Àwọn Ẹsẹ Bíbélì Tí Ọ̀pọ̀ Èèyàn Mọ MATIUS 19

Pín

Anasa Yesus adya sikenek keeboka lebokaʾ ara, ”Nimi ak dara, nera okna nong! Bok Imik Neyung ak dara, nidyaʾ ara or unuwanamso ok,” hyok.

Anasa wera sik penya danera, penya unggulurak bok, alda hnonok nong dangoka ulurak. Ban era Imik Neyung adya hnonok nenelelabok anasa, nim adya bokoka penya nenenaʾ ara hyak mem,” aboka Yesus adya wenyhusuk.

Wenyek Yesus ara sikenek, ”Men soko uyimoknya bera, men sum era, nengma ab gel ab uyisuk aro momnya dobokaʾ ara, ugunda anam einiwanggom de? Wenhyookanya lebokaʾ ara, Anasa nengma ara, alja genong neyung ak loboka, alda gela dolomla dara, wera sikda penya bok, hnonok nong dangoka ulurak, hyok.

Dara Yesus adya, alja yuba doro diriga ban nang ek, ”Banaso mab enyek, Imik Neyung wenesin heikek weknemak nim era anaso ulumnemakaʾ anasa, ugunja sikenek nak yangganaʾ mem aboka yuba seknenggom, mem. Alda or nak yalanok,” husuk.

Bok, nimi nauba wenyek men mengewoka ulumak nim era, eimik dangoka, onoʾ wenyek eimik ulumak nim era, men danamak,” hyok.

Nimi nidyaʾ nasamba leboka, alja e gom, al nang yilaʾ nengmabo gom, gelewa gom, genong neyung gom, memabo gom, wa masa gom, nasamba leboka loboka nak yalalanya bera, lunuwoka dengaʾ yubaʾ dombadya anaso dobnamla. Anya hyak sidyaʾ nong ara, eimik era embengaʾ ulmoubnaʾ damoka dobnamla.

Danyek Yesus adya alak, ”Anda munaʾ pe ulumnamna aboka dara, anjaʾ ek biniboka, anjaʾ bonaʾ nidyaʾ ara rupiah amba beibnelam. Dara, anedya imik heikek perob bonaʾ dobnelamaʾ anasa, anjaʾ unu dobmen rupiah era bonaʾ garan ulumak nim ek eleganesilim. Unubgogowamen dara, anda nak or diriga yananelem!” hyok.

Wenyek Yesus ara benyek an, ”Hekasa anda nak hek perob unaʾ ak heibnelem do? Ben hnonok ok perob nongaʾ ak ulumla. Anda embengaʾ ulumnamna senelam dara, Imik Neyung yub ak pe keboka unulumnalam,” hyok.

Anya onoʾ hnon lebnesin, Nim abaksin pam unta ara, imir lom pik wekna dara, or weknamso bok, alda bonaʾ dub nang enyek, Imik Neyung wenesin heikek sam weknaʾ ara hyak okna nong ak ulumla,” hyok.

Anasa ugunda banyek pe keblulum: Alja gel gera meknewoka malya unaʾ orok bok, nimi ben hnon alja gel gek loboka, onoʾ eimik yok gel ge dolomla dara, bera malya unaʾ unulamla,” husuk.

Dara onoʾ Yesus ara alja yuba doro diriga ban nang ek, ”Nara ugunuk dib lebnesin, Bonaʾ dub nang enyek, Imik Neyung wenesin heikek sam weknaʾ ara okna ulumla.