Luka 23
23
1-25: Mat. 27, 2. 11-31; Mal. 15, 1-20; Joh. 18, 28-19, 16.
1Neke baho vajandzamukage vonda hela, ndevye vali, neke vamuhelelage nave kwa Pilata.
2Neke kwe vakakôle mukutovelela neke vakatigilage: umunu uju tuvwene ikuvajadza avanu ikipelela kyesu, ikuvaka-nidza nukuta mutane ukumutovela ikodi u-Kesale, itigila: je nene, nde Kilisiti, nde muńa-vutwa june. 20, 25.
3Neke umwene Pilata neke amuvudzage atigilage: vwi mutwa va va-Juda uveve? Neke umwene apilusage atigilage: ena, je nene.
4Neke baho Pilata neke avalongelage navatekedzi avavina navanu vonda neke atigilage: unene kwa munu uju sindikujivona inôngwa nambi jimwi.
5Neke baho avene vadadambalilage pakumu-londza neke vatigilage: ikuvagalusa muno avanu, pe ikuvadalikila inôngwa dzakwe ponda pa-Judaja, amulye mu-Galilaja ukufika muno.
6Umwene Pilata, avye apulike vitigila: „Galilaja“ neke baho atigilage: ńe va, humbi va mu-Galilaja umunu uju?
7Neke lino, pe apulike ukuta ahumile muvutwa vwa Helodo, neke baho amutumage kwa Helodo. Pakuva nave pafigono fifyo ali mu-Jelusaleme. 3, 1.
8Neke umwene Helodo, avye amuvwene Jesu, neke akēlage mbandu; avwene ali nalo katali ulwa kutigila: ndimukagulage, pakuva apulike indzolofu, dze ahahilwaga kuvanu, kangi ahuvilaga nukuta: ene vuli akumbonehedzaga najune kamwi akalŏle. 9, 9.
9Neke amuvudzage amadzwi amolofu; umwene nambi ukumupiluhidza ilidzwi nambi limwi.
10Navatekedzi avavina navakagulihâte navo vali baho neke vagimbage pakutovelela.
11Neke lino ava Helodo navańikongo vakwe neke vamulangapalilage neke vamujejeledzage; neke baho vamufwikage umwênda, ugwaṅalagadikaga mbandu uvuvalafu, neke baho vamupiluhidzage ku kwa Pilata.
12Neke baho na Pilata na Helodo neke vadzelanage pakigono kikyo, ndivwene vali vukava pamwandi.
13Neke baho u-Pilata avalundasage avatekedzi avavina navandzagila na va vanu vonda hela,
14neke avalongelage neke atigilage: mulolage, mundetye umunu uju, mutigye ikuvagalusa avanu. Neke lino unene ndimu-higile baha vulolela najuńeńe, neke unene sindi-kujivona inôngwa ukwakwe, je mukumutovelela umunu uju uńeńe.
15Na ju Helodo nave alemilwe, ndivwene atupilubidze jufwe kangi. Neke lolage, asihokile inôngwa ja kufwila nda.
16Neke lino nditigila ndikumutova neke ndiku-muvopola.
17[Neke lino pali poluli ulwîmbo lwa pakyâka, ulwa kuvāvulila umunu jumwi uva pańololo.]
18Neke avene vajojelage pamwinga vonda neke vatigilage: umujadzage juju uju, utuvopolelage ju Balaba.
19Neke umwene lwe ingiiye muńumba ja vańa-ńololo, agalwike mukâja, akomile na ju munu.
20Neke umwene Pilata neke avwilage kangi ukulonga navo, pakuva atigilaga ndimwavulage Jesu.
21Neke avene vamwaṅage hela neke vatigilage: umutovelage pakipindulihidzo!
22Neke umwene avwilage ulwa vudatu neke atigilage: ahokile lulikwi uluvîfu lino? Unene sindijivwene inôngwa ija kumuvulagila. Neke lino ndikumutova hela, apo swêla ndikumwāvulaga.
23Neke baho avene neke vamoveledzage mbandu neke vatigilage: umutovelage pakipindulihidzo! Neke lino baho umwango gwanavo neke gumusumage.
24Neke baho Pilata akĕlage atigilage: lugendelage pa lwe vagulwime.
25Neke baho avâvulilage, je vańilike va vene, je vamusopye muńololo uvugalusi nuvuvuladzi, neke lino umwene Jesu avatavulilage ukuta: mumugitage lwe mukêlye.
26Neke lino baho Jesu, vavye vikumuhelela nave, neke baho vamwibatage umunu jumwi, u-Simono uva mu-Kilene, je ahumile kuvulime vwakwe. Neke je vamutwikage ikipindulihidzo neke vatigilage umuńamulilage umuninilage nakyo u-Jesu. Mat. 27, 32; Mal. 15, 21.
27Neke vaninilage avanu ililugu lyonda navakiṅinavo ṅani neke ve vamulŏgōtĕlelage neke vahandze nukumuhugumilila.
28Neke umwene Jesu neke avasedukilage neke atigilage: ńe valive va Jelusalem’ańe, mutane ukumbembela unene, mwive-mbelage mwivene muva-vembelage na vâna veńo juńe.
