ ang suingˉ sangˉ mangˉ yaˇ ciˍ jiˍ.

Buingˍ htaˍ nae nuingˉ chaˍ pyo aengˉ yao muiˉ ga ciˍ tangˍ ningˉ ngaˍ aˉ lawˍ beun muiˉ baˍ pyo nae ha biˍ jiˍ.

Hingˉ nuing hingˉ nyamˍ na nawˍ A vangˉ Hpaˍcaoˍ baˍ baoˇ aˍ sangˍ nae muiˉ baˍ bae. Buingˍ htaˍ veu ca naeˉ buingˍ htaˍ naiˍ htangˍ muiˍ baˍ bae. Changˉ mangˉ muiˉ baˍ bae.

Nawngˍ ngaˍ suikˆ peu lang naeˉ awˍ lawng nae suikˆ peu lang naˇ nae uiˉ awˍ lawng hingˉ na ya kyaˍ beu, baˍ hkae jo. Hingˉ kan uiˉ ya hpeuˍ laˉ naˇ. Hta yao muiˉ, tawnˍ tin veu baˍ hkeuˉ suing.

Yumˉ suingˉ maˇ ang vuingˉ beu lui laenˍ la. Miˍ hkiˍ tuingˍ hkuingˍ beu lui laenˍ la. Miˍ hkiˍ hyaˍ hpaˍ htiˍ heˍ beu lui laenˍ la. Saw hta ang daˍ hingˍ uiˉ beu lui laenˍ la nawngˍ baˍ bae. Hingˉ pa nae, saˍ tiˍ ca yao hawˍ ca voˍ. Haeˉ mae baˍ baoˇ, yaˇ tiˍ chitˍ nae lui laeˍ yao nawng yuˍ nuˍ awngˉ ngangˉ yao ca naeˉ na myangˉ laˍ naeˍ yaˇ. Saˍ tiˍ nae hawˍ yao ca voˍ. Nawng na ga ha laˍ naeˍ lawˉ changˉ hkaˉ hko laˉ hko uiˉ na ga ha laˍ naeˍ yaˇ nae ha biˍ jiˍ.

Changˉ ceuˉ htiˍ ceuˍ nae htiˍ ceuˍ si hae lang naeˉ. Ang meungˉ htiˍ meungˍ nae htiˍ meungˍ si hae lang naeˉ. Htiˍ tawngˍ nae htiˍ tawngˍ veu miˍ siˉ uin naeˉ uiˉ nae baeˍ naeˍ suˍ naeˍ uiˉ byaˍ laˉ naeˉ. Ningˉ ceuˉ ningˉ uiˉ aˍ tuk naeˉ hpan naeˉ uiˉ ya hkamˉ buˉ naeˉ uiˉ tawnˍ hpanˍ yangˍ naˇ.

Mawnˍ pyawˉ naeˉ uiˉ ang buinˉ tangˍ ang maenˍ uiˍ muiˉ changˉ ceuˉ hkaˉ hko laˉ hko uiˉ na kaˉ huˍ veu ya maˍ biˍ naeˍ.

Changˉ ang byaˍ uiˍ ga beu ang maengˉ ningˉ na caiˍ yao hkeu lui naeˉ. Gaˇ yang mangˉ yaˇ nae ciˍ yao changˉ ang byaˍ uiˍ na tiˍ kaeˍ kaeˍ lui naeˉ nae ha biˍ jiˍ.

Nawng muiˉ saˍ tiˍ ca bu. Changˉ uiˉ aˍ nawng na aˉ muˍ tatˉ kyaˉ veu ap lae laˍ naeˍ. Nawng ngaˍ Yuˉdaˆ changˉ ceuˉ hpawm lang kyaˉ hkaoˉ veu tuiˍ maek laˍ naeˍ na ya hkamˉ buˉ naeˉ. Hkunˉ hawˉ hkamˇ nae ang suingˉ huiˍ uiˍ tawngˍ naˍ veu cung yao yawng ca naeˉ kaˉ seu ga saˍ laiˍ saˉ hkiˉ hpeuˍ naeˍ.

Aˉ mae yao nae baoˇ, Hkrit aˍ tuˆ nae pa rawˉ hpaet aˍ tuˆ uiˉ taw laˉ yao, ang kaˍ nae baoˇ, cheˉ yuˉ yao chiˉ jiˉ changˉ uiˉ na muiˉ tiˍ kaeˍ kaeˍ naeˍ saˍ laiˍ, naˍ mek laekˆ hkaˍ naˍ uiˍ manˍ kyaˍ uiˍ ha naeˉ.

Hingˉ nuing uiˉ beu tuk kyaˉ hpan kyaˉ uiˉ peunˉ na yao, miˍ nuingˍ maˇ vuingˉ vangˉ aeˉ yao awˍ ha mangˉ muiˉ ang chit baˍ pa nae hpeuˍ naeˍ. Awˍ guiˍ uiˍ muiˉ buingˍ htaˍ veu kla luiˍ yao buingˍ htaˍ veu ca naeˉ tanˉ hkoˉ uiˉ muiˉ uin an laˉ naeˉ.