METHIU Mathronna
Mathronna
Mathiu In Amjih Akthra Trong in amtheihva akthra trong mah chuvah Jisu i trongchet inikalsa, amah apaalla Ringpu in Amlui Trongirhna ah amah amii ankuunga amlan trongchet eikha amthlungpei. Mah akthra trongi Judi ankaara Jisu in pok apaalla Judi miikhop relna noh chuta tukleiram apumte relna.
Mathiu in cheksilla thratea intlaanga aseem. Jisu in apoknata mathronna, amahta madoina che inlupna rellakho invuia ason, amah trongraanva routloh, matheih, che Kalili a kna mathratna rellakho amjao. Mah i aknua akthra trongraan in Kalili nata Jerusalem a Jisu vaa rapkheitla sehna, che Jisu vaa achena kouh a aksuukthlou, amahta thingkharh chunga amithlu che veikhat ringa achenaei i injih a am.
Jisu va akliin Lulok, Ringpu vaa trongsuur i malengnatu akuunga akchek amneh am, che Ringpu vaa kurung huunna rella amah in amtheih tihrella mah Akthra Trongin inimtheih. Amah in amtheihva aktam trongpii veia inimtheih che ranga suuk a athrek: (1) Muulchunga matheihna, onna inimtheihva ihoong iva, ithlou, taancha, che ringramvaa kurung huunna ah miitlungna (Aktong 5—7); (2) aroi somleinih eita mathlahthlou rella matheihna (Aktong 10); (3) ringramvaa kurung huunna pandam rella (Aktong 13); (4) aroi thlouvaa artha rella matheihna (Aktong 18); Mahche (5) Ipek chupvaa achena che ringram kurung huunna thlengsam rella matheihna (Aktong 24—25).
Trongmu
Jisu Khrista apokna khatkho apa apu anthohna 1:1—2:23
Aklup John vaa routlohna 3:1–12
Jisu in inlupna che amahta amdoina 3:13—4:11
Kalili ah Jisu in miikaara routlohna 4:12—18:35
Kalili nata Jerusalem a 19:1—27:66
Achena kouh ah Jerusalem asuung leh aveella Jisu routloh 21:1—27:66
Veikhat Aringna che Akpu andangna 28:1–20
Àwon tá yàn lọ́wọ́lọ́wọ́ báyìí:
METHIU Mathronna: TARAOBSI
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.