Saramaccan - 1998 Edition (NT) Drama

<div class="version vid272 iso6393srm" data-vid="272" data-iso6393="srm">
    <div class="book bkMAT">
        <div class="chapter ch8" data-usfm="MAT.8">
            <div class="label">8</div><div class="s1"><span class="heading">Aki Masa Jesosi kula</span></div><div class="s2"><span class="heading">wan tjinama.</span></div><div class="r"><span class="heading">Maik. 1:40-45; Luk. 5:12-16</span></div><div class="p"><span class="content">  </span><span class="verse v1" data-usfm="MAT.8.1"><span class="label">1</span><span class="content">N&#246;&#246; h&#235;n Masa Jesosi bazia di kuun ko a goon, n&#246;&#246; h&#235;n dee gaan hia s&#235;mb&#235; ku &#235;n bi d&#235; ala, h&#235;n de d&#235; n&#235;&#235;n baka ta ko. </span></span><span class="verse v2" data-usfm="MAT.8.2"><span class="label">2</span><span class="content">Te wan pisi h&#235;n wan s&#235;mb&#235; waka ko n&#235;&#235;n, h&#235;n a tj&#246;k&#246; kini a goon n&#235;&#235;n fesi. Di s&#235;mb&#235; aki siki tjina siki h&#235;n a begi Masa Jesosi taa: &#8220;Masa o, gaantangi, ee i k&#235;, n&#246;&#246; i kula mi be mi ko bunu baa.&#8221;</span></span></div><div class="p"><span class="verse v2" data-usfm="MAT.8.2"><span class="content">  </span></span><span class="verse v3" data-usfm="MAT.8.3"><span class="label">3</span><span class="content">H&#235;n Masa Jesosi tuw&#235; maun panj&#235;&#235;n, h&#235;n a taki d&#235;&#235;n taa: &#8220;Aai, mi k&#235;. Ko bunu fii e.&#8221; N&#246;&#246; h&#235;n wantewante d&#235; h&#235;n a ko bunu. Sinkii f&#235;&#235;n limbo gbegedee.</span></span></div><div class="p"><span class="verse v3" data-usfm="MAT.8.3"><span class="content">  </span></span><span class="verse v4" data-usfm="MAT.8.4"><span class="label">4</span><span class="content">N&#246;&#246; h&#235;n Masa Jesosi bai &#235;n taa: &#8220;Womi, fa joo go aki, n&#246;&#246; na konda di soni aki da na wan kodo s&#235;mb&#235; e. Ma be i waka tololoo go a di begima u keiki be de si taa i ko bunu. N&#246;&#246; i tja di paima go paka Masa Gadu kumafa di w&#235;ti d&#235; taa te wan s&#235;mb&#235; i ko bunu u s&#246; wan siki n&#246;&#246; s&#246; i musu du.&#8221;</span></span></div><div class="s1"><span class="heading">Aki ta lei fa wan sodati hedima biibi Masa Jesosi tjika.</span></div><div class="r"><span class="heading">Luk. 7:1-10</span></div><div class="p"><span class="verse v4" data-usfm="MAT.8.4"><span class="content">  </span></span><span class="verse v5" data-usfm="MAT.8.5"><span class="label">5</span><span class="content">N&#246;&#246; a baka u di d&#235;, h&#235;n Masa Jesosi toona go a Kapenaumi. N&#246;&#246; fa a go dou naand&#235;, h&#235;n wan hedima u dee Loom&#235; k&#246;nd&#235; sodati ko n&#235;&#235;n. </span></span><span class="verse v6" data-usfm="MAT.8.6"><span class="label">6</span><span class="content">H&#235;n a taki d&#235;&#235;n taa: &#8220;Masa o, mi ko a i aki. Wan u dee futuboi u mi suwaki teee piki s&#246; fika a d&#235;d&#235;. A d&#235; a wosu kandikandi, n&#246;&#246; a d&#235; a gaan fuka seei te an sa buli. N&#246;&#246; h&#235;n mi ko a i ko begi i gaantangi be i kul&#235;&#235;n da mi.