Kucangtsi 14
14
Ibram Rwae-mbe Loti Ajwo Abikwe Inje
1Kiye na Amrafel Ukwe na Babila, ti Ariyoki Ukwe na Elasar, ti Kedor-lawomer Ukwe na Elam, ti Tidal Ukwe na Goyim, 2akwe inje bane funn atso, u pu rika kunn akwe itsong iki, ti si Bera Ukwe na Sodom, ti Birisha Ukwe na Gomora, ti Shinab Ukwe na Adima, ti Shemeber Ukwe na Zeboyim, ti Ukwe na Bela ti si Zowar tine. 3Meme akwe itsong bane byir akyirten-ba yi kubxab na Sidim ti si Uyinn Rinwaen tine. 4Asang rijwe asu ifaen ti abikwe itsong bane ta imbyi Kedor-lawomer, ama uwae usang ti rijwe asu ita, aba ndub ndembeb. 5Kusang ti rijwe asu inje, Kedor-lawomer ti akwe ti ta isim-wu, funn atso. Aba ka tā ande ti Refa ti ta uwae uten ti Ashiteroti-karnayim rika ama u ci ra ba, kwer ti ande ti Zuzim ti ta uwae uten ti Ham, ti ande ti Mba-Emi ti ta uwae uten ti Shave-kiriyatayim, 6ti ande ti Hori ti ta rikwen Seyir, ka sang ti El-paran ti ta fifer ti kutur kuka. 7Ama aba kafe ru ka sang En-mispat ti si Kadeshi, u ci tag uten uten na ande ti Amaleki, fa ti ande ti Amor ti nae Hazazon-tamar meme.
8Ama Ukwe Sodom ti Ukwe Gomora ti Ukwe Adima ti Ukwe Zeboyim ti ana Bela ti si Zowar, nwunn ru yi kubxab na Sidim ti a ka ta rika 9te Ukwe Kedor-lawomer ana Elam ti abikwe ti ta te wu, ti si Tidal Ukwe na Goyim, ti Amrafel Ukwe na Shinar (Babila), ti Ariyoki Ukwe Elasar. Abikwe inje bane ti ta rika te abikwe itsong bane. 10Kubxab na Sidim munn ti akwae kindob koltai ama ti abikwe Sodom ti Gomora ti akyirten-ba ter ku ru, ariki kaensi uwae atang, aba ti tsitsi ama ter tso yi utaen rikwen. 11Kedor-lawomer ti akwe ita ti ta te wu su tag rifunn ande ti Sodom ti Gomora ti wuci-ba meme ru. 12Aba ye Loti, uyin Ibram ti ta Sodom, ti rifunn-wu meme ru te yi.
13Ama unde iki ter nwang ba ri te Ibram Mbaibrane iken yi ti nde. Kiye wu, Ibram nae fer ituku tiyang na Mamre urae Amor, inja Eshikol ti Aner. Aba ren imbyi ti Ibram. 14Kiye ti Ibram fxen ti aba na ye ra pu ba uyin-wu, awu kunn funn arom arom ti ku ta rika ti ta te wu ka ukob ita ti rijwe asu itsongta (318), u rwae tsa abikwe inje bane ka sang ti Dan. 15Utitang wu, Ibram kata ande-wu kumbub kumbub, u pu rika kunn tu ba, u rwae tsa ba ka sang ti Hoba ti ta isku Damasiku. 16Awu shirmbe tag meme rifunn ti aba pu, ti Loti ti rifunn-wu, ti anda, ti ande ti tsitsi ti aba ye ru meme.
Melkizedeg Wae Ira na Ibram
17Isim ti Ibram ci pu wu rika risu Ukwe Kedor-lawomer ti abikwe ti jwùnn imbyi te wu ama u kafe ku ba, Ukwe na Sodom ru ye ba tu Ibram yi Kubxab na Shave ti a ku kunn wu tine baa, Kubxab na ukwe. 18Ama Melkizedeg, Ukwe na Salem, ru ye ba ti buredi ti ambyi anam. Awu si kukwen Rimam ti skeb titag. 19Awu wae itinyang na Ibram, u ri baa,
“Rimam ti skeb titag,
ti kyae apupwen ti riben
ā nde Ibram itinyang!
20Itinyang ā si
ana Rimam ti skeb titag
ti sa ande rika-fu na fu kujwo.”
Ama Ibram pu na wu kinjo uwae iken rijwe ana meme iken ti awu ci uwog rika yi.
21Ukwe na Sodom ri te Ibram baa, “Pu ande-m na m, ti fu pu-fu meme rifunn yi ti ani ci mbe.”
22Ibram ri te Ukwe na Sodom baa, “Ame ben uben yi rinyi Yaweh, Rimam ti skeb titag, ti mam apupwen ti riben 23baa, ame na u mbe-m iken iki ko kitub ko iji kupwa kufxen ti si ana-fu be, bara be uwe ike afu u ba ri baa, afu ti na nda m rifunn. 24Ame u cwe u mbe-m iken iki be, se iken ti ande-m sa ci mam pu ba. Amaa, pu na Aner ti Eshikol ti Mamre kutunn-ba, ikyaen ti aba putsa m.”
