Iivesi zeBhayibhile ezithandwayo ezisuka Chan 4

Share

Chihowa yʋt Shilombish oke: yohmi ka kʋna hosh yʋmma pit aiokpʋchi hokʋt shilombish, mikmʋt aia̱hli aiena mak o̱ isht aiokpʋchi pullashke, im achi tok.

Yohmi kia Chihowa pit aiokpʋchi aia̱hli ʋhleha hʋt shilombish, mikmʋt aia̱hli aiena mak o̱ isht aiokpahancha hi a̱, hʋshi kanʋlli at ʋlhpisa hʋt mihinti ho̱, anonti himonasi a̱ ʋla hoke: yʋmma chohmi hosh ilapa̱ aiokpʋcha he ak o̱ I̱ki ʋt hoyo hoka.

Amba kʋna hosh oka ya̱ ipeta la chi̱ yʋmmak o̱ ishko hokʋto, nitak nana itukshila he keyu; amba ʋno ak osh oka ya̱ ipeta la chi̱ hokʋno, yʋmmak atuk ma a foyukʋt tobohonli na nitak bília hi oke im achi tok.

Chisʋs ash ot afalaminchi mʋt, Chihowa i̱ na‐hʋlbena ha̱, micha kʋna hosh, Sʋpeta na ak ishkó; chim achi aiena ka ish ithana hatuk okmʋt, ilapo ak o̱ ish im asilhha na yʋmmak okʋt oka okcha̱ya yo̱ chipeta he tuk oke, im achi tok.

Chisʋs ash ot, Auet sa kanchi tok nan ahni kak o̱ a yʋmohmi, micha i̱ na‐toksʋli atahli aiena kak osh ʋm ilhpak oke.

Mihma ohoyo hash ot, A̱ shahli ma! isht ish ocha hi ʋt nana kia ik chim iksho ho̱, anonti kʋli hʋt hofobishke; yohmi ka katimak o̱ oka okcha̱ya yʋmma ish ai ishi hosh?

Ohoyo hash ot, Messias, Klaist hohchifo kʋt, ʋla hi a̱ ithana lishke, yʋmmʋt ʋla hok mak osh, nana moma ka pim anola hi oke, im achi tok. Chisʋs ash osh, Ʋno ʋt chim anumpohonli li kak osh mihi yo̱ sia hoke, im achi tok.

Yakeh! hatak ʋt nana ho̱ a kaniohmi li tok a̱ mominchit ʋm anoli ka ant ho pesá, ilʋppʋt Klaist mak o̱ keyu ho̱? achi tok.