&#8221;</span></span></div><div class="p"><span class="verse v6" data-usfm="MAT.8.6"><span class="content">  </span></span><span class="verse v7" data-usfm="MAT.8.7"><span class="label">7</span><span class="content">H&#235;n a piki &#235;n taa: &#8220;S&#246;&#246;, mati mi jei. Mi o go n&#235;&#235;n.&#8221;</span></span></div><div class="p"><span class="verse v7" data-usfm="MAT.8.7"><span class="content">  </span></span><span class="verse v8" data-usfm="MAT.8.8"><span class="label">8</span><span class="content">Ma n&#246;&#246; h&#235;n di sodati hedima toona taki d&#235;&#235;n taa: &#8220;W&#235; Masa o.&#8221;</span></span></div><div class="p"><span class="verse v8" data-usfm="MAT.8.8"><span class="content">A piki.</span></span></div><div class="p"><span class="verse v8" data-usfm="MAT.8.8"><span class="content">A taa: &#8220;Ma bumbuu tjika s&#246; e, fii ko a mi wosu. Ma n&#246;&#246; i sabi n&#246;? Be i fan leti ka i si i sai aki n&#246;&#246;, n&#246;&#246; di futuboi u mi o ko bunu kaa. Biga s&#246; mi sabi taa i abi taki tjika.</span></span></div><div class="p"><span class="verse v8" data-usfm="MAT.8.8"><span class="content">  </span></span><span class="verse v9" data-usfm="MAT.8.9"><span class="label">9</span><span class="content">&#8220;Biga miseei, fa mi d&#235; aki, mi sabi andi da taki. Biga mi d&#235; a s&#235;mb&#235; basu kaa, n&#246;&#246; miseei abi s&#246;m&#235;ni sodati a mi basu tu. N&#246;&#246; ee mi taki da wan u de taa be a go ala, n&#246;&#246; a o go. Ee mi taki d&#235;&#235;n taa be a ko aki, n&#246;&#246; a o ko. Ee mi manda wan u dee futuboi u mi faa du wan soni, n&#246;&#246; a o du &#235;n.</span></span></div><div class="p"><span class="verse v9" data-usfm="MAT.8.9"><span class="content">&#8220;N&#246;&#246; s&#246;seei mi sabi taa i abi taki tu, te a siki liba seei. N&#246;&#246; h&#235;n mbei mi taa fii fan leti ka i d&#235; aki n&#246;&#246;, n&#246;&#246; di futuboi u mi o ko bunu kaa.&#8221;</span></span></div><div class="p"><span class="verse v9" data-usfm="MAT.8.9"><span class="content">  </span></span><span class="verse v10" data-usfm="MAT.8.10"><span class="label">10</span><span class="content">N&#246;&#246; di Masa Jesosi jei fa di sodati hedima fan d&#235;, n&#246;&#246; a bigi d&#235;&#235;n tee na soni. H&#235;n a fan ku dee Dju s&#235;mb&#235; dee ta waka ku &#235;n d&#235; taa: &#8220;Dee s&#235;mb&#235;, i si fa di s&#235;mb&#235; aki fan &#246;? W&#235; mi taki da unu seei gbelin taa, fa mi ta waka ta lontu a u Isa&#235;li k&#246;nd&#235; aki, n&#246;&#246; ma si di biibi u di s&#235;mb&#235; aki wan daka e. Ma n&#246;&#246; h&#235;n an d&#235; Isa&#235;li s&#235;mb&#235; seei faa musu biibi s&#246;.</span></span></div><div class="p"><span class="verse v10" data-usfm="MAT.8.10"><span class="content">  </span></span><span class="verse v11" data-usfm="MAT.8.11"><span class="label">11</span><span class="content">&#8220;N&#246;&#246; un m&#235;ni unu seei e. Biga mi taki da unu taa s&#246;m&#235;ni s&#235;mb&#235; na u Dju &#763;kuma di sodati hedima i si aki&#764; o kumutu a dee peipei k&#246;nd&#235; u goonliba ko biibi a mi disa unu. N&#246;&#246; de o go sindo makandi ku dee gaan s&#235;mb&#235; fuunu, dee Abahamu, Isaki, Jakopu s&#246;, ka Masa Gaangadu d&#235; k&#246;nu, ta njan di gaan piizii. </span></span><span class="verse v12" data-usfm="MAT.8.12"><span class="label">12</span><span class="content">Ma n&#246;&#246; un dee s&#235;mb&#235; bi musu feni di piizii d&#235;, n&#246;&#246; woon fika s&#246;nd&#246; &#235;n e. Dee basia u Gadu K&#246;nd&#235; o tuw&#235; unu go a d&#246;&#246; a dungudungu ala, n&#246;&#246; na ala woon d&#235; ta bai ta kai olo ta njan tanda, ma an o heepi m&#246;&#246;ns&#246;.