Matyo 20
20
Atséebə́nə́múʼ Ńté Ngaŋə́faʼə á Mə́m Nkáʼ Mətǐ mə́ Məloʼə
1Anuə nəfoonə nəpóolə a chî lə́ ándó ŋwu yitsə̌ a lê fɛ́lə mɛ́ məsânə ńgɛnə̂ á mə́ náŋ nə́ pɨ pó yǐ ə́faʼə̂ á mə́m nkáʼ mətǐ mə́ məloʼ əyə́. 2Pó po nə ḿbímnə ńgə́ a yǐ ńtûə ághɔ́b nə́ nkáb páʼ ə́ koʼ nə́ alěmbîə afaʼə. A tíʼ ńtúmə ághóobə́ á mə́mə akoobə́ mətǐ mə́ məloʼ yə́. 3Əghâ ándó mə́numə á nə sáʼ nə́ tə ńnyáʼ ńkɔ́ʼtə, a pɨ ńkə́ fɛ́d ńgɛnə̂ məta ńjɨ́ pɨ pətsə́ pə́ tɨ́mtə ə́wɨ́ ńkě ajûtsə́ tə́ faʼə̂ pô. 4A tíʼ sóŋə á mbô pó ńgə́, Kə́ nə́ ńgɛn ə́faʼə̂ atɔʼ maŋə, maŋ yǐ tûə áwɨ́ nə́ ndɛn nkáb ətsəm páʼ ə́ koʼ nə́. 5Pó tíʼ ńgɛnə̂. A yǐ ḿbə́ á ntɨ̌numnə pó ndzəŋ mə́nu a kə́ ḿbɨ ə́fɛ́d ńgɛn ńgɛd tsɔʼə ə́lə́ələ́. 6A yǐ ḿbə́ á ńtsó mə́nu a fɛ́d ńgɛnə̂ məta ńjɨ́ pɨ pə́ kə́ ḿbɛ́d ńtɨ́mtə ə́wə́. A pítə ághɔ́b ńgə́, nə chígə́ ńtə́əmə aliʼə́ nə́ fɛ́lə məsânə ə́faʼə̂ lə́ akə̂? 7Pó kwěe yí ńgə́, ‘lə́ ńté ńgə́ ŋwu tsə̌ a kě áwə́gə́ á afaʼ lɔg pô,’ A sóŋə á mbô pó ńgə́, ‘Kə́ nə́ ńgɛn ə́faʼə̂ á nkáʼ mətǐ mə́ məloʼ maŋə.’
8Əghâ nkwanə́ nə ḿbɛn ńkoʼ ŋwu wə̂ a sóŋ nə́ nətû nə́ ngaŋə́faʼ əjí ńgə́, ‘fóŋ ngaŋə́faʼ zə̂ ńtû mənkáb móobə́, ńchúʼ nə pi páʼ pó pěʼ nə́ ńdwegtə̂ ndzəmə á mə́ yǐ nə́ lə́, tə́ ńkɔ́ʼ ńkoʼ nə pɨ pə́ pěʼ nə́ ńkwá mbiə.’
9Ngaŋə́faʼ páʼ pó pěʼ nə́ ńchúʼə afaʼə á mɛ́dmə́nu lə́, pó pətsəm kə kwá lə́ nkéebə alěmbîə afaʼə. 10Lə́ pɨ pə́ pěʼ nə́ ńdɔgə̂ ághóobə́ mɛ́ məsânə lə́ pó yǐ, ńkwaŋ ńgə́ pó yǐ kwá nkáb ə́ nə́ənə; lə́ ŋwu ntsəmə á mə́m pó a pə́ ńkə́ ńkwá tsɔʼə nkéebə alěmbîə afaʼə. 11Ndzaŋ pó kwá nə́ nkáb zə̂ lə́, ńchúʼə á mə́ ŋwuntə̂ nə́ ńté ŋwu wə̂. 12Ə́sóŋə ńgə́, ‘Ngaŋə́faʼ jɨ pə́ lɔg nə́ ághóobə́ a ndzəm lə́ pó faʼ lə́ tsɔʼə táʼ mə́numə, pəg pə̂ ḿbeʼə̂ afaʼə atsəm ə́fɛ́lə məsânə á mə́m mɛ́ mə́numə. Lə́ gho pə̂ ḿbɛ́d ńtûə ághɔ́b tsɔʼə ndzaŋ páʼ gho tû nə́ áwə́gə́!’
