Iivesi zeBhayibhile ezithandwayo ezisuka LUKE 12

Share

Ia dou vakarau tu vakakina koi kemudou talega: ni sa lako mai na Luve ni tamata e na tiki-ni-siga dou sa sega ni nanuma kina.

Ia mo dou dauvakasaqara ga na nona matanitu: ia ena soli me kenai kuri vei kemudou na ka kecega oqo.

Sa kaya talega vei ira ko koya, Dou raici kemudou vinaka, ka tarovi kemudou mai na daukocokoco; ni sa sega ni kalougata na tamata e na vuku ni sa levu na ka sa tu vua.

Ni na tiko na yalomudou e na yasana sa tiko kina na nomudoui yau.

Ia ko cei vei kemudou kevaka sa lomaocaoca sa rawata me vakuria vakalailai ga na siga ni nona bula?

Sa qai kaya ko koya vei ira na nona tisaipeli, O koya oqo ka’u sa kaya kina vei kemudou, Mo dou kakua ni lomaocaoca e na vuku ni nomudou bula, e na ka mo dou kania; se na vuku ni yagomudou, e na ka mo dou vakaisulu kina.

Ia sa wili kecega na drau ni ulumudou. O koya oqo mo dou kakua ni rere: dou sa uasivi cake vei ira na separo e vuqa.

Kakua ni rere, na qele-ni-sipi lailai; ni sa vinakata sara na Tamamudou me solia vei kemudou na matanitu.

Dou vakananuma na reveni: era sa sega ni kabukaburaki, se tatamusuki; sa sega na nodra vale ni yau se nodra lololo; ia sa vakani ira na Kalou: sa dina dou sa yaga vakalevu cake vei ira na manumanu!

Ia dou kakua ni dauvakasaqara na ka mo dou kania, se na ka mo dou gunuva: me kakua talega ni veidreyaki na lomamudou.

Ia kevaka sa vakasuluma vakaoqo na Kalou na co sa tu edaidai e na veiwere, a sa biu ki na lovo e na sabogibogi: ena sega li ni vinakata vakalevu cake me vakasulumi kemudou, koi kemudou sa lailai na nomudou vakabauta?

Ia sa sega na ka sa vuni, me kakua ni vakarairaitaki; se tabogo, me kakua ni kilai.