&#8221;</span></span></div><div class="p"><span class="verse v12" data-usfm="MAT.8.12"><span class="content">  </span></span><span class="verse v13" data-usfm="MAT.8.13"><span class="label">13</span><span class="content">N&#246;&#246; di a bai de s&#246; kaa, n&#246;&#246; h&#235;n a bia fan ku di sodati hedima awaa, a taa: &#8220;Mati o.&#8221;</span></span></div><div class="p"><span class="verse v13" data-usfm="MAT.8.13"><span class="content">H&#235;n a piki.</span></span></div><div class="p"><span class="verse v13" data-usfm="MAT.8.13"><span class="content">H&#235;n a taa: &#8220;Toona go fii a wosu e. Di soni di i k&#235;, n&#246;&#246; a pasa leti kumafa i biibi naand&#235;.&#8221; N&#246;&#246; fa a fan d&#235;, n&#246;&#246; h&#235;n di juu d&#235; seei h&#235;n di futuboi u di sodati ko bunu kaa.</span></span></div><div class="s1"><span class="heading">Aki Masa Jesosi kula Petuisi mai ku s&#246;m&#235;ni oto s&#235;mb&#235;.</span></div><div class="r"><span class="heading">Maik. 1:29-34; Luk. 4:38-41</span></div><div class="p"><span class="verse v13" data-usfm="MAT.8.13"><span class="content">  </span></span><span class="verse v14" data-usfm="MAT.8.14"><span class="label">14</span><span class="content">N&#246;&#246; h&#235;n Masa Jesosi kumutu d&#235;, h&#235;n a go a di bakama f&#235;&#235;n de kai Petuisi wosu. N&#246;&#246; h&#235;n a go si di mai u Petuisi sikisiki p&#235;t&#235;&#235;&#235; a bedi naand&#235;. F&#235;b&#235; n&#246;&#246; kisi &#235;n s&#246;. </span></span><span class="verse v15" data-usfm="MAT.8.15"><span class="label">15</span><span class="content">N&#246;&#246; h&#235;n a t&#235;nd&#235; maun panj&#235;&#235;n, h&#235;n di muj&#235;&#235; ko b&#235;t&#235; wantewante. N&#246;&#246; h&#235;n a hopo go seeka soni u njan da Masa Jesosi.</span></span></div><div class="p"><span class="verse v15" data-usfm="MAT.8.15"><span class="content">  </span></span><span class="verse v16" data-usfm="MAT.8.16"><span class="label">16</span><span class="content">H&#235;n di sapate buka d&#235; seei, h&#235;n de ta tja wanl&#246; hia s&#235;mb&#235; ta ko a Masa Jesosi faa musu kula de. S&#246;m&#235;ni u dee s&#235;mb&#235; naand&#235; d&#235; ku soni a hedi, n&#246;&#246; h&#235;n Masa Jesosi ta jaka de ta puu a de. Wan w&#246;utu n&#246;&#246; a ta taki, n&#246;&#246; dee soni ta kumutu a de liba go kaa. S&#246; a abi kaakiti tjika, n&#246;&#246; s&#246; a kula hii dee suwakima de tja ko n&#235;&#235;n d&#235; tuu.</span></span></div><div class="p"><span class="verse v16" data-usfm="MAT.8.16"><span class="content">  </span></span><span class="verse v17" data-usfm="MAT.8.17"><span class="label">17</span><span class="content">N&#246;&#246; fa Masa Jesosi ta du d&#235;, n&#246;&#246; a kai makandi ku di soni di tjabukama u Gadu de kai Jesaaja bi sikifi a fesi di a taa:</span></span></div><div class="q1"><span class="verse v17" data-usfm="MAT.8.17"><span class="content">A tei dee suwaki fuu ku dee siki fuu tuu tja go.