Àwọn Ẹsẹ Bíbélì Tí Ọ̀pọ̀ Èèyàn Mọ Yoane 15

Pín

Ingye ndi ndina ya binyu, nenyu muri mitahi: oyo wikere omwisi wage, nage omwisi wuwe, yukabuta ebiguma bingi: kusangwa ate ingye simwa­ngatoka erikolaki.

Mwikale omwisi wage, nage omwisi wenyu. Ngomutahi siaritoka eributa ebiguma igowene, atikere omwisi wendina yebinyu; nenyu simwanga toka mutikere omwisi wage.

Mwamikala omwisi wage, nebinywa byage ibikikala omwisi wenyu, musabe ekinduki mwanzire, kyasyakoleka busana nenyu.

Simwetayisoga ingye, nikwa ingye nayisoga inywe, neribahiraho, busana neribwambu mugende mubute ebiguma, nebiguma byenyu bikale: neryo ekinduki mwasya bulya Tata omo rina ryage, iniabahakyo.

Sihari mundu uwite olwanzo olulabire olu, omundu erisiga engebe yiwe busana nabira buwe.

Emitahi yosi eyiri omwisi wage eyitebuta ebiguma, akalusayayo: nemitahi yosi eyikabuta ebiguma, akerayayo, iyatoka eributa ebiguma okwilaba.

Eri ni hana ryage, mwanzane, ngoko nyibanzire.

Busana neki Tata wage akake ngawa, mubute ebiguma bingi; mutya mwasyabya abiga bage.

Ingye ndi ndina ya binyu ya kwenene, na Tata wage ni mulimiri.

Omundu oyu tikala omwisi wage, aka gusawa eyihya ngomutahi inioma; ibakumakumayo, ibagusayo oko muliro, iyahya.

Nabiribuga emyatsi eyi nenyu, obutseme bwage bubye omwisi wenyu, kandi nobutseme bwenyu ibusulibwa.

Mwamateya amahano wage, mwasikala omo lwanzo lwage; ngoko nage nabiriteya amahano waTata wage, nyikire omo lwanzo luwe.

Ngabahana emyatsi eyi, imwanzana.

Kumbe mubye be kihugo, kumbe e kihugo kyanzire abakyo: nikwa kusangwa simuri be kihugo, nikwa nayisoga inywe erilwa omo kihugo, kikaleka e kihugo ikyabakwa obusu.