Iivesi zeBhayibhile ezithandwayo ezisuka Markus 12

Share

Sumombuto yo si Yisus nu, “Itu yo su ponuu'an oogot sobana, ono yo, ‘Oo su lobuw Israil, rongowo muyu yo! Ido-ido ya Kinoringan toko, ado yo sondiang. Somodi yo Kinoringan nu otoroido inawo, pomikiran om gogoma'on muyu,’ koo ri. Soko ono ya ponuu'an koduo, ono yo, ‘Somodi yo inong muyu, soko poonamod nu kondiri,’ koo ri. D'ado yo ponuu'an wokon oogot po ko' duo ponuu'an oono,” koo.

Soginaa yo ni Yisus mompomaid Niyo ri om mutongaro yo nu, “Orotio muyu yo itu. Osuang po siin niasuw nu balu omiskin oono ko' siin niasuw nu lobuw wokon-o. Mutangar Aku soko ono, so' nosiro yo po potaak nu ombo olu'-olu' nu orata' nosiro no, nga balu oono, pudi pona omiskin, nitaak-a niyo onu yo po kuwai so iyo no, ono poomoli niyo nu kowiwiau-o,” koo.

Insan minogom si Yisus so obi' nu poianan nu siin so Waloi Maayo nu Kinoringan, mongudio nu ongo lobuw paasuw nu siin dii. Ongo lobuw okaya ri nopaasuw nu siin osuang. Lumogaa ya ido balu omiskin nopaasuw nu duo yo nokaping siin tombaga, omura sobana.

Lobuw subai monamod nu Kinoringan nu otoroido inawo, so pomikiran om gogoma'on niyo. Om subai monamod-a iyo nu inong niyo soko monamod nu kondiri. Owarong po ono ko' niusaa' nu tunuan om niusaa' wokon so Kinoringan,” koo.

Mutongaro yo sono Iyo nu, “Bang soko ono, taaki muyu yo so Raja Maayo nu Ruum songapan niyo no, om so Kinoringan songapan Niyo no,” koo. Noiranan nosiro nu tinangar Niyo ri.