</span></span></div><div class="q1"><span class="verse v17" data-usfm="MAT.8.17"><span class="content">A puu de a u liba.</span></span></div><div class="s1"><span class="heading">Aki Masa Jesosi ta fan ku tu s&#235;mb&#235; dee k&#235; ko n&#235;&#235;n baka.</span></div><div class="r"><span class="heading">Luk. 9:57-62</span></div><div class="p"><span class="verse v17" data-usfm="MAT.8.17"><span class="content">  </span></span><span class="verse v18" data-usfm="MAT.8.18"><span class="label">18</span><span class="content">N&#246;&#246; h&#235;n de d&#235; te wan pisi, h&#235;n Masa Jesosi si fa dee hia s&#235;mb&#235; ko ta lontu &#235;n, n&#246;&#246; h&#235;n a fan ku dee bakama f&#235;&#235;n taa: &#8220;Un boo koti wata go a di oto s&#235; banda ala uf&#246; e.&#8221;</span></span></div><div class="p"><span class="verse v18" data-usfm="MAT.8.18"><span class="content">  </span></span><span class="verse v19" data-usfm="MAT.8.19"><span class="label">19</span><span class="content">Ma n&#246;&#246; di juu d&#235;, h&#235;n wan u dee Sabima u W&#235;ti ko a Masa Jesosi.</span></span></div><div class="p"><span class="verse v19" data-usfm="MAT.8.19"><span class="content">A kai &#235;n taa: &#8220;M&#235;sit&#235;.&#8221;</span></span></div><div class="p"><span class="verse v19" data-usfm="MAT.8.19"><span class="content">A piki.</span></span></div><div class="p"><span class="verse v19" data-usfm="MAT.8.19"><span class="content">A taa: &#8220;Mi k&#235; ko ta waka ku i o, hii kamian ka i nango.&#8221;</span></span></div><div class="p"><span class="verse v19" data-usfm="MAT.8.19"><span class="content">  </span></span><span class="verse v20" data-usfm="MAT.8.20"><span class="label">20</span><span class="content">N&#246;&#246; h&#235;n Masa Jesosi piki &#235;n taa: &#8220;&#763;I fan bunu e, mati. Ma fii waka a mi baka na s&#246;s&#246; soni e.&#764; Biga fa dee mbeti ta d&#235; a sabana d&#235;, n&#246;&#246; de abi baaku ta libi. S&#246;seei dee fou dee ta buwa ta lontu i si d&#235;, n&#246;&#246; de abi wosu a dee pau hedi. Ma n&#246;&#246; Mi di ko d&#235; Libis&#235;mb&#235; Mii aki, ma abi kamian ka mi ta duumi e.&#8221;</span></span></div><div class="p"><span class="verse v20" data-usfm="MAT.8.20"><span class="content">  </span></span><span class="verse v21" data-usfm="MAT.8.21"><span class="label">21</span><span class="content">N&#246;&#246; h&#235;n wan oto s&#235;mb&#235; bi d&#235; ku &#235;n d&#235; tu, h&#235;n a taki d&#235;&#235;n taa: &#8220;W&#235; miseei k&#235; waka ku i tu, ma te mi tata d&#235;d&#235; mi bei te mi kaba bif&#246;.&#8221;</span></span></div><div class="p"><span class="verse v21" data-usfm="MAT.8.21"><span class="content">  </span></span><span class="verse v22" data-usfm="MAT.8.22"><span class="label">22</span><span class="content">N&#246;&#246; h&#235;n Masa Jesosi piki &#235;n taa: &#8220;Mati o, be dee s&#235;mb&#235; dee d&#235; paatipaati ku Gadu bei de na de e. Ma be i ko go ku mi n&#246;&#246;.&#8221;</span></span></div><div class="s1"><span class="heading">Aki Masa Jesosi du wan gaan foondo soni a wata liba.