13A pə́ ńkwěe táʼ ŋwu əghɔb yitsə̌ ńgə́,” Jwə́ʼtə ngəənə mə, maŋ kě anuə təkoʼ yətsə́ á mbô gho ghɛd pô. Pɔ pěʼ ńkě pímnə ńgə́ maŋ yǐ tûə gho lə́ nə́ nkéebə alěmbîə afaʼ? 14Kwá nkáb əzo ńgɛnə̂. Maŋ kɔŋə̂ á mə́ tû nə́ ŋwu pə́ pěʼ nə́ ńdɔgə̂ yə́ a ndzəm lə́ tsɔʼə ndɛn páʼ maŋ tû nə gho ə́wə́. 15Maŋ kě chîə á mə́ faʼ nə́ anuə atsəm nə́ nkéebə mə ndzaŋ maŋ kɔŋ nə́? Kɨ ndě əghô ə́ záŋə lə́ ńté ńgə́ maŋ gheebə̂ apô?
16Yeso a tíʼ ńdwegtə̂ ńgə́ “Pɨ pə́ lwigtə̂ nə́ ndzəm pó láʼ tíʼ mbiə, pɨ pə́ kwá nə mbi pə́ tíʼ ndzəmə.”
Yeso a kə́ Ḿbɨ Ə́sóŋə Anu ńté Nəwû Əyǐə
(Mag 10.32-34; Luk 18.31-34)
17Əghâ ándó Yeso a nə ńtə́ nə́ ńkɔ́ʼə ńgɛnə̂ Jɛlusalɛm lə̂, ə́fóŋ ngaŋə́zoŋə́ndzəm əjí zə̂ ntsɔb pɛ̌ pó po tə́ ńnyinə̂, a sóŋə á mbô pó ńgə́, 18“Jwə́ʼtə nə́,” pɛn kɔ́ʼə ńgɛnə̂ lɛ̌ Jɛlusalɛm páʼ pə́ yǐ nə́ fɛ̂ Mɔ́ Ŋwunə á mbô pətə́kɔʼ pə́ ngaŋə́pêsê pópə ngaŋə́zéʼkə pənoŋkə, pó sáʼ əsáʼ əyí ḿbímnə ńgə́ pə́ jwítə yə́, 19ə́ pɨ fɛ̂ yə́ á mbô Pətəjǐsê pô nyegnə̂ yí, ḿbɨ ə́shúmə yí ńtíʼ ńkwumtə̂ yə́. Lə́ əlě teelə́ ə́ laŋ a pɨ ńjúmnə nəwûə.
Anu Ngwě Zebedi a nə Ḿbítə nə́ ńté Pɔ́ Píə
(Mag 10.35-45)
20Mǎpə pɔ́ pə́ Zebedi a tíʼ ńgyǐəə á mbô Yeso nə pɔ́ pí pi pə́ mbyâŋnə pɛ́n pɛ̌ ńkwə́ʼtə mbi yí ḿbítə yí nə́ anu yətsə̌.
21Yeso a pítə yí ńgə́ “Gho loonə̂ lə́ akə̂?” Məngyě wə̂ a kwěe ńgə́ “Pí ńgə́ táʼ móonə mə ghɛn yitsə̌ a yǐ ńnáanə a əlá apô gho yi tɨ, yitsə̌ a náanə á əlá apô gho yə kwaabə á mə́mə anuə nəfoonə azô.”
22Yeso a kwěe yí ńgə́, “Gho kě jîə ajú gho pítə nə́ pô. Mbɔʼ pɨ nô ndɔ́ŋ páʼ maŋ yǐ nə́ nô ájɨ́d?” Pó kwěe ńgə́, “Mbɔʼ pəg nô.”
