Àwọn Ẹsẹ Bíbélì Tí Ọ̀pọ̀ Èèyàn Mọ यूहन्ना 3

Pín

“क्जोकि परमात्मैं इस संसारे दे लोकां नैं इतणा प्यार कित्ता कि तिन्हीं अपणा इकलौता पुत्तर देई दित्ता, तांजे जेह्ड़ा कोई भी तिस पर बसुआस करगा सैह़ नास नीं हुंगा पर सदा दी ज़िन्दगी पांगा।

परमात्मैं अपणे पुत्तरे जो संसारे च इसतांई नीं घल्लेया, कि संसारे दे लोकां पर सज़ा दा हुक्म दैं, अपर इसतांई कि संसार दे लोक तिसदे जरिये उद्धार पान।

यीशुयैं तिस जो जवाब दित्ता, “मैं तिज्जो नैं सच्च-सच्च ग्लांदा, जे कोई दूई बरी जन्म ना लैं, तां परमात्मे दे राज्जे जो कदी नीं दिक्खी सकदा।”

जेह्ड़ा मिन्जो पर बसुआस करदा ऐ, तिस पर सज़ा दा हुक्म नीं हुंदा, अपर जेह्ड़ा मिन्जो पर बसुआस नीं करदा, सैह़ दोसी बणी गेआ ऐ; इसतांई कि तिन्हीं परमात्मे दे इकलौते पुत्तरे दे नांऐ पर बसुआस नीं कित्ता।

कने सज़ा दे हुक्मे दी बज़ाह एह़ ऐ, कि जोत्ती संसारे च आई, कने माणुआं जो नेहरा जोतिया ते जादा प्यारा लग्गा क्जोकि तिन्हां दे कम्म बुरे थे।

जरूरी ऐ कि सैह़ बधें कने मैं घटें।

क्जोकि जेह्ड़ा कोई बुराई करदा ऐ, सैह़ सच्चाईया नैं बैर रखदा ऐ, कने जोतिया दे नेड़े नीं ओंदा, क्जोकि जोतिया च तिसदे बुरे कम्म सामणै आई जांदे हन।

जेह्ड़ा परमात्मे दे पुत्तरे पर बसुआस करदा ऐ, सदा दी ज़िन्दगी तिसदी ऐ; अपर जेह्ड़ा पुत्तरे दी नीं मनदा, सैह़ सदा दी ज़िन्दगिया जो नीं पांगा, अपर परमात्मे दी सज़ा तिस पर रैंह्दी ऐ।”

कने जिस तरीके नैं मूसैं सुनसाण जगाह च सर्पे जो ऊचिया जगाह पर चढ़ाया, तिस तरीके नैं जरूरी ऐ, कि मैं माणुये दा पुत्तर भी ऊचिया जगाह पर चढ़ाया जां।

पिता परमात्मा पुत्तरे नैं बड़ा प्यार रखदा ऐ, कने तिन्हीं सारियां चीज्जां तिसदे हक्के च करी दित्तियां।