</span></div><div class="r"><span class="heading">Maik. 4:35-41; Luk. 8:22-25</span></div><div class="p"><span class="verse v22" data-usfm="MAT.8.22"><span class="content">  </span></span><span class="verse v23" data-usfm="MAT.8.23"><span class="label">23</span><span class="content">N&#246;&#246; h&#235;n Masa Jesosi subi a boto, h&#235;n ku dee bakama f&#235;&#235;n, </span></span><span class="verse v24" data-usfm="MAT.8.24"><span class="label">24</span><span class="content">h&#235;n de ta koti nango a di oto s&#235; banda. Ma te u de m&#235;ni, h&#235;n wan gaan ventu ko, a bigi m&#246;&#246;n hii soni. H&#235;n di wata ta seki nango a di boto dendu teee kuma a sa singi di boto. Ma hii u di d&#235;, Masa Jesosi d&#235; pii a wan kamian u di boto ta duumi.</span></span></div><div class="p"><span class="verse v24" data-usfm="MAT.8.24"><span class="content">  </span></span><span class="verse v25" data-usfm="MAT.8.25"><span class="label">25</span><span class="content">N&#246;&#246; h&#235;n dee bakama f&#235;&#235;n kule go n&#235;&#235;n go kai &#235;n taa: &#8220;Masa o! Masa!&#8221;</span></span></div><div class="p"><span class="verse v25" data-usfm="MAT.8.25"><span class="content">H&#235;n a piki.</span></span></div><div class="p"><span class="verse v25" data-usfm="MAT.8.25"><span class="content">De taa: &#8220;Heepi u o! Woo kaba a wata!&#8221;</span></span></div><div class="p"><span class="verse v25" data-usfm="MAT.8.25"><span class="content">  </span></span><span class="verse v26" data-usfm="MAT.8.26"><span class="label">26</span><span class="content">H&#235;n a taki da de taa: &#8220;Womi, andi un ta f&#235;&#235;&#235; s&#246; u du? Piki n&#246;&#246; di biibi fuunu piki s&#246; n&#246;?&#8221;</span></span></div><div class="p"><span class="verse v26" data-usfm="MAT.8.26"><span class="content">N&#246;&#246; fa a fan d&#235;, h&#235;n a hopo gandji da di ventu ku di wata taa: &#8220;Un tan pii!&#8221; N&#246;&#246; wantewante d&#235; h&#235;n di wata k&#246;t&#246; piii. Di ventu kaba.</span></span></div><div class="p"><span class="verse v26" data-usfm="MAT.8.26"><span class="content">  </span></span><span class="verse v27" data-usfm="MAT.8.27"><span class="label">27</span><span class="content">N&#246;&#246; di dee bakama f&#235;&#235;n si s&#246; kaa, n&#246;&#246; a foondo de te na soni. De luku de na de taa: &#8220;Womi, amb&#235; seei da di s&#235;mb&#235; aki, womi? Te a fan ku ventu ku wata n&#246;&#246; de ta piki. A bigi da u o. Poosian n&#246;&#246; a abi s&#246;.&#8221;</span></span></div><div class="s1"><span class="heading">Aki Masa Jesosi puu wanl&#246; taku soni a tu s&#235;mb&#235; liba.</span></div><div class="r"><span class="heading">Maik. 5:1-20; Luk. 8:26-39</span></div><div class="p"><span class="verse v27" data-usfm="MAT.8.27"><span class="content">  </span></span><span class="verse v28" data-usfm="MAT.8.28"><span class="label">28</span><span class="content">N&#246;&#246; h&#235;n de go dou a oto banda a di pisiwata u dee Galas&#235;ni s&#235;mb&#235;. N&#246;&#246; fa de kumutu a tela naand&#235;, h&#235;n de ko miti ku tu womi ta libi a wan geebi naand&#235;. Dee s&#235;mb&#235; d&#235;, de d&#235; ku wanl&#246; taku soni a de liba, n&#246;&#246; de ta hogi tee na wan s&#235;mb&#235; tjika u ko a di kamian ka de sai d&#235;.