Iivesi zeBhayibhile ezithandwayo ezisuka मत्‍ती 12

Share

मैं तुमते कैह रयौऊं, न्याय के दिनां में, हर एक आदमी कूं अपनी कही भई हर एक निकम्मी बात कौ लेखा दैनों परैगौ। चौंकि तू अपनी इन बातन की बजैह ते दोसी और इनई बातन के बजैह ते निरदोस ठहरायौ जाबैगौ।”

अरे सांप के सपोलेओ! तुम बुरे हैकें अच्‍छी बात कैसे कर सकौ? चौंकि जो मन में भरौ रैहतै बेई मौंह पै आबतै।

जो आदमी अच्‍छौ होगौ, बू अपने मन के भन्‍डार में ते अच्‍छी बात निकारैगौ। और बुरौ आदमी अपने मन में ते बुरीई बात निकारैगौ।

जो कोई आदमी मेरे यानी की ‘मनुस्‍य के बेटा’ के बिरोध में कैहबेगौ, वाकौ जि पाप तौ मांफ कर दियो जाबेगौ। पर जो कोई पबित्र आतमा के बारे में बुरौ कैहबेगौ, तौ वाकौ जि पाप न तौ जा लोक में और ना परलोक में मांफ करौ जाबैगौ। जामारै मैं तुमते कैहतूं, कै आदमी के सबरे पाप और बुराई मांफ करे जाबिंगे, पर जो आदमी पबित्र आतमा की बुराई करैगौ, तौ बू मांफ नांय करौ जाबैगौ।

“तुम लोग जानतेऔ के अच्‍छौ फल लैबे काजै तुमें अच्‍छौ पेड़ई लगानों चहिऐं। और बुरे पेड़ ते बुरौ फलई मिलतै चौंकि हर एक पेड़ अपने फलतेई जानों जातै।