Àwon tá yàn lọ́wọ́lọ́wọ́ báyìí:
Kucangtsi 14: kubNT
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Wycliffe Bible Translators, Inc. and
© The Nigeria Bible Translation Trust 1995, 2017
Kucangtsi 14
14
Ibram Rwae-mbe Loti Ajwo Abikwe Inje
1Kiye na Amrafel Ukwe na Babila, ti Ariyoki Ukwe na Elasar, ti Kedor-lawomer Ukwe na Elam, ti Tidal Ukwe na Goyim, 2akwe inje bane funn atso, u pu rika kunn akwe itsong iki, ti si Bera Ukwe na Sodom, ti Birisha Ukwe na Gomora, ti Shinab Ukwe na Adima, ti Shemeber Ukwe na Zeboyim, ti Ukwe na Bela ti si Zowar tine. 3Meme akwe itsong bane byir akyirten-ba yi kubxab na Sidim ti si Uyinn Rinwaen tine. 4Asang rijwe asu ifaen ti abikwe itsong bane ta imbyi Kedor-lawomer, ama uwae usang ti rijwe asu ita, aba ndub ndembeb. 5Kusang ti rijwe asu inje, Kedor-lawomer ti akwe ti ta isim-wu, funn atso. Aba ka tā ande ti Refa ti ta uwae uten ti Ashiteroti-karnayim rika ama u ci ra ba, kwer ti ande ti Zuzim ti ta uwae uten ti Ham, ti ande ti Mba-Emi ti ta uwae uten ti Shave-kiriyatayim, 6ti ande ti Hori ti ta rikwen Seyir, ka sang ti El-paran ti ta fifer ti kutur kuka. 7Ama aba kafe ru ka sang En-mispat ti si Kadeshi, u ci tag uten uten na ande ti Amaleki, fa ti ande ti Amor ti nae Hazazon-tamar meme.
8Ama Ukwe Sodom ti Ukwe Gomora ti Ukwe Adima ti Ukwe Zeboyim ti ana Bela ti si Zowar, nwunn ru yi kubxab na Sidim ti a ka ta rika 9te Ukwe Kedor-lawomer ana Elam ti abikwe ti ta te wu, ti si Tidal Ukwe na Goyim, ti Amrafel Ukwe na Shinar (Babila), ti Ariyoki Ukwe Elasar. Abikwe inje bane ti ta rika te abikwe itsong bane. 10Kubxab na Sidim munn ti akwae kindob koltai ama ti abikwe Sodom ti Gomora ti akyirten-ba ter ku ru, ariki kaensi uwae atang, aba ti tsitsi ama ter tso yi utaen rikwen. 11Kedor-lawomer ti akwe ita ti ta te wu su tag rifunn ande ti Sodom ti Gomora ti wuci-ba meme ru. 12Aba ye Loti, uyin Ibram ti ta Sodom, ti rifunn-wu meme ru te yi.
13Ama unde iki ter nwang ba ri te Ibram Mbaibrane iken yi ti nde. Kiye wu, Ibram nae fer ituku tiyang na Mamre urae Amor, inja Eshikol ti Aner. Aba ren imbyi ti Ibram. 14Kiye ti Ibram fxen ti aba na ye ra pu ba uyin-wu, awu kunn funn arom arom ti ku ta rika ti ta te wu ka ukob ita ti rijwe asu itsongta (318), u rwae tsa abikwe inje bane ka sang ti Dan. 15Utitang wu, Ibram kata ande-wu kumbub kumbub, u pu rika kunn tu ba, u rwae tsa ba ka sang ti Hoba ti ta isku Damasiku. 16Awu shirmbe tag meme rifunn ti aba pu, ti Loti ti rifunn-wu, ti anda, ti ande ti tsitsi ti aba ye ru meme.
Melkizedeg Wae Ira na Ibram
17Isim ti Ibram ci pu wu rika risu Ukwe Kedor-lawomer ti abikwe ti jwùnn imbyi te wu ama u kafe ku ba, Ukwe na Sodom ru ye ba tu Ibram yi Kubxab na Shave ti a ku kunn wu tine baa, Kubxab na ukwe. 18Ama Melkizedeg, Ukwe na Salem, ru ye ba ti buredi ti ambyi anam. Awu si kukwen Rimam ti skeb titag. 19Awu wae itinyang na Ibram, u ri baa,
“Rimam ti skeb titag,
ti kyae apupwen ti riben
ā nde Ibram itinyang!
20Itinyang ā si
ana Rimam ti skeb titag
ti sa ande rika-fu na fu kujwo.”
Ama Ibram pu na wu kinjo uwae iken rijwe ana meme iken ti awu ci uwog rika yi.
21Ukwe na Sodom ri te Ibram baa, “Pu ande-m na m, ti fu pu-fu meme rifunn yi ti ani ci mbe.”
22Ibram ri te Ukwe na Sodom baa, “Ame ben uben yi rinyi Yaweh, Rimam ti skeb titag, ti mam apupwen ti riben 23baa, ame na u mbe-m iken iki ko kitub ko iji kupwa kufxen ti si ana-fu be, bara be uwe ike afu u ba ri baa, afu ti na nda m rifunn. 24Ame u cwe u mbe-m iken iki be, se iken ti ande-m sa ci mam pu ba. Amaa, pu na Aner ti Eshikol ti Mamre kutunn-ba, ikyaen ti aba putsa m.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Wycliffe Bible Translators, Inc. and
© The Nigeria Bible Translation Trust 1995, 2017