</span></span></div><div class="p"><span class="verse v28" data-usfm="MAT.8.28"><span class="content">  </span></span><span class="verse v29" data-usfm="MAT.8.29"><span class="label">29</span><span class="content">N&#246;&#246; di de si Masa Jesosi kaa, h&#235;n de bai kai logologo wolo taa: &#8220;Amb&#235; ta ko d&#235;, ju di Mii u Gaangadu d&#235;! I ta ko fii da u sitaafu bif&#246; di daka dou n&#246;?&#8221; S&#246; de bai.</span></span></div><div class="p"><span class="verse v29" data-usfm="MAT.8.29"><span class="content">  </span></span><span class="verse v30" data-usfm="MAT.8.30"><span class="label">30</span><span class="content">N&#246;&#246; di juu d&#235;, wanl&#246; hia hagu bi d&#235; te ala ta pii soni ta njan. </span></span><span class="verse v31" data-usfm="MAT.8.31"><span class="label">31</span><span class="content">H&#235;n dee taku soni dee d&#235; a dee s&#235;mb&#235; liba naand&#235; begi Masa Jesosi taa: &#8220;W&#235; ee joo jaka u puu aki, n&#246;&#246; gaantangi da u pasi fuu go a dee hagu ala.&#8221;</span></span></div><div class="p"><span class="verse v31" data-usfm="MAT.8.31"><span class="content">  </span></span><span class="verse v32" data-usfm="MAT.8.32"><span class="label">32</span><span class="content">H&#235;n Masa Jesosi piki de taa: &#8220;Un go!&#8221; N&#246;&#246; fa a fan d&#235;, wantewante h&#235;n de kumutu a dee s&#235;mb&#235; liba go a dee hagu. N&#246;&#246; h&#235;n dee hagu kule ku baai gbulululu bazia wan kununu d&#235; teee go kai a wata djolou d&#235;d&#235; tuu fijaa.</span></span></div><div class="p"><span class="verse v32" data-usfm="MAT.8.32"><span class="content">  </span></span><span class="verse v33" data-usfm="MAT.8.33"><span class="label">33</span><span class="content">Ma n&#246;&#246; di dee s&#235;mb&#235; bi ta luku dee hagu si s&#246;, n&#246;&#246; h&#235;n de kule go a ganda go konda taa s&#246; wan soni pasa ku dee s&#235;mb&#235; dee bi d&#235; ku dee taku soni a hedi naand&#235;. </span></span><span class="verse v34" data-usfm="MAT.8.34"><span class="label">34</span><span class="content">N&#246;&#246; h&#235;n hii di k&#246;nd&#235; booko gililii ko miti ku Masa Jesosi. N&#246;&#246; h&#235;n de begi &#235;n taa gaantangi, be a kumutu a di pisiwata u de d&#235; go f&#235;&#235;n a oto kamian.</span></span></div>
        </div>
    </div>
</div>

Nöö hën Masa Jesosi bazia di kuun ko a goon, nöö hën dee gaan hia sëmbë ku ën bi dë ala, hën de dë nëën baka ta ko. Te wan pisi hën wan sëmbë waka ko nëën, hën a tjökö kini a goon nëën fesi. Di sëmbë aki siki tjina siki hën a begi Masa Jesosi taa: “Masa o, gaantangi, ee i kë, nöö i kula mi be mi ko bunu baa.”
Hën Masa Jesosi tuwë maun panjëën, hën a taki dëën taa: “Aai, mi kë. Ko bunu fii e.” Nöö hën wantewante dë hën a ko bunu. Sinkii fëën limbo gbegedee.
Nöö hën Masa Jesosi bai ën taa: “Womi, fa joo go aki, nöö na konda di soni aki da na wan kodo sëmbë e. Ma be i waka tololoo go a di begima u keiki be de si taa i ko bunu. Nöö i tja di paima go paka Masa Gadu kumafa di wëti dë taa te wan sëmbë i ko bunu u sö wan siki nöö sö i musu du.”


Nöö a baka u di dë, hën Masa Jesosi toona go a Kapenaumi. Nöö fa a go dou naandë, hën wan hedima u dee Loomë köndë sodati ko nëën. Hën a taki dëën taa: “Masa o, mi ko a i aki. Wan u dee futuboi u mi suwaki teee piki sö fika a dëdë. A dë a wosu kandikandi, nöö a dë a gaan fuka seei te an sa buli. Nöö hën mi ko a i ko begi i gaantangi be i kulëën da mi.”