23Yeso a tíʼ ə́sóŋə á mbô pó ńgə́, “Pɨ yǐ nô ndɔ́ŋə mə, lə́ mə náanə nə́ á əlá apô maŋ yə tɨ kɨ yə kwab, mbɔʼ lə́ kě maŋ sóŋ pô. Əliʼ pɨ́d pɨ chî lə́ á mbô pəənə ándó Tǎ mə a nə ḿbɛ́d nə́ tə ńtsoŋkə̂ pə́ələ́ á mbô pó.”
24Ndzaŋə ándó apuʼə ngaŋə́zoŋə́ndzəm Yeso zə̂ zɛ́n nəghə́mə nə ńdzóʼ nə́ anu yə wɨ́ lə́, ndě əghɔ́b ə́ záŋ nə́ pətsə́ pə́ pɛ́n pɛ̌. 25Yeso a tíʼ ə́fóŋə ághɔ́b pətsəmə aliʼə́ mɔʼə́ ə́sóŋ nə́ pó ńgə́, “Nə jî ńgə́ pɨ pə́ sáʼ nə́ pɨ pə́ təjǐsê pó kɔ́ʼə ńnáanə lə́ á ndu pó ə́sáʼə ághóobə́. Mətû mɔ́b mə́ kə́ ńtúg mətɨ mətsəmə á ndu pó. 26Lɛ pə́ ńkě ndzaŋə a chî nə́ á mə́ chî nə́ a tətɨ pɨ pô. Ŋwu ntsəm páʼ ä lɔ nə́ á mə́ pə́ nə́ tə́kɔʼ ŋwunə á mə́m pəənə́ a shib ḿbə́ ngaŋəfaʼ əwəənə́ 27Mbɔʼ ŋwu wɨ yitsə̌ a tə́ ńdoonə̂ á mə́ pə́ nə́ nkwâmbi, a shib ḿbə́ apoʼə azə́ənə́ 28tsɔʼə ándó Mɔ́ Ŋwunə a nə ńkě nə́ yǐ lə́ ńgə́ pə́ faʼə̂ á mbô yi pô, a nə ḿbə́ ńgyǐ lə́ á mə́ faʼ nə́ á mbô pəənə, ə́ tû fɛ̂ nchîmbî əjǐə á mə́ jú nə́ ətû pɨ pipə nɨ́ nə́ ə́wə́.”
Yeso a Tsóʼ Pəfəg pɛ́n Pɛ̌
(Mag 10.46-52; Luk 18.35-43)
29Ndzaŋə ándó Yeso pópə ngaŋə́zoŋə́ndzəm əjí nə ńtə́ nə́ ə́fɛ́lə Jɛliko lə́, mboŋ ŋwu məsɔŋ zoŋə̂ yə́ 30Pəfəg pɛ́n pɛ̌ pə́ nə ńnáanə nkaŋə́ alaŋə́. Ndzaŋ pó nə ńdzóʼ nə́ ńgə́ Yeso a tə́ ńdaŋə̂ lə́, ńtíʼ fóŋnə nə́ tə́kɔʼ ngye ńgə́, “Mɔ́ Debid, kó mələ́ŋ mə́gə́ Mmaʼmbî!”
31Mboŋ pɨ zə̂ sáʼə ághɔ́b ńgə́ pó pɔ́ʼnə ńnaʼə̂. Pó pɨ ḿmegnə̂ ńtɔ́ŋnə ngye əzɔb kɔ́ʼə pə́ atǐ ə́sóŋ ńgə́ “Mɔ́ Debid, kó mələ́ŋ mə́gə́ Mmaʼmbî.”
32Yeso a tɨ́ ə́fóŋə ághɔ́b ḿbítə ńgə́, “Nə loonə̂ lə́ ńgə́ maŋ ghɛd ə́lɛ́ nə́ pəənə́?”
33Pó kwěe ńgə́, “Mmaʼmbî, pəg loonə̂ lə́ ńgə́ gho ŋáʼ əmə́g mə́gə́!”
34Yeso a kó mələ́ŋ mɔ́b ńkwum əmə́g móobə́; tsɔʼə əghâ yi wɨ́, pó chúʼə á mə́ jɨ́ nə́ əliʼ ńtíʼ ńdzoŋə̂ yə́.
