Àwọn Ẹsẹ Bíbélì Tí Ọ̀pọ̀ Èèyàn Mọ Okunwẹngịapụ 1

Pín

Ọkụma kụrọ ọ́ ḅụ ḅeinḅịa Fịafịa Tẹmẹ Ḅe ḅo ọ́mịna ọgọnọ gbanaḅịa sịkị, ó Jerusalẹm ḅie na, pịkị Judia ḅie mgba na, Sameria na ḅie ị̀ya onyechịẹapụ sọḅịa, pịkị ọkịmun tomonikiri mị ḅe kulumama la.”

Jizọs Ḅe nwọse ini ḅẹmẹ, “Sịkịma na mịẹmịẹaye ma na, ị̀ Ḍaḅe kụrọ ḅụ kẹngẹ mị àrị omiye-ẹ, anị pịkị sime ọ́ pịrịkẹ ómine àrị mịẹḅịa sịkị nwọ nemi.

Se ini ḅo koḅirima sịkị, Ọ̀ mịn mị nwọ tọn ini pịrịmẹ: “Ó Jerusalẹm mị koroma soma, ọkụma ómine ị̀ Ḍaḅe ḅereni ọ́ pịrị ḍiepịrịye mị nwọ koru, à ḍuko ọ́ pịrịsaye mị gbolomaye ḅụ. Jọn ḅe mengi se nweni saramẹ, ọkụma ḍin kalaye ḅo laḅịa sịkị ini Fịafịa Tẹmẹ Ḅe se mengi se ọ́ saraḅịa.”

Ọ̀ fịḅụsịsẹ ḅe ḍin-a mesi ḅụ Ori Ọ̀ ḅụ se tọn-a sịkị ḅụ ini ḍiemẹ, pikiḅịa ọkụ oforika ḅara ḅụ na Ò ḍumo waraḅẹ. Ini Ori ọrịmẹ, Ori ini na ọkwẹịnmẹ, Tamụnọ Amanyanakiri mị gbolomaye ḅụ.

Ọ̀ mịn mị ḅẹ so sịkị ini Ori ọkị iwo soḅie mun mẹ ini tọrụ se Ò ḍikiarịogbo, se soḅuno inia tọrụkuḅu Ò kikimamẹ.

Ini pa inia tọrụ se kweinma sotọrụ ḍikiarịogbo Ori ini koroma somẹ, anịsịkị abalala ḅiri mama owuapụ ḅo ḅụnemika ḅụ inia anga chịẹsimemẹ, se nwọse ini ḅẹmẹ, “Galili apụ, nde ó gose anịanga chịẹsime se tọrụ se kweinma sotọrụ ḍikiarịye? Ḅe Jizọs Ḅe, ini ọ́mịna ogboku ọkị iwo soḅie mun sa Ḅọ Ḅe, mịn gbọrị ḅara mị, ómine ọrị, ini Ò se iwo soḅie mun ọkụ mị Ọ̀ nwọse vinpịkị ḅoḅịa.”