NASEPTE 1
1
Thumapui
1 #
Luk 1.1-4
Theophilas, ka lekha zik masak ah khan Jesu nasep pattil leh a thu zilsak zosia leh,
2apostolte, ama têlte kiang ah Thagau Thiangtho ah a thupiak zosia a piak dan leh, lâk to ah a um ni tiang in, a leng in ka hun zik hi.
3Zia apostolte kiang ah chun thokgimna a thok zaw nung in, hetchianna tam tak in mihing in a kimusak ah, ni sawmli hial a kiang ua kilâk in, Pathian gam thu a gen hi.
4 #
Luk 24.49
Amau tawh a um khawm lai un, a kiang un, “Jerusalem khua hi nusia kiu in la, Pathian thil tiamsa, la kiang ua ka la gen la het tâk uh kha ngâk zing un,” ti’n thu a pia.
5 #
Mat 3.11; Mar 1.8; Luk 3.16; Joh 1.33 Johan khan tui in a baptis sek a; himaleh, tu’nung ni sawt lo cha sung in Thagau Thiangtho ah baptisma chang ding la hiu, a ti’n.
Jesu Lâk to ah A Umna
6Chun, amau chu a hung kikhawm ua, a kiang in, “Lalpa, tu’hin a hem Israelte kiang ah lenggam la piak kik ding chu?” ti’n a dong ua.
7Ama chun, a kiang un, “Pa’n ama thuneina a koi ahiziak in, a hun leh nite chu nangmau het ding ei puai.
8 #
Mat 28.19; Mar 16.15; Luk 24.47,48 Himaleh, Thagau Thiangtho chu la chung ua a hung tun phat leh, thilhitheina nei ta’n lau; tichun, Jerusalem, Judea gam leh Samaria gam leh kawlkil tiang ah, ka thu hiatpite hung hiding la hiu,” ti’n a dawnhu a.
9 #
Mar 16.19; Luk 24.50,51 Zia thute chu a gen zaw phatin, a et zing lai un, ama chu lâk to in a um ta’n, sûm in ama chu a pui to ah, a mupha ta puau hi.
10Ama lâk to ah a um lai tak ah van lam a et zing lai un, a kiang un mi pani puan vâm sil in a hung ding phut ziang tau a.
11Amau chun, “Galili mite haw, bangatia van lam en ah ding zing la hiu em? Zia Jesu, la kiang ua kipat van lam ah lâk to ah um hi, van lam ah chia to la mu gual ngei un hung kit ding ahi,” a hun tiu a.
12Ziazaw chun, Oliv tâng ah kipat chun Jerusalem khua lam in a hung kit tau a; zia mun chu Jerusalem ah kipat sabbath ni chia phâkna chan bep ahi.
13 #
Mat 10.2-4; Mar 3.16-19; Luk 6.14-16 Khawpi sung a tun phat un, pindan chungnung ah a umna mun ua chun a lut un, Peter, Johan, Jakob, Andria, Philip, Thoma, Bartholomai, Matthai, Alphâi Chapa Jakob, Zelot pawl ah mi Simon, Jakob suapi Juda tawh a hiu a.
14Amau chu hun tin in lungthim munkhat pu’n a pauchap un, numei khenkhat, Jesu nu Mari tawh a suapite tawh le a hiu a.
Juda Chung thu leh A Thasâng
15Zia hun lai ah chun Peter chu gingtute lak ah chun a hung dingdok a, (zia tak ah kikhawmte chu mi za leh sawmni vel a hiu,) ama chun,
16“Unaute haw, Jesu mante mapui ah pang, Juda chung thu, Thagau Thiangtho in David kam ah a la gen, Pathian lekha thu kha a guitung ding him ahi.
17Ama chu I lak ua simkhawm ahi’n, zia nasepna hinle chan a nei hi,” ti in.
18 #
Mat 27.3-8
(Zia pa khan a gitlo man ah a lawdaw sum ah chun lou mun khat a chaw’n; zia tak ah chun a bungbusip in a chu, a gilpi puakjak in, a gil a lawt tai.
19Zia thu chu Jerusalem ah chêng zosia’n a hiau a; ziaziakchun, zia lou mun chu amau pau in Hakeldama a tiu ah, zia chu, “Thisan Lou mun,” ti’na ahi.)
20 #
Sam 69.25; Sam 109.8 “Pâkna Labu ah chun zia gual hin a la kizik ah:
‘A umna mun chu a ngawn ah nutsia in um hen la,
a sung ah chêng ding kuama um kiu hen’; ti leh,
‘Ama hotu hi’na chu midang in lua tau hen,’ ti in.
21 #
Mat 3.16; Mar 1.9; Luk 3.21; Mar 16.19; Luk 24.51 Ziaziakchun, Lalpa Jesu I lak ua a um lai ah I lak ua a la pang zing;
22Johan baptisma chansak hun lai ah kipat, eimau kiang ah kipat van ah lâk to ah a um tiang ah I lak ua a la pang mi pakhat chu, a thawkitna hetpi ah I pankhawmpi ding un têl hitiu,” ti in.
23Tichun, mi pani, Barsaba kiti, Jasta le kiti sek Joseph chu tawh Matthia chu a hun têldok tau a.
24Chun, a pauchap ua, “Lalpa, nang in mi zosia lungthim la hia’i. Zia mi panite lak ah la têl zawk chu ei hun hetsak in,
25Juda chun ama mun lam ah a chiatheina ding ah a nutsia, zia nasepna leh sawlchâk hi’na mun chu hun lua ding pen chu,” ti in.
26Chun, amau â dingin âi a hun sân ua; a âisân uh chu Matthia chung in a chu ta’n: tichun, ama chu sawlchâk sawm leh khatte lak ah simkhawm ahi tai.
Àwon tá yàn lọ́wọ́lọ́wọ́ báyìí:
NASEPTE 1: VAIPBSI
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.