Hën a piki ën taa: “Söö, mati mi jei. Mi o go nëën.”
Ma nöö hën di sodati hedima toona taki dëën taa: “Wë Masa o.”
A piki.
A taa: “Ma bumbuu tjika sö e, fii ko a mi wosu. Ma nöö i sabi nö? Be i fan leti ka i si i sai aki nöö, nöö di futuboi u mi o ko bunu kaa. Biga sö mi sabi taa i abi taki tjika.
“Biga miseei, fa mi dë aki, mi sabi andi da taki. Biga mi dë a sëmbë basu kaa, nöö miseei abi sömëni sodati a mi basu tu. Nöö ee mi taki da wan u de taa be a go ala, nöö a o go. Ee mi taki dëën taa be a ko aki, nöö a o ko. Ee mi manda wan u dee futuboi u mi faa du wan soni, nöö a o du ën.
“Nöö söseei mi sabi taa i abi taki tu, te a siki liba seei. Nöö hën mbei mi taa fii fan leti ka i dë aki nöö, nöö di futuboi u mi o ko bunu kaa.”
Nöö di Masa Jesosi jei fa di sodati hedima fan dë, nöö a bigi dëën tee na soni. Hën a fan ku dee Dju sëmbë dee ta waka ku ën dë taa: “Dee sëmbë, i si fa di sëmbë aki fan ö? Wë mi taki da unu seei gbelin taa, fa mi ta waka ta lontu a u Isaëli köndë aki, nöö ma si di biibi u di sëmbë aki wan daka e. Ma nöö hën an dë Isaëli sëmbë seei faa musu biibi sö.
“Nöö un mëni unu seei e. Biga mi taki da unu taa sömëni sëmbë na u Dju ˻kuma di sodati hedima i si aki˼ o kumutu a dee peipei köndë u goonliba ko biibi a mi disa unu. Nöö de o go sindo makandi ku dee gaan sëmbë fuunu, dee Abahamu, Isaki, Jakopu sö, ka Masa Gaangadu dë könu, ta njan di gaan piizii. Ma nöö un dee sëmbë bi musu feni di piizii dë, nöö woon fika söndö ën e. Dee basia u Gadu Köndë o tuwë unu go a döö a dungudungu ala, nöö na ala woon dë ta bai ta kai olo ta njan tanda, ma an o heepi möönsö.”
Nöö di a bai de sö kaa, nöö hën a bia fan ku di sodati hedima awaa, a taa: “Mati o.”
Hën a piki.
Hën a taa: “Toona go fii a wosu e. Di soni di i kë, nöö a pasa leti kumafa i biibi naandë.” Nöö fa a fan dë, nöö hën di juu dë seei hën di futuboi u di sodati ko bunu kaa.


Nöö hën Masa Jesosi kumutu dë, hën a go a di bakama fëën de kai Petuisi wosu. Nöö hën a go si di mai u Petuisi sikisiki pëtëëë a bedi naandë. Fëbë nöö kisi ën sö. Nöö hën a tëndë maun panjëën, hën di mujëë ko bëtë wantewante. Nöö hën a hopo go seeka soni u njan da Masa Jesosi.
Hën di sapate buka dë seei, hën de ta tja wanlö hia sëmbë ta ko a Masa Jesosi faa musu kula de. Sömëni u dee sëmbë naandë dë ku soni a hedi, nöö hën Masa Jesosi ta jaka de ta puu a de. Wan wöutu nöö a ta taki, nöö dee soni ta kumutu a de liba go kaa. Sö a abi kaakiti tjika, nöö sö a kula hii dee suwakima de tja ko nëën dë tuu.
Nöö fa Masa Jesosi ta du dë, nöö a kai makandi ku di soni di tjabukama u Gadu de kai Jesaaja bi sikifi a fesi di a taa:
A tei dee suwaki fuu ku dee siki fuu tuu tja go.
A puu de a u liba.