Àwon tá yàn lọ́wọ́lọ́wọ́ báyìí:
Matyo 20: azo
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Matyo 20
20
Atséebə́nə́múʼ Ńté Ngaŋə́faʼə á Mə́m Nkáʼ Mətǐ mə́ Məloʼə
1Anuə nəfoonə nəpóolə a chî lə́ ándó ŋwu yitsə̌ a lê fɛ́lə mɛ́ məsânə ńgɛnə̂ á mə́ náŋ nə́ pɨ pó yǐ ə́faʼə̂ á mə́m nkáʼ mətǐ mə́ məloʼ əyə́. 2Pó po nə ḿbímnə ńgə́ a yǐ ńtûə ághɔ́b nə́ nkáb páʼ ə́ koʼ nə́ alěmbîə afaʼə. A tíʼ ńtúmə ághóobə́ á mə́mə akoobə́ mətǐ mə́ məloʼ yə́. 3Əghâ ándó mə́numə á nə sáʼ nə́ tə ńnyáʼ ńkɔ́ʼtə, a pɨ ńkə́ fɛ́d ńgɛnə̂ məta ńjɨ́ pɨ pətsə́ pə́ tɨ́mtə ə́wɨ́ ńkě ajûtsə́ tə́ faʼə̂ pô. 4A tíʼ sóŋə á mbô pó ńgə́, Kə́ nə́ ńgɛn ə́faʼə̂ atɔʼ maŋə, maŋ yǐ tûə áwɨ́ nə́ ndɛn nkáb ətsəm páʼ ə́ koʼ nə́. 5Pó tíʼ ńgɛnə̂. A yǐ ḿbə́ á ntɨ̌numnə pó ndzəŋ mə́nu a kə́ ḿbɨ ə́fɛ́d ńgɛn ńgɛd tsɔʼə ə́lə́ələ́. 6A yǐ ḿbə́ á ńtsó mə́nu a fɛ́d ńgɛnə̂ məta ńjɨ́ pɨ pə́ kə́ ḿbɛ́d ńtɨ́mtə ə́wə́. A pítə ághɔ́b ńgə́, nə chígə́ ńtə́əmə aliʼə́ nə́ fɛ́lə məsânə ə́faʼə̂ lə́ akə̂? 7Pó kwěe yí ńgə́, ‘lə́ ńté ńgə́ ŋwu tsə̌ a kě áwə́gə́ á afaʼ lɔg pô,’ A sóŋə á mbô pó ńgə́, ‘Kə́ nə́ ńgɛn ə́faʼə̂ á nkáʼ mətǐ mə́ məloʼ maŋə.’
8Əghâ nkwanə́ nə ḿbɛn ńkoʼ ŋwu wə̂ a sóŋ nə́ nətû nə́ ngaŋə́faʼ əjí ńgə́, ‘fóŋ ngaŋə́faʼ zə̂ ńtû mənkáb móobə́, ńchúʼ nə pi páʼ pó pěʼ nə́ ńdwegtə̂ ndzəmə á mə́ yǐ nə́ lə́, tə́ ńkɔ́ʼ ńkoʼ nə pɨ pə́ pěʼ nə́ ńkwá mbiə.’
9Ngaŋə́faʼ páʼ pó pěʼ nə́ ńchúʼə afaʼə á mɛ́dmə́nu lə́, pó pətsəm kə kwá lə́ nkéebə alěmbîə afaʼə. 10Lə́ pɨ pə́ pěʼ nə́ ńdɔgə̂ ághóobə́ mɛ́ məsânə lə́ pó yǐ, ńkwaŋ ńgə́ pó yǐ kwá nkáb ə́ nə́ənə; lə́ ŋwu ntsəmə á mə́m pó a pə́ ńkə́ ńkwá tsɔʼə nkéebə alěmbîə afaʼə. 11Ndzaŋ pó kwá nə́ nkáb zə̂ lə́, ńchúʼə á mə́ ŋwuntə̂ nə́ ńté ŋwu wə̂. 12Ə́sóŋə ńgə́, ‘Ngaŋə́faʼ jɨ pə́ lɔg nə́ ághóobə́ a ndzəm lə́ pó faʼ lə́ tsɔʼə táʼ mə́numə, pəg pə̂ ḿbeʼə̂ afaʼə atsəm ə́fɛ́lə məsânə á mə́m mɛ́ mə́numə. Lə́ gho pə̂ ḿbɛ́d ńtûə ághɔ́b tsɔʼə ndzaŋ páʼ gho tû nə́ áwə́gə́!’
