Àwọn Ẹsẹ Bíbélì Tí Ọ̀pọ̀ Èèyàn Mọ Gbantumsə̀ bəd Tùsá 1

Pín

Zá sɛŋ aa Nwul Gìdń dáà síìmmà aí yílə́ rə, íí dá kpɛŋsɛ́l nə́ŋ̀ bɔbàá. Kàanyée gə́, íí dáá sedako ma'ǹ máá yílú, íí dáá nwɔŋ mə́ baàn Urusalima bìlú, íí dááráàn Yahudiya yɛ́b ba, kə̀ Samariya yɛ́b ba, bít íí dááráàn wə́ə̀n zɔ̀ŋ aa yɛ́b dùg bəroó.»

Yéésù kè' í' bə̀: «Íí dá sə̀n sɛŋ aarə, kə̀ nyàm aarə gabm̀ gá, sɛŋ aa Báá mə́ və̀d zígà kə̀ kpɛŋsɛ́l oò roó.

Nyàm nə́ŋ̀ Yéésù tə́ in líìn kə̀ gbantumsə̀ oò bəd tə́ yée gə́, bàà bə̀ nwɔŋ aa yée kə̀ kpɛŋsɛ́lá: «Zá' ìì dàà Urusalima bìl sí, zá kùm ìì nwán Nwul Gìdń aa Báá bə́n bàà dàà bəǹ dááiyà tùmà roó. Gbád mə́ bààiyà nwɔŋ aarəì nyàam kpɔ̀ɔ̀m. Kə̀ aakíin, Yohana gə́, pii nɛ́b bəd baptisma kə̀ wəlá; zá sɛŋ zɔ̀gɔ̀ gə́, Vɛnɛ́b dáá ii baptisma piìn kə̀ Nwul Gìdńná.»

Sɛŋ aa díímà valə́ rə, yaà ì' yíl oò gbantumsə̀ oò bəd núùrú, í' bə̀ i'ǹmbə̀ bəǹ tə́ kə̀ gɔ̀ŋsá' yaà ì' yíl oò boò núùrú, sɛŋ laa iira, bít bàà bə̀ Vɛnɛ́b Gààd nwɔŋá.

Zɔ̀ŋ aa bàà tá' nwɔŋ bəraa yée gə́, zá' na' kíìn lɛgə́ poú. Nɛ́ɛ̀m boò kɔ̀ dìì bə̀ tə́ù ɛgǹ gə́, mɔb yaà kágə̀ kíìn boò núùrú.

Bə́ŋ̀ bə̀ tə́ núù ɛgǹ lɛgə́ paà, zɔ̀ŋ aa Yéésù tə́ na'ǹ bərə gə́, bə̀ bé' nɛ́b vɔ̀ɔ̀m bəd iira, bə̀ páá gɔ̀' biírá, yaà bə̀ vúg bóò səǹ zé bùúd, bít ìì bàà bə̀: «Íí nɛ́b Galili bə̀ bərá, kə̀ níìbə̀ íí dìì taà zɔ̀ŋə kə̀ núù ɛgǹmbə̀ lɛgə́ gú? Yéésù aa Vɛnɛ́b pà' náù lɛgú, aí núùrú yérə, dáà bídǹnà kə̀ nɛɛ̀n aa íí bé'ù tə́ na'ǹ lɛgə́ rə kíin.»