Kucangtsi 15
15
Unju ti yer Yaweh ti Ibram
1Isim yine, ira Yaweh ba uwog Ibram uwae kurwa baa, “Kyen-fu ikyenricwu be Ibram, ame si kupwa rika-fu, kujwojang-fu u ko timambe.”
2Amaa, Ibram ri baa, “Itsekuru-m Yaweh, imi ti afu u nda m, ti ame ku mbae-m umbae be ne? Unde ti u ci rifunn-m u si upyi-m Eliyezer, unde ti Damasiku.” 3Ibram ri kyi baa, “Nung! Afu nda-fu ame umbae be. Ikyaen yine, upyi uwae kununn-m ti u ci rifunn-m.” 4Ama Yaweh ri kyi te wu baa, “Iyee, unde wune u ci-wu rifunn-fu be, umbae imbyi-fu ti u ci rifunn-fu.” 5Awu pu ra Ibram ru ye ise, u ri te wu baa, “Sae ayib tso yi apwa apupwen, ti fu pwen atitaen yi ti ta atang. Pangma ti afu u pwen tag-fu ayi be, ti mbwe-yi ama ti utso-fu u jwunn.”
6Ibram ru kubenti uwog Yaweh, ama Yaweh paembe uwae kinjo-wu, u sa wu tsi baa, awu na si unde ti kubenti.
7Awu ri kyi baa, “Ame si Yaweh, ti pu fu ruye uten ti Ur ana Kaldeya, ikyaen ti ame na u nda fu riben wune ti awu u si ana fu.”
8Ama Ibram rang baa, “Itsekuru-m Yaweh, ame u nde rimang u nung ti riben wune na u si ana-m?”
9Yaweh ri te wu baa, “Ye imbae indag, ti iwenten tiyae, ti iwentam ti site asang ita ita, ti kukwae ti kutur ti kukwae ti kununn ba na m.” 10Ibram pu meme iken yine ba na Rimam. Awu sebta ibye yi pam pam, u pu akyab akyab yi cwu tetso. Amaa, akwae yi, awu sebta-wu ayi ifaen be. 11Kiye ti indo si ba ti ayi u ba kub ibye yi, Ibram rwae shag indo yi.
12Ti usir ku sunn, Ibram si kicwag burrr, ama Rimam ba uwog-wu uwae kufub ti byi tang tang, ama ikyenricwu ye wu si-yi ti ti ri be. 13Ama Yaweh ri te Ibram baa, “Nung ye baa, kubenti, anyisu-fu na u ru kaa si rikyen uwae uten ti si-yi ana-ba be. Aba u kafe apyi, u nde rikaen asang ukob inje. 14Amaa, ame u byinn uten wu ti u ye ba apyi kimbab. Isim-yi, aba u ruye atang ti rifunn yang-yi. 15Ana-fu, afu u ci mae ukum-fu u cwu uwae kujimshwur, ama a u nji fu. 16Rishi-fu ti inje u kafe ba ti riben ike, ikyaen ti ikentitibi ande ti Amor ti nae uten wune munn-yi kitu kumyae ti ame u rwae shag ba khika be.”
17Ti usir te pu wu, kufub ama sikyi uwog, ti a u nunung, kututong urwa ti ku tso akyang ti urwa kucwen ba yafe kutampwa ibye yine. 18Usir wu né, Yaweh yer unju te Ibram baa, “Riben wu ti nwunn ti uyinn ti Ejib ka sang ti uyinn tiyang na Yufiretis ne, ame u nda anyisu-fu. 19Riben wu ti si riben ande ti Ken, ti ana ande ti Kenezi ti ana ande ti Kadimon, 20ti riben ana ande ti Hiti ti ana ande ti Perizi ti ana ande ti Refa, 21ti riben ana ande ti Amor ti ana ande ti Kanana ti ana ande ti Girgashi fa ti ana ande ti Jebusi meme.”
