Iivesi zeBhayibhile ezithandwayo ezisuka Luk 3

Share

Ndi Jɔn obosi bɛ ichɛŋa ɛfɔrafɔra fɛb, ɔwa Jisɔs mani mɨnɛ. Ndi orua nyɔm, kayu ka kugɛlɛnɛ. Mɨnɛ Ɔwanɛwanɛ Roifɛ ɔrɛmɔ ra ɛkpa amɔm Efilɛ. Remu resi ra kayu na, “Awu mɔ ara Wɔnowum, nwu nfɔnɔ rɛda ra. Etimɔ ɛdɔma mɛ ra wu.”

Jɔn ofini bɛ na, “Ami nyɨba mani nsiwun ichɛŋa ɛfɔrafɔra. Gbɔ oni nwu ɔfɔnɔ nsɨn osiŋɛ mɛ ɔtawɔ, idig a birɛ ikad ɛbɛn mbiyaa ntaa. Kɨn ɔyɨba Ɔwanɛwanɛ Roifɛ akɨla rokun osiwun ichɛŋa ɛfɔrafɔra.

Riwugɔ radɨnoti nda ra kɔgɛlɛ ɛfɔrafɔra. Rika bɨnɛ rikana ikpaju iwun na, ‘Mitɛ owul Ɛbɨraam.’ Kum lɔɔ nkani wun na Ɛbɨrɔkpabi ɛyaya ɛyɨba rata ndafafa esii mbɔn ɛnyɛ Ɛbɨraam.

Wa ba ɛlalɔ ra ilɨŋ oti, keti ranchinɛ nchi kebi wugɔ Bɨrika radɨnoti, kɨn wa kɨbi chɛ wa rɔ rikalɔ rokun.”

Kɛmanchi wa chɛrɛ ra Kɛkpa rachɛrɛ ra Aisaya, ɔlamaremu ra Ɛbɨrɔkpabi ƆKƆKƆ na: “Remu ra oni rɛrakɛ reyina ra rɔchɛ ra ifɨrifɨr, ‘Ri nawɛ ɔkpɛna ɔbɛn kɔŋŋ ri lɔmɔ, Ri tɛmɔ ɛtɨma rilɔmɔ! Iba ranfinɛ iyugɔ, kekul ranchinɛ akɨla keguŋuŋ ranchinɛ kɛ tawɛrɛnɛ. Itɨma nyi ira kɔkaŋ inawɛnɛ kɔŋŋ, obia itɨma wo tumɛ lɛll. Oniranwunɛ kɨn ɔchɛ ɛnaninani Ɛbɨrɔkpabi.’ ”