13A pə́ ńkwěe táʼ ŋwu əghɔb yitsə̌ ńgə́,” Jwə́ʼtə ngəənə mə, maŋ kě anuə təkoʼ yətsə́ á mbô gho ghɛd pô. Pɔ pěʼ ńkě pímnə ńgə́ maŋ yǐ tûə gho lə́ nə́ nkéebə alěmbîə afaʼ? 14Kwá nkáb əzo ńgɛnə̂. Maŋ kɔŋə̂ á mə́ tû nə́ ŋwu pə́ pěʼ nə́ ńdɔgə̂ yə́ a ndzəm lə́ tsɔʼə ndɛn páʼ maŋ tû nə gho ə́wə́. 15Maŋ kě chîə á mə́ faʼ nə́ anuə atsəm nə́ nkéebə mə ndzaŋ maŋ kɔŋ nə́? Kɨ ndě əghô ə́ záŋə lə́ ńté ńgə́ maŋ gheebə̂ apô?
16Yeso a tíʼ ńdwegtə̂ ńgə́ “Pɨ pə́ lwigtə̂ nə́ ndzəm pó láʼ tíʼ mbiə, pɨ pə́ kwá nə mbi pə́ tíʼ ndzəmə.”
Yeso a kə́ Ḿbɨ Ə́sóŋə Anu ńté Nəwû Əyǐə
(Mag 10.32-34; Luk 18.31-34)
17Əghâ ándó Yeso a nə ńtə́ nə́ ńkɔ́ʼə ńgɛnə̂ Jɛlusalɛm lə̂, ə́fóŋ ngaŋə́zoŋə́ndzəm əjí zə̂ ntsɔb pɛ̌ pó po tə́ ńnyinə̂, a sóŋə á mbô pó ńgə́, 18“Jwə́ʼtə nə́,” pɛn kɔ́ʼə ńgɛnə̂ lɛ̌ Jɛlusalɛm páʼ pə́ yǐ nə́ fɛ̂ Mɔ́ Ŋwunə á mbô pətə́kɔʼ pə́ ngaŋə́pêsê pópə ngaŋə́zéʼkə pənoŋkə, pó sáʼ əsáʼ əyí ḿbímnə ńgə́ pə́ jwítə yə́, 19ə́ pɨ fɛ̂ yə́ á mbô Pətəjǐsê pô nyegnə̂ yí, ḿbɨ ə́shúmə yí ńtíʼ ńkwumtə̂ yə́. Lə́ əlě teelə́ ə́ laŋ a pɨ ńjúmnə nəwûə.
Anu Ngwě Zebedi a nə Ḿbítə nə́ ńté Pɔ́ Píə
(Mag 10.35-45)
20Mǎpə pɔ́ pə́ Zebedi a tíʼ ńgyǐəə á mbô Yeso nə pɔ́ pí pi pə́ mbyâŋnə pɛ́n pɛ̌ ńkwə́ʼtə mbi yí ḿbítə yí nə́ anu yətsə̌.
21Yeso a pítə yí ńgə́ “Gho loonə̂ lə́ akə̂?” Məngyě wə̂ a kwěe ńgə́ “Pí ńgə́ táʼ móonə mə ghɛn yitsə̌ a yǐ ńnáanə a əlá apô gho yi tɨ, yitsə̌ a náanə á əlá apô gho yə kwaabə á mə́mə anuə nəfoonə azô.”
22Yeso a kwěe yí ńgə́, “Gho kě jîə ajú gho pítə nə́ pô. Mbɔʼ pɨ nô ndɔ́ŋ páʼ maŋ yǐ nə́ nô ájɨ́d?” Pó kwěe ńgə́, “Mbɔʼ pəg nô.”
