Iivesi zeBhayibhile ezithandwayo ezisuka iDuteronomi iDuteronomi 28

Share

Ke ukuba uthe waliphulaphula izwi likaYehova uThixo wakho, wayigcina yonke imithetho yakhe, wakwenza endikuwiselayo namhla: wokuphakamisa uYehova uThixo wakho, ngaphezu kweentlanga zonke zehlabathi

Yaye zonke ezi ntsikelelo ziya kuza kuwe zize zikufumane ukuba uthe waliphulaphula ilizwi likaYehova uThixo wakho.

uYehova wokwenza ube yintloko, ungabi ngumsila; uya kuba phezulu kuphela, ungabi phantsi; xa uthe wayiphulaphula imithetho kaYehova uThixo wakho, endikuwiselayo namhla, ukuba uyigcine, uyenze

uYehova uya kukuvulela ubuncwane bakhe obulungileyo, amazulu, ukuze unise imvula ilizwe lakho ngexesha elifanelekileyo, awusikelele wonke umsebenzi wesandla sakho; woboleka iintlanga ezininzi ngezibambiso, ke wena akuyi kuboleka nto kuzo.

uYehova wozinikela zixatyelwe phambi kwakho iintshaba zakho ezivukelana nawe; ziya kukuhlasela ngandlela-nye, zikubaleke ngeendlela ezisixhenxe.

uYehova wokusikelela empahleni yakho, nasezintweni zonke osa isandla sakho kuzo; yaye uya kukusikelela ezweni elo akunika lona uYehova uThixo wakho.

Woba nentsikelelo ekungeneni kwakho, ube nentsikelelo ekuphumeni kwakho.

Wosikelelwa phakathi komzi, usikelelwe emaphandleni

Iya kusikelelwa isiqhamo sesizalo sakho nesiqhamo somhlaba wakho nesiqhamo seenkomo zakho, inkonyana yenkomo yakho nempahla yakho emfutshane.

uYehova wonenza nibe ngabantu abangcwaliselweyo kuye, njengoko wakufungelayo, xa uthe wayigcina imithetho kaYehova uThixo wakho, wahamba ngeendlela zakhe

Mayisikelelwe ingobozi yakho, nobuncwane bakho.

uYehova wokusikelela ngezinto ezilungileyo, esiqhameni sesizalo sakho, nesiqhamo senkomo yakho, nesiqhamo somhlaba wakho, emhlabeni lowo awafungayo uYehova kooyihlo ukuba wokunika.

Kwaye bonke abantu behlabathi baya kubona ukuba igama likaYehova libizwe kuyo; baya kukoyika wena.

uze ungatyeki emazwini onke endiniwisela umthetho ngawo namhla, uye ekunene nasekhohlo, ukulandela thixo bambi, ubakhonze.

Ke ukuba uthe akwaliphulaphula izwi likaYehova uThixo wakho, ukuba uyigcine yonke imithetho yakhe nemiyalelo yakhe endikuwiselayo namhla; zibe phezu kwakho ezo ziqalekiso zonke, zikufumane