Čơdơ̆ng Phŭn 10
10
Kơnŭng Djuai Ƀing Ană Đah Rơkơi Nôê
(I Čih 1:5-23)
1Tơdơi kơ ia lip, ƀing ană đah rơkơi Nôê jing Sem, Čam laih anŭn Japhet tơkeng ană bă. Anai jing kơnŭng djuai gơñu:
Kơnŭng djuai Japhet
2Ană đah rơkơi Japhet: Gômer, Magôk, Madai, Jawan, Tubal, Mêsek laih anŭn Tiras. 3Ană đah rơkơi Gômer: Askênas, Ripat laih anŭn Tôgarma. 4Ană đah rơkơi Jawan: Êlisa, Tarsis, Kitim laih anŭn Dôdanim. 5Mơ̆ng ƀing gơñu yơh hmâo ƀing mơnuih lar hyu truh pơ khul plao ia; rĭm djuai mơnuih tui hluai hăng boh pơhiăp, gŏp djuai phara phara gơñu hơdip amăng lŏn čar gơñu pô.
Kơnŭng Djuai Čam
6Ană đah rơkơi Čam: Kus, Êjip,#10:6 Boh hră phŭn: Miraim Put laih anŭn Kanaan. 7Ană đah rơkơi Kus: Sêba, Hawila, Sapta, Rama laih anŭn Saptêka. Ană đah rơkơi Rama: Sêba laih anŭn Dêdan.
8Kus jing ama kơ Nimrôt. Nimrôt jing mơnuih pơblah kơtang blŭng hlâo amăng lŏn tơnah. 9Ñu jing pô hyu loa khĭn kơtang ƀơi anăp Yêhôwa; yua kơ anŭn yơh hmâo tơlơi arăng juăt laĭ tui anai: “Kar hăng Nimrôt, sa čô mơnuih hyu loa khĭn kơtang ƀơi anăp Yêhôwa!” 10Čơdơ̆ng pơphŭn lŏn čar ñu hmâo Babel, Êrek, Akat laih anŭn Kalnê amăng lŏn čar Sinar. 11Mơ̆ng čar anŭn, ñu nao pơ čar Asiri, laih anŭn man pơdơ̆ng plei prŏng Niniwơ, plei Rêhôbôt Ir, Kala, 12laih anŭn plei Rêsen. Rêsen dŏ tơ̆ng krah Niniwơ hăng plei prŏng Kala.
13Êjip jing ơi adon kơ ƀing Ludim, Anamim, Lêhabim, Naptuhim, 14Patrusim, Kasluhim (jing ơi adon kơ ƀing mơnuih Philistin), laih anŭn Kaptôrim.#10:14 Tui hăng hră Yêr 47:4; Amôt 9:7 Kaptôrim jing ơi adon kơ ƀing Philistin.
15Kanaan jing ama Sidôn, ñu jing ană đah rơkơi kơčoa, laih anŭn Het 16Kanaan jing ơi adon kơ ƀing djuai mơnuih: Jêbusit, Amôrit, Girgasit, 17Hiwit, Arkit, Sinit 18Arwadit, Sêmarit laih anŭn Hamatit. Tơdơi kơ anŭn, ƀing kơnŭng djuai Kanaan bra hyu hĭ pơ djŏp djang anih. 19Bơ kơ lŏn čar Kanaan pŏk rơhaih čơdơ̆ng mơ̆ng Sidôn, anăp nao gah Gêrar truh pơ Gasa; anăp nao gah Sôđôm, Gômôrơ, Atma, laih anŭn Sêbôim truh pơ Lasa.
20Anŭn jing kơnŭng djuai Čam, pơpha tui hăng gŏp djuai, boh pơhiăp, lŏn čar laih anŭn djuai mơnuih gơñu.
Kơnŭng Djuai Sem
21Sem, ayŏng kơ Japhet, jing ơi adon kơ ƀing Êber, ñu ăt hmâo ƀing ană đah rơkơi mơ̆n. 22Ană đah rơkơi Sem: Êlam, Asur, Arpaksat, Lut laih anŭn Aram. 23Ană đah rơkơi Aram: Us, Hul, Gêter, Laih anŭn Mas.
24Arpaksat jing ama kơ Sêla, laih anŭn Sêla jing ama kơ Êber, 25Êber hmâo dua čô ană: pô ayŏng anăn gơ̆ Pêlek,#10:25 Pêlek: Amăng tơlơi Hêbrơ, boh hră anai hmâo dơnai arăng pơđok jing hrup hăng boh hră hmâo boh pia jing “pơpha”. yua kơ amăng rơnŭk ñu ƀing djuai mơnuih ƀơi lŏn tơnah bra hyu pơ lu anih; pô adơi anăn gơ̆ Jôktan. 26Jôktan jing ama kơ Almôdat, Sêlep, Hasarmawet, Jêra, 27Hadôram, Usal, Dikla, 28Ôbal, Abimaêl, Sêba 29Ôphir, Hawila, laih anŭn Jôbap; abih bang ƀing anŭn jing ană đah rơkơi Jôktan. 30Čar gơñu mă mơ̆ng Mêsa anăp nao gah Sêphar, jing anih čư̆ čan pơ gah ngŏ.
31Anŭn jing kơnŭng djuai Sem, pơpha tui hăng gŏp djuai, boh pơhiăp, lŏn tơnah laih anŭn djuai mơnuih gơñu.
32Abih bang mơnuih gah ngŏ anai jing ană tơčo kơ klâo čô ană Nôê, dă dăp tui hăng ơi adon gơñu, kơnŭng djuai gơñu. Mơ̆ng ƀing gơñu yơh abih bang djuai mơnuih dưi lar hyu pơ djŏp djang lŏn tơnah tơdơi kơ ia lip.
Àwon tá yàn lọ́wọ́lọ́wọ́ báyìí:
Čơdơ̆ng Phŭn 10: JRA2016
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© 2016 United Bible Societies. All rights reserved.