Iivesi zeBhayibhile ezithandwayo ezisuka LUKA 21

Share

Airumung: ai: boe" li" nae" qug: khai: khyag' qhui: ru jham re qo" thaug' qhao" nae" qam: o:- qo" nae" we' Byu: Yao: Zo" nho: qhid' kheim: mae qo" ye; jo; ra" mo, boe" genae" qhid' mae" akyu" mho' mung:- khonhae" re: lha" yang: na ge,- ga: ta" ra".

Naonhaung" wa zo: pyo: shaug' pyo: lai: ru we' ce:pyad mae na: ra" au: qhid' mae" myid: qug: myid: ci" ru jham mae za: dathaui" yaug: na ge,- Mangad: re wa ai: ba na wa nyag din taung" naonhaung" re lha" we' dakhyo:- myi" li" nae".

Naonhaung" wa zang: qhao" yang:- tang tang za: ye; jo, ge,- ailao" naonhaung" yao" gaung re qo" khyad' yu: li" genae"- ga: ta" ra".

Pe"mung:ga"re naonhaung" gyevo qemae" khag' re: maqo" ngag: thaug' nae" ra" nhad' dao: thoe qam: we' pha,jhi" qam: o: ngo naonhaung" re byid: nae".

Mug:gaung we' myid gaung wa lai: lo" byaug: li" nae"- ngadqere: nga" dao: thoe wa khonhae" re: lai: lo" nae" mangad:- ga: ta" ra".

Alao"- ba kyi lho" mo" jham mae ve, lho jham boe" thug' li" nae"- Myid gaung dao mae" byumyu" alhab' wa qid panglai: myang thoe we' bang: lhung" to" li" ra" thoe: yang gyaug mung nhag' lam: thao" li" genae". Xao su byu qe wa mug: myid dao geim" mae joe" lo: na: ra" qug: khai: khyag' qhui: ru jham re myid: gyaug yang:- mo; byaug: li" genae". Pe"mung:ga"re mug:gaung mae" qam: so' jham wa laui" nin" li" genae". Alao"- Byu: Yao: Zo: wa qam: so' phungbao qi: we' daga" jham thaui: mae joe" li"rure the' myao: li" genae".

Nga" mathao mae yaug khao: ngo" nghang" li" genae".

Myid lab: qi: jham lab: li" nae"- Bao" khug' jham thug' li" nae"- Khyi" khao: ngo" mae no phyo: aqam" jham boe" thug' li" nae"- Mug:gaung mae" gakai: lai: ru we' qu" gyaug qu" lhaung sho' ra" ja: jham thug' li" nae.

Naonhaung" wa gyekhe' ru we' tau: lhan: gye to" ra" thoe the' gyo: gelao"- dagyaug ge,- ai:ru alhab' wa sao qhid' boe" li" ca" nae"- ngadqere: ai: lo" thao" ba na wa mangad: shinae"- ga: ta" ra". Yesu xo' yang:- Byu damyu" we' damyu"- damang: we' damang: gye jho" zin" li" genae".

Alao"- ba kyi lho" mo" jham mae ve, lho jham boe" thug' li" nae"- Myid gaung dao mae" byumyu" alhab' wa qid panglai: myang thoe we' bang: lhung" to" li" ra" thoe: yang gyaug mung nhag' lam: thao" li" genae". Xao su byu qe wa mug: myid dao geim" mae joe" lo: na: ra" qug: khai: khyag' qhui: ru jham re myid: gyaug yang:- mo; byaug: li" genae". Pe"mung:ga"re mug:gaung mae" qam: so' jham wa laui" nin" li" genae".

Yesu xo' yang:- Byu damyu" we' damyu"- damang: we' damang: gye jho" zin" li" genae".

Yesu wa Naonhaung" mhug' pyag' ru maqhug' genae" qhid' mae' lha" yang: na ge,- Byu myo: sho' wa nga" aqid ve, yang: thug' li" mung:- ngo wa ai: Meshia ngad va"- Ayo, joe" va"- ga: ta" li" genae"- ngadqere: yao: bam: thao dacao" ge,