Iivesi zeBhayibhile ezithandwayo ezisuka Matius 7

Yabelana

Yesuse nu hawe, “Fdore to lali Jou Lahatalla i ahai ta mewe fparluna, lomanta I osta npo ahai ta mew fdor tina. Fiyawa to lali Jou Lahatalla I ahai ta mewe fparluna, lomanta mew osta fduk tina mali I. Ftoki to Jou Lahatalla ni bawaca, I osta ncalawe bawaca bo n'gali mew.

Ningalena ise ta ndor lali Jou Lahatalla I, i osta nduk. Ise ta niyawa i ni parluna lali Jou Lahatalla I, i osta nduk. Fare ise ta ntok Jou Lahatalla ni bawaca, Jou Lahatalla osta ncupat bawaca bo n'gali i.

Yesuse nu hawe, “Gabe smatna isa nlonga ta Ya ku tane ga nderera, i cia fatailo laisa smat ta rpandena ta nfaosal ebai mali fandasi ta ni patna cicoal.

Gabe laisa mew flokolo smatna rmasie mew, mewe ma nane fmasie si bena. Gabe fmasie smatna laina, mew fpei ndumi to ta rlefo mali Musa ni kitab silim tasa fare mali nabi nesana riri kitabna.”

Gabe laisa mew fsung fdelo bawa ta nkosca, mewe bo fduk tub re Jou Lahatalla denabe lali, ga ni lalingna kangela, fare lal pa smat ta rdel manana.”

Yesuse nu hawe, “Fsunge to fdelo bawa ta nkosca! Gabe laisa fsungna fdelo bawa ta namsaica, tina bo fan lali narakaca, ga ni lalingna kangela pa, fare smatna lal ta rdel manana.

Gabe makse wlomewna mayai, ga mew fto mfalaisa fpo okosesi ta mafia lali ntumewnana. Laina bena nimew Apa ta mali sorogaica! I wlona mafiana gaole, I osta npo ta mafiana lali smat ta rdoro I na.

Yesuse nu hawe, “Mdel pa ta bo fasala smate nesanana, bo Jou Lahatalla mati nfasale mewna. Ningalena laisa mew fasala smate nesa, Jou Lahatalla ma osta nfasala mew. Gabe laisa mew fngise smate na sal, Jou Lahatalla ma nngise namew salna.

Ga smat ta rlonga ta Ya iku tane ga rderera pa, ifatailo laisa smat ta rto paisapana ta rfaosal ebai mali nyinyenca popo.

Mew flokolo ftarokira be smate nesa na sal ta nenena, taga menamew sal ta mamagalna fatengtengna! Tina fatailo laisa ai mumuno ta nenena mali smate nesa mtana, mew bisa femi, taga balak ungo ta ntibane mta mew naca, femi pa. Mfalaisa mew bisa fua smate nesana, ‘Mali bo isalawe ai mumuno ta mali mtamnaca’, taga balak ungo ta mali mtamew naca, mew fatengtengna i.

Yesuse nu hawe, “Mewe nane fpei famafia re nabi ta damolang pana ta rlafo mali mewi! Ga si du, si tina smat ta jaga rfalafo Jou Lahatalla ni fatnaw lali smatna, naga enpa. Tem sina laisa dombana, ga ta molangna si rmayai laisa fun ailolona. Mewe bisa fto si tina nabi ta damolang pana mali ahai ta si rpeina. Tina laisa mom ta ni sogana, bisa pa bo piyona anggur penepa ara.

Farumi ai ta mafia, osta piyona ma mafia, ga ai ta mayaina osta piyona ma mayai.

Osta bisa pa aica nmafia ga piyona mayaina, fare bisa pa bena aica nmayai ga piyona mafiana.

Ga ai ta piyona mayaina, osta smatna rcelap taga rtaping.