Genèse 6
6
Mali ndohai
1Aman ndohi ta hinè nzlèzlèmè a géɗ herkeda, a ta yu dalahai, 2golahi Bi Zhiklè ta rka, dalahai ndohai ta mbikaɓai. A ta ce ta a ngwoz, ara man ndav tengaʼa a woyaʼa. 3Ndo nzi pèc pècèk a ngaɗa: Mèzhèɓ ga da nza a sam ndo ara mpèc pècèk ɓai, te man ta hér skwi ndo. A nshèffè ndo da gu mvi 120.
4A pats nasa – a nde a ma ma ba – golahi Bi Zhiklè ta hul dalahai, a ta ya ta wudahai, ndohi ngur-gurhiaʼa ta zhè tʼherkeda, man nzlembaɗ ta a ndo a gèɗèʼa a gèɗ. Tengaʼa mbibihiaʼa halakai.
5Aman Ndo nzi pèc pècèk a rka, ndohi a géɗ herkeda ta gi skwi ambaɓiaʼa a vata, ta hér sèi skwi man ambaɓai te ndav ta pèc pècèk, a nkuɗi te ndav na, 6a ngaɗa: Dara i da gu ndo ɓai! A ndza na a ndav. 7Ndo nzi pèc pècèk a ngaɗa: I woy a i zede ta a géɗ herkeda: ndohi man i ge ta, a skwi ndzhamhai, a skwi nda a hwaɗhai, a ɗiakihai tʼhwaɗ giɗfèk, aman i kuɗi a géɗ tengaʼa a i gada: dara i da gu ɓai. 8Aman Noé a nʼngots pombai a sam Ndo nzi pèc pècèk.
Noé a gi wurom
9Na haha ma verzi Noé: Noé ndo man a woy Zhiklè, ndo nzuraʼa te ndev ndohi na, a ndzodzor Bi Zhiklè pèc pècèk. 10Noé a myu wudahi makar: Sem, Cham a Japhet. 11Herkeda ngedas na a sam di Bi Zhiklè, nʼndha a mphömè. 12A Bi Zhiklè a mpu di a herkeda, a rkaʼa, ngedas na, a ndohi tèlèba ta phoma a géɗ herkeda.
13A Bi Zhiklè a ngaɗa na Noé: I hur a géɗ ndikè-ma ndohai. Herkeda nʼndha a mphömè ndohai. I woy a i zede ta a nda herkeda. 14Gau wurom wof. Bazlda dzeɓa a pa. Ndè tʼhwaɗaʼa, a deɓaʼa, a votok. 15Gu arsa: Ngurè wurom, a tsi ri 300. Nguzlohaʼa, a tsi ri 50. Njüv na, a tsi ri 30. 16Ka lèkoma na gèɗ a wurom, a ka pizlèma na gèd, a ka jèka na vèvèɗ a verziaʼa, a tsi ri staɗ. A tsagi wurom, gau ntamagiaʼa. Ngelaʼa, gi te verziaʼa, te ndevaʼa, te géɗèʼa! 17I woy a i chè iyam mbiaʼa a géɗ herkeda, a i zede skwi man a shèffè a géɗ herkeda, tʼhwaɗ giɗfèk tèlèba. 18Aman nga derzla ma nga a ka: Sèi ka dè a wurom, kinè a wudahi ngaya, a ngwoz ngaya, a ngwozi wudahi ngaya. 19Te va skwi ndzhamhai tèlèba, co ngu-raʼa a ngwozaʼa, nguraʼa a ngwozaʼa, staɗ staɗ tèlèba, aman ta nzi a nshèffè a sam ngaya. A woy nguraʼa a ngwozaʼa, nguraʼa a ngwozaʼa, staɗ staɗ tèlèba. 20Te va ɗiakihai, a skwi ndzhamhai, a skwi man a hi a géɗ herkeda tèlèba, ta dè a pa cèw, cèw, a ta nzi a nshèffè. 21Aman ka, hul skwi nʼndi tèlèba a rai, aman ta da ndiaʼa. A ka ɓüco skwi nʼndi ngaya a skwi nʼndi tengaʼa. 22A Noé a ngu arsa, a ngau ara man Bi Zhiklè a gada na.
Currently Selected:
Genèse 6: MOF89
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Alliance Biblique du Cameroun 1989