Àwọn Ẹsẹ Bíbélì Tí Ọ̀pọ̀ Èèyàn Mọ Matyiu 6

Pín

Ndi vahakani o bohoboho ipangiya ja Anyambě na bwamu boaju: vâkâna belombo těkabe beěhěpi be ka badudwěndi ’nyěni.

O nakakeni vakě; ikabojana vakě e ka naki belombo beaju mětě. Bobe boa buhwa bo kokango na boâ.

Ovaně nd‘ Umba‐mbi vâkě n‘ inyěni, na, O nakakeni eměnâ ’anyu, ibeanyu be ka jě, n‘ ibeanyu be ka mâtě; tombe na bea nyolo janyu ibeanyu be ka bâtě. Eměnâ e ibě wa na beja, nyolo wa n‘ ibâtâ?

Ndi âvě, o âvě o ka kaliya, ngakiya o bědi ’âvě, wa diba jâmbě jâvě, na nâvě o ka kalakiya Hângwě a jadi ’kutakuta: na Hângwě a yěněkě ’kutakuta, A ka homanaka ’vě o bwebwe.

Nandi, kalakiyani kakana: Hangw‘ ’ahu a jad‘ o Hěvěn, dina jâvě i diyake hole. Ipangiya jâvě i vake. Upango muâvě u hamake o he, ka m‘ u jad‘ oba.

Věkě hwě o buhwa těkabo beja bea buhwa ka buhwa.

Na, nâvě o ka iyakidě hwě mabe mahu panika hwě ho iyakidě ba hakě hwě bobe.

O valakidě hwě o iyějudwě, ndi věngěkidě hwě o bobe: ikabojana ipangiya, na ngudi, n‘ ivenda be nd‘ ibeâvě. Aměn.

Ikabojana, oningě o yiděngěni bato belemě beabu, Hângw‘ ’anyu a jad‘ o Hěvěn a ka yidě tepě ’nyěni.

Umbwakiyateni lonâni la oba nyang‘ ’abu e ha liyaka, na lâ la benjaka, na lâ la kumakidě o mandabo; ndi Hângw‘ ’anyu a jad‘ o Hěvěn a bombakate lâ. O ’běni wa na lâ?

O kumakiděni hik‘ ’anyu o he, o jadi na nyělělě na nyanga be jongolakidě, o meyibi me tubakě na meâ me ka ibaka: ndi kumakiděni hik‘ ’anyu o Hěvěn, o nyělělě na nyanga be ha jongolakidě, na o myibi me ha tubaka na meâ mya iba. Ikabojana o hik‘ ’anyu e jadi, melema meanyu me ka diya tepě ovoně.

O ibě na moto a ka yâlě o dilě bahangwě babale: ikabojana a nd‘ a binaka umbâkâ, na mâ‐a tândâ upâkwě; tombe nonaně, vâkâna a ka bweyiděnd‘ umbâkâ na mâ‐a pějě upâkwě. Wa yâlěni o dilě Anyambě na Mamon.

Ndi pě lě Anyambě, a bâtidě lě behavu bea ’hiki be jadi o buhwa, vakě bea tumbwě, a bâtidě ’nyěni wa, inyěni ba ikamidě ’hâlě?

Ndi o âvě o haka bova, en‘ âvě ya ’měngwě e yowake nyanga ya en‘ ’âvě eyomi e hakě; na ovaně nd‘ o ivěně jâvě i ka diyě ’kutakuta: na Hângwě a yěněkě ’kutakuta Mâ mětě a ka homanaka ’vě o bwebwe.

Bandamakiděni iha ja bwamu boanyu o boho boa bato iyěněně na bâ; oningě nonaně vâkâna wa pahiyeni mahomano o Hângw‘ ’anyu A didi o Hěvěn a jadi.

Tepě, oningě o hindinakani, o diyakeni panika menoki ba boho boa ngěbě; ikabojana ba ulwakidi meoho meabu, na ovaně nd‘ o bâ‐ba ka yěněně na bato na ba hindinakandi. Pâkwěpâkwě, Mbi vâki n‘ inyěni, na, Ba na mahomano n‘ imabu. Nd‘ âvě, o âvě o hindinakě, hakiya mavulě o molo muâvě, na nâvě wa tuka boho boâvě; ovaně nd‘ âvě o ka měndě o yowaně na bato na o hindinakandi, ndi kabo na Hângwě a jadi ’kutakuta: na Hângwě, a yěněkě ’kutakuta, a ka homanand‘ âvě o bwebwe.