Àwọn Ẹsẹ Bíbélì Tí Ọ̀pọ̀ Èèyàn Mọ Génesis 13

Pín

Tsay rikanqayki partitaqa llapantam entregashayki. Imayyaqpis tsayqa kanqa qampä y qampita miraqkunapämi.

Lot aywaskiptinnam Abramta TAYTA DIOS nirqan: <<Kay taykanqaykipita norti kaqpa, sur kaqpa, rupay yarqamunan kaqpa y rupay ullunan kaqpa rikachakuy.

Qampita miraqkunatam atskaman mirayänanpä alli rikashä. Tsaymi paykunaqa arënanö yupaytapis mana atipaypä kayanqa.

Ashma mitsiqninkuna tsaynö pelyayaptinmi sobrinun Lotta Abram nirqan: <<Tsay castalla kaykarqa ama chikinakushuntsu ni mitsikuqnintsikkunapis rimanakuyätsuntsu.

TAYTA DIOS tsaynö niptinmi llapan imaykantapis apakurkur Hebrón marka cercanman Abram aywakurqan. Tsaychömi atska encina jachakuna karqan. Tsay jachakunaqa Mamre runapam karqan. Tsaychö taykarnam altarta Abram pirqarqan TAYTA DIOSTA adorar mañakunanpä.

Tsaynö niptinmi Lotqa Jordán mayu ñöpan pampakunata entërupa rikachakurqan Zoar marka lädupa. Tsay pampakunachö qewapis y yakupis atska kaptinmi Edén huertanörä y Egiptunörä karqan. Tsaynöqa karqan Sodoma y Gomorra markakunata TAYTA DIOS manarä ushakätsiptinmi.