Àwọn Ẹsẹ Bíbélì Tí Ọ̀pọ̀ Èèyàn Mọ Luka 8

Pín

Eyomwiloba lilayi, bano nibo abali nemioyo emilayi echiatoto, ne nibahuliile likhuwa, balitiila butinyu, nibaama ebiamo nende obwisimilisii.

Eyeneyo eyakwa mubisisia, bano nibo abahuliile, ne olwa batsia khunjila yabwe, batiywa nebiamaramba nobuyinda nomwenya ebiomubulamu buno, mana ebiamo biabwe nibireenga ta.

Nabo abali khulwanda mbabano, mbu olwa bahulila habwenaho bafuchiilila likhuwa nobusangaali; ne bano babulanga emisi, abasuubilanga eshise eshituutu butswa, ne mundaalo tsiokhuteemwa bahunzukha inyuma.

Nabareeba ari Obusuubili bweenywe buli heena? Nibaria, nibahuka, nibasungana bari Omwene uno niwina? Alakanga kata emiyeka nende amatsi, nabio nibimuhulila.

Nabo abali khunjila nibo ababeetsanga nibahuliile, mana Setani niyeetsa, nayiniamwo likhuwa okhurula mumioyo chiabwe, mbu baleshe okhusuubila nibahonibwa.

Shichila libulaho elibiswa elirabisukha ta, kata elifuunikhwa elirafuunukha lialolekha mubulafu tawe.

Ne olwa omukhasi yalola mbu shianyala okhubisikha ta, yeetsa natechelanga, nakwa mumakuluke, naboola imbeli wabandu bosi amakhuwa akali nikachilile namutiilakhwo, khandi shinga olwa yali nahoniibwe habwene nahabwene. Naye namusunjila mbu Omukhaana wanje, obusuubilibwo bukhuhoniye; otsie nomulembe.

Nibeetsa ewa yali, nibamubuusia, nibasunga bari Omwami, Omwami, khuli okhusikha. Naye nasisimukha, nahalabila omuyeka nende okhurunda khwamatsi, nabio nibiakama, omuleenjeelo nikubaho.