Àwọn Ẹsẹ Bíbélì Tí Ọ̀pọ̀ Èèyàn Mọ Jenesis 27

Pín

Anutunoŋ mono siwewaa bedu uŋjijiya ano namowaa toomoriaŋa togoŋ gono yaka logoyaga, yagoŋ dumuŋ kota ano wain apu iwoiga ii honoŋa qaa asugiŋ seiwu. Kantria kantria yoŋonoŋ mono weleŋ qeŋ goma laligowu. Kanageso tuuŋa tuuŋa yoŋonoŋ mono simiŋ kuma goma laligowu. Giinoŋ mono geeŋgaa daremunuruga yoŋoo eja poŋgia kolooŋ laligowa. Nemuŋgaa merauruta yoŋonoŋ mono simiŋ kuma goma laligowu. Moŋnoŋ qasuaaŋ gombaati, qasumasuaanoŋ mono iwaa qaganoŋ ubaa. Moŋnoŋ kotuegoŋ gombaati, kotumotuenoŋ mono iwaa qaganoŋ ubaa.” Kiaŋ.

Kaeŋ ijoro Iisoonoŋ kokaeŋ jero: “Konanoŋ mono indiŋa woi tiligoŋ nono laligojeŋ: Iinoŋ wala asugiwetiwaa qabuŋaya ii wala nuandabororo ano kete noonoŋ kotumotue ii kaaŋagadeeŋ tagoŋ nuama meja. Kawaajoŋ qata Jeikob (tiliqili eja) qamakejoŋi, ii mono soyanoŋ kolooja. Kotumotue moŋ mono noojoŋ eŋ gonja me qaago?”

Saaro maŋanoŋ kokaeŋ meleema ijoro: “Moba, giinoŋ mono baloŋ toomoriaŋawo mesaoŋ koriganoŋ kema laligowa. Iikanoŋ sombimbaa bedu uŋjijiya ii kanakeewaŋga mende kamaaŋkebaa. Gii manjawaa soo somatanoŋ ejemba laŋ uŋuŋ laaligoga aŋgoŋ koma kogaa weleŋqeqeya kamakamaata kolooŋ laligowa. Kaeŋ laligowagato, kanawaeŋ qeŋ koga utama muŋ kambaŋ iikanoŋ kareŋ motoŋ iwaa galeŋ koŋkoŋa uŋuŋ yakariŋ geeŋgaa nanaŋ laligowa.”

Kaeŋ meleeno maŋaajoŋ kokaeŋ jero: “Oo amana, kotumotue motooŋgo iigadeeŋ mono eŋ gonja me nomaeŋ? Oo amana, mono nii moŋ kotuegoŋ nomba.” Kaeŋ jeŋ kanaiŋ silama saaro.