29Mulolage pakuva filadza ifyene ifigono, apo valatigila: vali kitendileme avagumba navańa-mivili, igisina gibaba ponu navańa-ndzońelo, idzisina dzońwa. 21, 23.
30Pakigono kikyo vala-kola mukulonga nakufidunda valatigila: mutu-gemukilage, nakufitanana mutugubikilage. Luv. 6, 16; 9, 6.
31Pakuva ngana vigita-vo kulusagalauludodi, apo ulusagala ulugâmu vala-gita nalo lwavuli? 1. Pet. 4, 17.
32Neke vavahelelage navo navahosi avangi vavili, avakuvahandza pamwi numwene ukuvulaga.
33-49: Mat. 27, 33-56; Mal. 15, 22-41; Joh. 19, 17-30.
33Neke lino, vavye vadzifike baho, pe vitigila pe paluṅala, neke baho vavatovelelage pafipindu-lihidzo fyanavo na jujo navahosi, ujungi neke vamutovelelage kwivoko ilya ndyo, ujungi ku lya ṅigi.
34[Neke baho umwene Jesu neke atigilage: uvavodzage, ve dâda, ndivwene vasīvwene lwe vakululima.] Neke baho vasolanilage ulwa kugavanila imyênda gyakwe. Mat. 5, 44.
35Neke avene avanu neke navo vavedzage baho mukwilolela. Neke na va vakomi navo neke vamusenulage vatigilage: avangi akikuvapoka, ka lino ali na kiki ukwipoka na ju mwene, ngana je Kilisiti va Nguluvi, ngana je muhagulwa?
36Neke navasilikali neke navo vamujoveledzage neke vahegēledzage nululenga uluńa-mudzadzu, lwe vamuńamulye
37neke vatigilage: ngana uli mutwa va va-Juda, ka ungipoka juve!
38Neke na vu vwândike ńani vwali povuli pakyâńa uvwa kuta: „uju je mutwa va va-Juda.“
39Neke na va vahosi, avatovelilwe ujungi neke amulongage fivi neke atigilage: usili vwi Kilisiti uveve? Ungipoka vwijena neke utupoke najufwe.
40Neke amubigage ujungi umujagwe neke amukabusage atigilage: najuve usikumogopa nambi u-Nguluvi? Pakuva ukĕ-lelilwe lumwi nave.
41Neke lino unefwe vatukĕlye mwe mwene, ndivwene twanukye fi fitegine namalimo gesu, ge twalimaga, neke lino uju asilimile, uluhenile nda.
42Neke atigilage: ve Jesu, uṅumbukage, pe vwingye muvutwa vwako. Mat. 16, 28.
43Neke umwene atigilage: ndakyene unene ndikukulongela nditigila: neṅuli twivedza pamwinga mumugunda Edene.
44Neke jafikile isala ja mutanda, neke baho ikîsi kigwidzage ińi jonda neke kifikage pasala ja igôndza.
45Na li lidzuva neke nalyo litilivalage, na li libupa lya kyânga kya tembele neke nalyo lidemukage pagatinapagati.
46Neke baho Jesu akûtage ilidzwi ilivina neke atigilage: ve dâda, umubepo gwangu ndikuguvîka mumavoko gako. Neke lino, avye alulongile ulu, neke baho gudumukage. Apos. 7, 58.
47Neke umwene umuńa-kipuga, avye adzivwene idzi, neke baho alumbage kwa Nguluvi atigilage: ndakyene umunu uju aka mugolofu.
48Neke vonda avanu, avalundanye baho mukwilolela, neke pe vavye vadzivwene idzi, neke baho vitovage kumambaga neke baho vagomokelage kukâja janavo.
49Neke navadzāla vakwe navo vadandamye patali, navakiṅinavo, avamuninilaga ukuhuma mu-Galilaja, neke vonda vadzilolage idzi. 8, 2.
50-56: Mat. 27, 57-61; Mal. 15, 42-47; Joh. 19, 38-42.
50Neke baho vavonage huju umugosi, ilitavwa lyakwe ali je Josefe, umundzagila va nôngwa, umunu umunofu umugolofu.
51Umwene asadzidike na dze vadzivonye ńani avajagwe na dze valimaga. Ali muhuma-mu-Alimatija, mukâja ja va-Juda. Ahuvilaga nave uvutwa vwa Nguluvi. 2, 25. 38.
52Neke je ahelelage kwa Pilata neke aguńilikage umufimba gwa Jesu.
53Neke baho agutumbu-kulage neke agunyengage numwênda umwêlu neke akaguvikage mumombwe, je vahongwe mulutālâvwe, je vasana vamusila munu nambi ponu.
54Neke kyali kigono kya kwivujapila neke nińwabaha pe jikwamulwa.
55Neke avene avakiṅinavo, ve fyadzise ukuhuma mu-Galilaja, neke navo vamuninilage neke vajivonage na ji mombwe na gu muvili gwakwe pakuguvīka. v. 49.
56Neke vavye vagomwike kukâja neke vakavujapage imigoda nimono ja mila. Neke lino pańwabaha neke vahwedzage ndesi, ndevye dzalagye indagi.
Àwon tá yàn lọ́wọ́lọ́wọ́ báyìí:
Luka 23: II
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
New Testament in Bena © Bible Society of Tanzania, 1958.