Yoane 14
14
Erilaga ryaYesu uku bagombe buwe
1Simuleke emitima yenyu ikabya nobulige: mwikiriraye oko Mungu, nage munyikiriraye. 2Omunyumba ya Tata wage muri ngonde nyingi; bitebitya, nganamababwire; kusangwa ngaya kokotaya ho wenyu. 3Namaya kokotya ho wenyu, nasyaswasa, inabatwala ewage; naho nyiri nenyu ho mwasyabya. 4Neyo ngaya, munasi enzira. 5Toma mwamu bwira, ati Mukama, sitwasi eyo ukaya; twasyaminya enzira yo tuti kwehi? 6Yesu mwabuga naye ati, Ingye ndi nzira, nekwenene, nengebe: sihali mundu akahika uku Tata, ate kwingye. 7Kumbe mulwe munyasi, ngamwabiriminya na Tata wage: neritsuka lino mumwasi, kandi mwabirimulolako. 8Filipo mwabuga naye, ati. Mukama, utukangaye Tata, ekyo kikanditutolera. 9Yesu mwamubwira, ati, Namabya nawe endambi yingaha, isuritanyiminya Filipo kwehi? Oyo wama nyilolako iniabirilola uku Tata; ni musindo wahi ukabuga, uti, Utukangaye Tata kwehi? 10Siwikirirye ko ndi mwisi waTata, na Tata omwisi wage kwehi? Ebinywa ngabuga nenyu sindi buga busana nage ingyowene: nikwa Tata oyo wikere omwisi wage akakola emibiri yiwe. 11Unyikiriraye ko ndi omwisi wa Tata, na Tata omwisi wage: kutse unyikiriraye busana nemibiri iyoyene. 12Kundu, kundu, ngabuga nenyu, Oyu kanyikiriraya, emibiri ngakola asyakolayo; kandi asyakola eyilengire eyo; kusangwa ngagenda ku Tata. 13Nekinduki mwasyabulya omo rina ryage, nasyakolakyo, Ise akengawe mu Mugala. 14Mwa masaba ekindu kyahi omo rina ryage, nasyakolakyo. 15Mwa manyanza mwasyateya amahano wage. 16Nage nasyasaba Tata, naye asyabaha eyindi Mbuyi, iniabya nenyu kera na kera, 17ye Kirimu kyekwenene: e kihugo sikyangatoka erimukokya; kusangwa sikimulolako, kutse erimuminya: inywe mumwasi; kusangwa ikere nenyu, kandi asyabya omwisi wenyu. 18Si ndiendisyabasiga mo ngubi: nasyaswasa kwinywe. 19Hakisiya katambi kake, ne kihugo ikitaswanyilolako; nikwa inywe muka nyilolako: kusangwa ndiho, nenyu mwasyabyaho. 20Oko kiro ekyo mwasyaminya ko ndi mwisi wa Tata, nenyu omwisi wage, nage omwisi wenyu. 21Oyu wite amahano wage akategayago, yukanyanza: noyu kanyanza asyanzwa na Tata wage, nage nasyamwanza, nasyayikangya kwiye. 22Yuda (oyute Iskariota) mwamubulya, ati, Mukama, byasyabya biti wasyayikangya kwitwe, uteyikangaya oko kihugo kwehi? 23Yesu mwamu subirya, ati, Omundu amanyanza, asyateya eKinywa kyage: na Tata wage asyamwanza, netu twasyasa kwiye, itwakokotya aheriikala ryetu haguma naye. 24Oyu tenyanza siaritegaya ebinywa byage: nekinywa ekyo mukowa si kyage, ni kyaTata oyo wanyituma.
Erilaga ryeKirimu Kibuyirire
25Emyatsi eyi nabiribuga nenyu, nyinikere haguma nenyu. 26Nikwa Embuyi kye Kirimu Kibuyirire, oyo Tata asyatuma omo rina ryage, iye akandisyabakangirirya emyatsi yosi, asya bibukya ebyosi nababwira. 27Obuholo ngabasigira; obuholo bwage ngabaha: butsira nge kihugo kikaha, ngabaha. Simuleke emitima yenyu ikabya nobulige, kutse simuleke ikubaha. 28Momowa ngoko nabuga nenyu, nyiti, Ngagenda, kandi nasyaswasa ukwinywe. Kumbe mulwe munyanzire, kumbe mwatsemire, kusangwa ngagenda ku Tata: kusangwa Tata andengire. 29Na lino nabiribabwira bitebyabya, neryo omu gulu byasyabya, imwikirirya. 30Sindibuga nenyu bingi kandi, kusangwa omusoki we kihugo akasa: naye siawite kindu omwisi wage; 31nikwa e kihugo kiminye ko nyanzire Tata, neryo ngoko Tata anyitegeka, ko ngakola. Muhangane, tuye eyi.
Àwon tá yàn lọ́wọ́lọ́wọ́ báyìí:
Yoane 14: NTN62
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Le Nouveau Testament et les Psaumes en Ndandi © British and Foreign Bible Society, 1962.