Genèse 7
7
Iyam nchè-nchè
1A Ndo nzi pèc pècèk a ngaɗa na Noé: Do a wurom, kinè a ndohi gi ngaya, aman i ngats ka ndo nzuraʼa a sam ga, te va ndohi herkeda haha tèlèba. 2Te va skwi dak man Zhiklè a sla na mpanaʼa, co nguraʼa a ngwozaʼa, nguraʼa a ngwozai, a gi 7. Te va skwi dak man Zhiklè a sla na nlizhèa, co nguraʼa a ngwozaʼa, nguraʼa a ngwozaʼa, staɗ staɗ. 3Te va ɗiakihai tʼhwaɗ giɗfèk, nguraʼa a ngwozai, nguraʼa a ngwozaʼa, tsaraɗ tsaraɗ, aman tser ta a nzi a géɗ herkeda tèlèba, a nshèffè a zi azɓai. 4Te deb mʼmèn tsaraɗ i woy a i zlindè iyam a géɗ herkeda, mʼmen 40, a i gedassa skwi man i gau a nshèffè te pa tèlèba. 5A Noé a ngu tèlèba, ara man Ndo nzi pèc pècèk a gada na. 6Mvi Noé 600, aman Zhiklè a nchko iyam mbiaʼa a herkeda.
7Ga iyam mbiaʼa a mshkè, Noé a wudahi na, a ngwoz na, a ngwozi wudahi na, to do a wurom. 8Te va skwi dak man Zhiklè a sla na mpanaʼa, te va skwi dak man Zhiklè a sla na nlizhèa, te va ɗiakihai, te va skwi tèlèba man a hi a géɗ herkeɗa, 9nguraʼa a ngwozaʼa nguraʼa a ngwozaʼa, staɗ staɗ to do a wurom a nda Noé, ara man Bi Zhiklè a gaɗa na Noé. 10Te deɓ mʼmen tsaraɗ, iyam mbiaʼa a mshkè a géɗ herkeda. 11Mvi Noé 600, a ki staɗ, a mʼmèn 17; a pats nasa iyam a ntsoko gèɗ auda te vèvèɗ te herkeda, a nvakavar te giɗfêk a mwin na, 12a iyam a ndzurvkaɗahai a géɗ herkeda, mʼmèn 40. 13A pats nasa Noé a ndo a wurom a nda wudahi na: Sem, Cham, a Japhet, a nda ngwoz na, a nda ngwozi wudahi na makar, 14tengaʼa a skwi dakhai tsaɗ tsaɗ tèlèba, a skwi ndzhamhai, a skwi man a hi a géɗ herkeda tèlèba, a ɗiakihi ba, a skwi man kelpasl a va staɗ staɗ tèlèba, 15to do a wurom a sam Noé, te va skwi a nshèffè tèlèba, cèw cèw. 16Skwihi man to do a pa, nguraʼa a ngwozaʼa, nguraʼa a ngwozaʼa, staɗ staɗ, ara man Bi Zhiklè a njo. A Ndo nzi pèc pècèk a mpizlè ta ma a pa.
17A iyam mbiaʼa a ngu a géɗ herkeda, mʼmèn 40. A iyam a grè a grè, a wurom a ndè a géɗèʼa. 18A iyam a wuzheda va a géɗ herkeda a vata, a wurom a nʼnza a géɗ iyam. 19A iyam a grè a ma ma a vata a géɗ herkeda, a zahi mbibihiaʼa tʼhwaɗ giɗfèk tèlèba, iyam a nzede ta. 20A nzede ta zahi mbibihiaʼa ta tʼhwaɗ iyam a tsi ri 15. 21A skwi a nshèffè a géɗ herkeɗa tèlèba, a ɗiakihai, a skwi ndzhamhai, a skwi dak a skwi tèlèba man a zhè a nshèffè a géɗ herkeda, a ndohi ba, ta bazl ta. 22A skwi man a shèffè tèlèba, man a géɗ herkeda, ta bazl ta. 23Gar haha Bi Zhiklè a ngedassa skwi man a nshèffè a géɗ herkeda tèlèba aussa. Njèkè Noé staɗ, a skwi man a zhé a sam na te wurom. 24A iyam a nʼnza a géɗ herkeda, mʼmen 150.
Currently Selected:
Genèse 7: MOF89
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Alliance Biblique du Cameroun 1989