Àwon tá yàn lọ́wọ́lọ́wọ́ báyìí:
Kucangtsi 15: kubNT
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Wycliffe Bible Translators, Inc. and
© The Nigeria Bible Translation Trust 1995, 2017
Kucangtsi 15
15
Unju ti yer Yaweh ti Ibram
1Isim yine, ira Yaweh ba uwog Ibram uwae kurwa baa, “Kyen-fu ikyenricwu be Ibram, ame si kupwa rika-fu, kujwojang-fu u ko timambe.”
2Amaa, Ibram ri baa, “Itsekuru-m Yaweh, imi ti afu u nda m, ti ame ku mbae-m umbae be ne? Unde ti u ci rifunn-m u si upyi-m Eliyezer, unde ti Damasiku.” 3Ibram ri kyi baa, “Nung! Afu nda-fu ame umbae be. Ikyaen yine, upyi uwae kununn-m ti u ci rifunn-m.” 4Ama Yaweh ri kyi te wu baa, “Iyee, unde wune u ci-wu rifunn-fu be, umbae imbyi-fu ti u ci rifunn-fu.” 5Awu pu ra Ibram ru ye ise, u ri te wu baa, “Sae ayib tso yi apwa apupwen, ti fu pwen atitaen yi ti ta atang. Pangma ti afu u pwen tag-fu ayi be, ti mbwe-yi ama ti utso-fu u jwunn.”
6Ibram ru kubenti uwog Yaweh, ama Yaweh paembe uwae kinjo-wu, u sa wu tsi baa, awu na si unde ti kubenti.
7Awu ri kyi baa, “Ame si Yaweh, ti pu fu ruye uten ti Ur ana Kaldeya, ikyaen ti ame na u nda fu riben wune ti awu u si ana fu.”
8Ama Ibram rang baa, “Itsekuru-m Yaweh, ame u nde rimang u nung ti riben wune na u si ana-m?”
9Yaweh ri te wu baa, “Ye imbae indag, ti iwenten tiyae, ti iwentam ti site asang ita ita, ti kukwae ti kutur ti kukwae ti kununn ba na m.” 10Ibram pu meme iken yine ba na Rimam. Awu sebta ibye yi pam pam, u pu akyab akyab yi cwu tetso. Amaa, akwae yi, awu sebta-wu ayi ifaen be. 11Kiye ti indo si ba ti ayi u ba kub ibye yi, Ibram rwae shag indo yi.
12Ti usir ku sunn, Ibram si kicwag burrr, ama Rimam ba uwog-wu uwae kufub ti byi tang tang, ama ikyenricwu ye wu si-yi ti ti ri be. 13Ama Yaweh ri te Ibram baa, “Nung ye baa, kubenti, anyisu-fu na u ru kaa si rikyen uwae uten ti si-yi ana-ba be. Aba u kafe apyi, u nde rikaen asang ukob inje. 14Amaa, ame u byinn uten wu ti u ye ba apyi kimbab. Isim-yi, aba u ruye atang ti rifunn yang-yi. 15Ana-fu, afu u ci mae ukum-fu u cwu uwae kujimshwur, ama a u nji fu. 16Rishi-fu ti inje u kafe ba ti riben ike, ikyaen ti ikentitibi ande ti Amor ti nae uten wune munn-yi kitu kumyae ti ame u rwae shag ba khika be.”
17Ti usir te pu wu, kufub ama sikyi uwog, ti a u nunung, kututong urwa ti ku tso akyang ti urwa kucwen ba yafe kutampwa ibye yine. 18Usir wu né, Yaweh yer unju te Ibram baa, “Riben wu ti nwunn ti uyinn ti Ejib ka sang ti uyinn tiyang na Yufiretis ne, ame u nda anyisu-fu. 19Riben wu ti si riben ande ti Ken, ti ana ande ti Kenezi ti ana ande ti Kadimon, 20ti riben ana ande ti Hiti ti ana ande ti Perizi ti ana ande ti Refa, 21ti riben ana ande ti Amor ti ana ande ti Kanana ti ana ande ti Girgashi fa ti ana ande ti Jebusi meme.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Wycliffe Bible Translators, Inc. and
© The Nigeria Bible Translation Trust 1995, 2017