Àwọn Ẹsẹ Bíbélì Tí Ọ̀pọ̀ Èèyàn Mọ Marcu 15

Pín

Tawamhã si'ubdatõ bâtâ ãma, te Zezusi hã Timama hã sina 'mahâ, hârâ 'rãihâ na ãne: — Eloi, Eloi, lema sabactani. Ihârâzém na, ãma isaprĩzé hã, ãne: — Ĩnhib'apito, Ĩnhib'apito, e marĩ da, ma tô oto ĩsiwaprosi ĩrẽ ĩhâiba pisutu.

Zezusi hã hâiwi sa'o ré, da'wapéi'wa norĩ wada'uri'wa hã isõ're te za, ipapara, romanu hã. Tawamhã Zezusi hã irẽme ma hârâ 'rãihâ na hârâ wamhã, te te wapari wamhã, ma ãma rowaihu'u: — Nare õ hã, 'Re ihâimana u'âsi mono 'ra.

Zezusi hã dâ'â wi, zazahâ ihâpa hã 'ri 're wa'wa nhitobzé hã ma uihâ na hâihaipo'o aiwa, hâimo hawi pi'reba, 'Re ihâimana u'âsi mono nhorõwa ãma hã.

Tawamhã Zezusi hã hârâ 'rãihâ na te hâ, irẽme ma. Taha pari, ma tô oto pẽ'ẽ hai'utõ.

Tawamhã ma tô ti'abzuma. Abzuma wamhã, ma tô tirobra, daro mono bâ. Bâdâ siprazéb u, te oto robra si nomro.

Tawamhã Pilatu hã dama rowẽ za'ra da, ma tô da'wapéi'wa norĩ ma 'ru za'ra, Barabasihi ma si te te tãma rob'ru za'ra da, dazazém hawi watobro da, apâ 're morĩ da sõ'awi. Taha pari, te Zezusi tãma 'ru za'ra, da'wapéi'wa norĩ ma, powawẽ hâi waré na te te siwi 're pré'é mono da, taha pari, te te duré siwi sasõmri da, wedepo'o nhonhi'rãmi na dâ'â da oto.