Yoane 15
15
Endina yeBinyu nemitahi yabyo
1Ingye ndi ndina ya binyu ya kwenene, na Tata wage ni mulimiri. 2Emitahi yosi eyiri omwisi wage eyitebuta ebiguma, akalusayayo: nemitahi yosi eyikabuta ebiguma, akerayayo, iyatoka eributa ebiguma okwilaba. 3Mwamabiera busana nekinywa ekyo nababwira. 4Mwikale omwisi wage, nage omwisi wenyu. Ngomutahi siaritoka eributa ebiguma igowene, atikere omwisi wendina yebinyu; nenyu simwanga toka mutikere omwisi wage. 5Ingye ndi ndina ya binyu, nenyu muri mitahi: oyo wikere omwisi wage, nage omwisi wuwe, yukabuta ebiguma bingi: kusangwa ate ingye simwangatoka erikolaki. 6Omundu oyu tikala omwisi wage, aka gusawa eyihya ngomutahi inioma; ibakumakumayo, ibagusayo oko muliro, iyahya.
7Mwamikala omwisi wage, nebinywa byage ibikikala omwisi wenyu, musabe ekinduki mwanzire, kyasyakoleka busana nenyu. 8Busana neki Tata wage akake ngawa, mubute ebiguma bingi; mutya mwasyabya abiga bage. 9Ngoko Tata abirinyanza, nage nabiribanza: mwikale omo lwanzo lwage. 10Mwamateya amahano wage, mwasikala omo lwanzo lwage; ngoko nage nabiriteya amahano waTata wage, nyikire omo lwanzo luwe. 11Nabiribuga emyatsi eyi nenyu, obutseme bwage bubye omwisi wenyu, kandi nobutseme bwenyu ibusulibwa. 12Eri ni hana ryage, mwanzane, ngoko nyibanzire. 13Sihari mundu uwite olwanzo olulabire olu, omundu erisiga engebe yiwe busana nabira buwe. 14Inywe muri bira bage, mwamakola emyatsi ngabahana.
Mwanzane
15Sindibahula kandi mo bagombe; kusangwa omugombe siariminya ebyo Mukama wuwe akakola: nikwa ngabahula mo bira; kusangwa nabiribaminyisya emyatsi yosi eyo ngowa ku Tata wage. 16Simwetayisoga ingye, nikwa ingye nayisoga inywe, neribahiraho, busana neribwambu mugende mubute ebiguma, nebiguma byenyu bikale: neryo ekinduki mwasya bulya Tata omo rina ryage, iniabahakyo. 17Ngabahana emyatsi eyi, imwanzana.
18E kihugo kyamabakwa obusu, imwaminya ko kyatsuka erinyikwa obusu embere weribakwabo. 19Kumbe mubye be kihugo, kumbe e kihugo kyanzire abakyo: nikwa kusangwa simuri be kihugo, nikwa nayisoga inywe erilwa omo kihugo, kikaleka e kihugo ikyabakwa obusu. 20Mwibuke eKinywa nabuga nenyu nyiti, Omugombe siarilenga omukama wuwe. Bamabya babirinyendererya, nenyu basyabendererya; bamabya bateyirye ekinya kyage, nekyenyu basyateyakyo. 21Nikwa emyatsi eyi basyabakola yoko busana nerihingana nerina ryage, kusangwa sibasi oyo wanyituma. 22Kumbe nyitasa neribuga nabo, nga sibawite ekibi: nikwa lino sibawite eriyigana ekibi kyabo. 23Oyu kanyikwa obusu akakwa Tata wage obusu. 24Kumbe nyitekola omukati-kati kabo emibiri eyitekolawa nogundi mundu, nga sibawite ekibi: nikwa lino babirinyilolako babirinyikwa ekiniga ingye na Tata wage. 25Nikwa bikabya bitya, eKinywa kiberere kyasakawa omo bihano byabo, kiti, Banyikwa obusu bo buyira. 26Nikwa Embuyi asyabyasa, oyo nasyabatumira erilwa uku Tata, ye Kirimu kyakwenene, eki kalwa ewa Tata, akandisyatulago busana nage: 27nenyumukatulago, kusangwa eritsuka erimberembere imwabiribya haguma nage.
Àwon tá yàn lọ́wọ́lọ́wọ́ báyìí:
Yoane 15: NTN62
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Le Nouveau Testament et les Psaumes en Ndandi © British and Foreign Bible Society, 1962.