Iivesi zeBhayibhile ezithandwayo ezisuka Isityilo sika‐Johane 13

Share

Nabu ke ubulumko. Lowo unokuqonda makabale lona inani ler̔amnco: ngokuba lilinani lomntu; kekaloku inani lalo lingamakulu matandatu anamashumi matandatu anesitandatu.

Babeya kulibedesha bonke abemiyo pezu kwomhlaba, abamagama angaba̔lwanga encwadini yobomi YEMVANA ebingiweyo kwa sekumisweni kwelizwe.

Kanjalo liyabenza ukuba bonke, abancinane nabakulu, nabazityebi nabangamahlwempu, nabakululekileyo namakonza, babekelwe upa̔u pezu kwesandla sabo sokunene, umhlaumbi pezu kwamabunzi abo; nokuba kungabiko mntu ongati atenge umhlaumbi atengele, kupela ngulowo unalo upa̔u olo, umhlaumbi igama ler̔amnco, umhlaumbi inani legama lalo.

Osukuba ehlanganisa amatinjwa, uya ekutinjweni; osukuba ebulala ngesiṙele, ufanele yena ukubulawa ngesiṙele. Nangu ke umonde nenkolo yabangcwele.

NDAZA ndema pezu kwentlabati yolwandle, ndabona ir̔amnco linyuka elwandle, linentloko zisixe̔nxe nempondo zilishumi, napezu kwempondo zalo ikrone zilishumi, napezu kwentloko zalo igama lokugxeka.

Kwanikwa lona kanjako ukuba lenze imfazwe nabo abangcwele, nokuba liboyise; lanikwa negunya pezu kwazo zonke izizwe, nenteto, nentlanga.

Liti kanjako libakohlise abemiyo pezu kwomhlaba, ngenxa yemiqondiso leyo lanikwayo ukuyenza ebusweni balo ir̔amnco; lisitsho kubo abemiyo pezu kwomhlaba, ukuba mabalenzele umfanekiso elor̔amnco elibe linalo inxeba lesiṙele, lapila noko. Kwaye kunikwa kulo ukuba linike umpefumlo kuwo umfanekiso wer̔amnco elo, ukuze ke wona umfanekiso wer̔amnco elo ube nokuteta, wenze nokuba abo basukuba bengabedeshi umfanekiso wer̔amnco babulawe.

Kekaloku ir̔amnco elo ndalibonayo libe lifana nengwe, nenyawo zalo zinjengezebere, nomlomo walo unjengomlomo wengonyama; yati ke yona inamba yalinika amandla ayo neterone yayo, negunya elikulu.

Kwaye kunikwa lona umlomo uteta izinto ezinkulu nezigxeko; lanikwa negunya lokuba lifeze inyanga zibe ngamashumi mane anambini.

Ndaza ndabona enye yentloko zalo njengokungati ibulalelwe ukufa; kanti inxeba lokufa lalo lapoliswa: wati wonke umhlaba walandela ir̔amnco elo ngokuti nqa.

Ndaza ndabona elinye ir̔amnco linyuka emhlabeni, elibe linempondo ezimbini zifana nezemvana, lateta njengenamba. Negunya lelokuqala ir̔amnco lonke liyalipata ebusweni balo; kanjalo liyenza umhlaba nabemiyo kuwo ukuba babedeshe ir̔amnco lokuqala, elo inxeba lokufa lalo lapoliswayo.