23Yeso a tíʼ ə́sóŋə á mbô pó ńgə́, “Pɨ yǐ nô ndɔ́ŋə mə, lə́ mə náanə nə́ á əlá apô maŋ yə tɨ kɨ yə kwab, mbɔʼ lə́ kě maŋ sóŋ pô. Əliʼ pɨ́d pɨ chî lə́ á mbô pəənə ándó Tǎ mə a nə ḿbɛ́d nə́ tə ńtsoŋkə̂ pə́ələ́ á mbô pó.”
24Ndzaŋə ándó apuʼə ngaŋə́zoŋə́ndzəm Yeso zə̂ zɛ́n nəghə́mə nə ńdzóʼ nə́ anu yə wɨ́ lə́, ndě əghɔ́b ə́ záŋ nə́ pətsə́ pə́ pɛ́n pɛ̌. 25Yeso a tíʼ ə́fóŋə ághɔ́b pətsəmə aliʼə́ mɔʼə́ ə́sóŋ nə́ pó ńgə́, “Nə jî ńgə́ pɨ pə́ sáʼ nə́ pɨ pə́ təjǐsê pó kɔ́ʼə ńnáanə lə́ á ndu pó ə́sáʼə ághóobə́. Mətû mɔ́b mə́ kə́ ńtúg mətɨ mətsəmə á ndu pó. 26Lɛ pə́ ńkě ndzaŋə a chî nə́ á mə́ chî nə́ a tətɨ pɨ pô. Ŋwu ntsəm páʼ ä lɔ nə́ á mə́ pə́ nə́ tə́kɔʼ ŋwunə á mə́m pəənə́ a shib ḿbə́ ngaŋəfaʼ əwəənə́ 27Mbɔʼ ŋwu wɨ yitsə̌ a tə́ ńdoonə̂ á mə́ pə́ nə́ nkwâmbi, a shib ḿbə́ apoʼə azə́ənə́ 28tsɔʼə ándó Mɔ́ Ŋwunə a nə ńkě nə́ yǐ lə́ ńgə́ pə́ faʼə̂ á mbô yi pô, a nə ḿbə́ ńgyǐ lə́ á mə́ faʼ nə́ á mbô pəənə, ə́ tû fɛ̂ nchîmbî əjǐə á mə́ jú nə́ ətû pɨ pipə nɨ́ nə́ ə́wə́.”
Yeso a Tsóʼ Pəfəg pɛ́n Pɛ̌
(Mag 10.46-52; Luk 18.35-43)
29Ndzaŋə ándó Yeso pópə ngaŋə́zoŋə́ndzəm əjí nə ńtə́ nə́ ə́fɛ́lə Jɛliko lə́, mboŋ ŋwu məsɔŋ zoŋə̂ yə́ 30Pəfəg pɛ́n pɛ̌ pə́ nə ńnáanə nkaŋə́ alaŋə́. Ndzaŋ pó nə ńdzóʼ nə́ ńgə́ Yeso a tə́ ńdaŋə̂ lə́, ńtíʼ fóŋnə nə́ tə́kɔʼ ngye ńgə́, “Mɔ́ Debid, kó mələ́ŋ mə́gə́ Mmaʼmbî!”
31Mboŋ pɨ zə̂ sáʼə ághɔ́b ńgə́ pó pɔ́ʼnə ńnaʼə̂. Pó pɨ ḿmegnə̂ ńtɔ́ŋnə ngye əzɔb kɔ́ʼə pə́ atǐ ə́sóŋ ńgə́ “Mɔ́ Debid, kó mələ́ŋ mə́gə́ Mmaʼmbî.”
32Yeso a tɨ́ ə́fóŋə ághɔ́b ḿbítə ńgə́, “Nə loonə̂ lə́ ńgə́ maŋ ghɛd ə́lɛ́ nə́ pəənə́?”
33Pó kwěe ńgə́, “Mmaʼmbî, pəg loonə̂ lə́ ńgə́ gho ŋáʼ əmə́g mə́gə́!”
34Yeso a kó mələ́ŋ mɔ́b ńkwum əmə́g móobə́; tsɔʼə əghâ yi wɨ́, pó chúʼə á mə́ jɨ́ nə́ əliʼ ńtíʼ ńdzoŋə̂ yə́.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