Nöö hën de dë te wan pisi, hën Masa Jesosi si fa dee hia sëmbë ko ta lontu ën, nöö hën a fan ku dee bakama fëën taa: “Un boo koti wata go a di oto së banda ala ufö e.”
Ma nöö di juu dë, hën wan u dee Sabima u Wëti ko a Masa Jesosi.
A kai ën taa: “Mësitë.”
A piki.
A taa: “Mi kë ko ta waka ku i o, hii kamian ka i nango.”
Nöö hën Masa Jesosi piki ën taa: “˻I fan bunu e, mati. Ma fii waka a mi baka na sösö soni e.˼ Biga fa dee mbeti ta dë a sabana dë, nöö de abi baaku ta libi. Söseei dee fou dee ta buwa ta lontu i si dë, nöö de abi wosu a dee pau hedi. Ma nöö Mi di ko dë Libisëmbë Mii aki, ma abi kamian ka mi ta duumi e.”
Nöö hën wan oto sëmbë bi dë ku ën dë tu, hën a taki dëën taa: “Wë miseei kë waka ku i tu, ma te mi tata dëdë mi bei te mi kaba bifö.”
Nöö hën Masa Jesosi piki ën taa: “Mati o, be dee sëmbë dee dë paatipaati ku Gadu bei de na de e. Ma be i ko go ku mi nöö.”


Nöö hën Masa Jesosi subi a boto, hën ku dee bakama fëën, hën de ta koti nango a di oto së banda. Ma te u de mëni, hën wan gaan ventu ko, a bigi möön hii soni. Hën di wata ta seki nango a di boto dendu teee kuma a sa singi di boto. Ma hii u di dë, Masa Jesosi dë pii a wan kamian u di boto ta duumi.
Nöö hën dee bakama fëën kule go nëën go kai ën taa: “Masa o! Masa!”
Hën a piki.
De taa: “Heepi u o! Woo kaba a wata!”
Hën a taki da de taa: “Womi, andi un ta fëëë sö u du? Piki nöö di biibi fuunu piki sö nö?”
Nöö fa a fan dë, hën a hopo gandji da di ventu ku di wata taa: “Un tan pii!” Nöö wantewante dë hën di wata kötö piii. Di ventu kaba.
Nöö di dee bakama fëën si sö kaa, nöö a foondo de te na soni. De luku de na de taa: “Womi, ambë seei da di sëmbë aki, womi? Te a fan ku ventu ku wata nöö de ta piki. A bigi da u o. Poosian nöö a abi sö.”


Nöö hën de go dou a oto banda a di pisiwata u dee Galasëni sëmbë. Nöö fa de kumutu a tela naandë, hën de ko miti ku tu womi ta libi a wan geebi naandë. Dee sëmbë dë, de dë ku wanlö taku soni a de liba, nöö de ta hogi tee na wan sëmbë tjika u ko a di kamian ka de sai dë.
Nöö di de si Masa Jesosi kaa, hën de bai kai logologo wolo taa: “Ambë ta ko dë, ju di Mii u Gaangadu dë! I ta ko fii da u sitaafu bifö di daka dou nö?” Sö de bai.
Nöö di juu dë, wanlö hia hagu bi dë te ala ta pii soni ta njan. Hën dee taku soni dee dë a dee sëmbë liba naandë begi Masa Jesosi taa: “Wë ee joo jaka u puu aki, nöö gaantangi da u pasi fuu go a dee hagu ala.”
Hën Masa Jesosi piki de taa: “Un go!” Nöö fa a fan dë, wantewante hën de kumutu a dee sëmbë liba go a dee hagu. Nöö hën dee hagu kule ku baai gbulululu bazia wan kununu dë teee go kai a wata djolou dëdë tuu fijaa.
Ma nöö di dee sëmbë bi ta luku dee hagu si sö, nöö hën de kule go a ganda go konda taa sö wan soni pasa ku dee sëmbë dee bi dë ku dee taku soni a hedi naandë. Nöö hën hii di köndë booko gililii ko miti ku Masa Jesosi. Nöö hën de begi ën taa gaantangi, be a kumutu a di pisiwata u de dë go fëën a oto kamian.

Feti si Mateosi 8