VPHAUNGC VYAUNGC BOMC DAUZ
BOMC DAUZ
Genesis ngoz yaq Vphaungc Vyaungc ngoz tueq muingc vlvmz kuex ‘Vmuik shauk’ ngoc kvjaz rvtueq. Vruex luik dvp vyuq raungphaungc ghaqwaungc tvdung sung tueq lvmz, miq yaungx wvnc tueq lvmz, mvrax vphaungc nuiyc mungkawx nuex kuilc daz httax wvnc tueq lvmz, Tishox rueq miqsaz rulc rvhumc hemc lvmz htenc kvruex httax yaq. Vphaungc Vyaungc Luik kuex vlvmz vnueyc muex tv-phvlc shec tueq.
1. Pvlyungx 1-11 Mungkawx tvdung sung tueq nuiyc miqsaz vphvnx vphaungc wawc mvnphvnc htenc httax yaq. Kvruex yuq Adam nuiyc Ewa, Kain nuiyc Abel, Noa nuiyc yuix htuip yuix nyuing lvmz nuiyc Babelon lunghtuimz tvhtuic lvmz htenc httax yaq.
2. Pvlyungx 12-50 Mvnnuex wawc Israel miqsaz jix vwaz htenc mvnphvnc lvmz httax yaq. Vphaungc shauk shauk wawc jix vwaz kuex Abraham rvtueq, piq kuex Tishox muex kvmluimx lvmx nuex nuiyc kvjaz tay lvmx phvnc jix waz rvtueq. Kvruex yimaq vsaz Esak lvmz, vsuiuz Yaku (Israel ngoz tueq muinz ngoz yaq), waz lvmz, Israel phvnx waruiuz rokshiz rac vnueyc rvtueq Yaku sahez rokshiz rac wanueyc lvmz httax yaq. Yaku sahez wawc Yosep lvmz, Yaku nuiyc vsahez vganc taungx htenc Ejip mungx nuex httuiuc kaz vtueq httax ngaungc tueq lvmz muinz vkhek maq tvkhic shec tueq.
Vruex luik dvp vyuq kuex miqsaz mvnphvnc jungx shec ruiux muinz, vjungx vbaung kuex Tishox rueq shuimx kaz wvnc tueq lvmz tvkhic shec tueq. Tishox rueq raungphaungc ghaqwaungc tvdung sung taq tueq ngoz tueq vphaungc tvkhic jungc yix maq, vpiq rueq vmiq htenc kuex pattup tvkhup wungx shaungx ngoz tueq bomkhvmc maq tvsuip shec tueq. Luik wvdvp tuimx vyuq Tishox rueq shuimx kaz wvnc tueq lvmz kuex vkhek maq taq vtueq, Tishox rueq vyaq yauk shuimc jix htenc muex phox kuq ruiux murx tvgurc shuex lvmz, vpiq miq htenc muex shvlx kuq vtueq romc lawc kuq ruiux, tsuingshiq mvnphvnc kuex tvdung tvhvlc kuq tueq lvmz httax yaq. Miqphvnx phvnx shiz kvmluimx lvmx kuex tvtsuingc tvy tvkoc muinz, kvmluimx lvmx kvruex yungc loayc wvnc muex htuiz daungx kuy tvkoc muinz kungkhux luik dvp vruex tsvp kvp taq shec tueq.
Vkhuec Vlvmz Vtut maq
Raungphaungc ghaqwaungc nuiyc miqsaz tvdung sung tueq lvmz 1:1—2:25
Mvrax nuiyc kuilc daz lvmz vphaungc 3:1-24
Adam maq Noa nuex httuiuc laz 4:1—5:32
Noa nuiyc yuix htuip yuix nyuing lvmz 6:1—10:32
Babelon lunghtuimz tvhtuic lvmz 11:1-9
Shem maq Abram nuex httuiuc laz 11:10-32
Israel miqsaz jix vwaz tamx: Abraham, Esak, Yaku 12:1—35:29
Esaw suiuz vsaz hez htenc 36:1-43
Yosep nuiyc vphuz vnox hez htenc 37:1—45:28
Ejip nuex httax tueq Israel miqsaz htenc 46:1—50:26
Àwon tá yàn lọ́wọ́lọ́wọ́ báyìí:
VPHAUNGC VYAUNGC BOMC DAUZ: HNOT01
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Hawa Naga Bible © Bible Society of Myanmar, 2014.