Mataji 2
2
1Neke pe aholilwe Jesu mu-Beteleheme, mu-ńi mu-Judaja, pafigono fye ali mutwa Helodo, neke vadzage mu-Jelusaleme avalagudzi avahuma kunena Luk. 2, 1-7.
2vavudzage vatigilage: ali kwi umutemi ya va-Juda, umuholwa lino? Tuvwene tuluvwene ulutondwe lwakwe kuvuhoho-mokelo-ilidzuva, neke lino twadzile mukuhongedza ukwakwe.
3Neke umutwa Helodo, pe apulike ulu, atinukage guvave ńangilakumwinga na va mu-Jelusaleme.
4Swe neke avalundasage vonda navatekedzi avavina navakagulihâte va mumo neke avavudzage atigilage: ino vona kwe kwi, kwe vatigye alaholelelwa Kilisiti?
5Neke vamulongelage Vatigilage: mwe mu-Beteleheme mu-ńi ja mu-Judaja, pakuva lwe lolilwe mwa muvidzi, je itigila: Joh. 7, 42.
6„Najuve, ve Beteleheme, ve ńi ja mu-Juda, utane ukuta uli munaṅi mukâja dzonda idza vatwa va mu-Juda, ndivwene alahuma ukwako umutwa umuńa-kuvadīmilidza avakina-Jisilahele, avanu vangu.“
7Swe neke umwene Helodo avakemelelage avalagudzi kukińele neke avapodzage ikigono, kye lwavonekye ulutondwe.
8Neke avasonage ku-Beteleheme, atigilage: muhelelage mukamusakulage vunofu umwâna uju, neke nga mudzikumuvwene, apo mwadze mundongele najune, ukuta nâni mbite ngalapangilage ukwakwe.
9Avene, pe vapulike, lwe avalongelaga umutwa, neke vahelelage neke vavonage hulo ulutondwe, lwe valuvwene kuvuhohomokelo vwa lidzuva, luvalongolye kuvulongolo, neke lukafike ludimalale pakyâńabaho, pe āli umwâna.
10Neke pe valuvwene ulutondwe, neke avene kwelage.
11Neke vingilage muńumba neke vamuvonage umwâna na ju Malija uńina neke vagwidzage vahongedzage ukwakwe neke vavopolage ifyûma fyanavo neke vahumyage ifya kumuvonola nisahabu nifya kufuṅilidza numugoda gwa mono, gwe vitigila mila ilitavwa.
12Neke pakilo mumalōto Nguluvi avavulage avala-gudzi atigilage: mutane ukuvujila ija kwa Helodo. Neke baho avene ukupilukila ku-ńi janavo vanyengage ińasi ijingi.
13Pe vahelye avene, neke Josefe avonage umuńa-mwandza va Nguluvi mumalōto akumuvula itigila: ulamukage umutolage na ju mwâna na ju ṅina, ukimbililage kw’Egipiti, ukikalage kuko ukufika baha kigono, kye ndilakulongela. Ndivwene Helodo i nalo ulwa kumusakula umwâna neke amuvŭlage.
14Neke umwene alamukage amutolage umwâna nuṅina baha kilo neke akimbililage mw’Egipiti.
15Neke ikalage kuko asungwe akafike pe afwilye Helodo. Ulwa kuta luvilatukage, lwe ālongye umutwa mwa muvidzi, je ātigye: „Ndimukemelelye mw’Egipiti umuswamuvangu.“
16Neke Helodo, pe avwene vamudzangile avalagudzi neke akalalilage hîlo neke avatumage avańa-kudzikuvpvulaga avâna vonda mu-Beteleheme, ukwapulila mumibaka gya mu-Beteleheme, vahumage navo pavańa-myâka givili ukwapulila pafyali. Neke vagelanihidzage, pe vamulongelye Helodo avalagudzi.
17Pe pene pe luvilatukye, lwe āvilile umuvidzi Jelemija, uvitigila:
18„Mu-Lama jipulise ingōlo niṅūto ṅani nukutwītĭla nifivembo hîlo; Lakele muńa-makiva, akuvavembela avâna vakwe, asikwidika pakuńamala, avwene vajagye ṅani.“
19Neke pe avwene afwe Helodo, neke umuńa-mwandza va mutwa amuvonekelage Josefe mumalōto amuvulage atigilage:
20ulamukage umutolage na ju mwâna na ju ṅina upilukilage navo ku-ńi ja vakina-Jisilahele; ndivwene vafwe avakisakula ukuvulaga umwâna.
21Neke umwene alamukage amutolage na ju mwâna na ju ṅina neke ahelelage navo ku-ńi ja vakina-Jisilahele.
22Neke pe apulike, ukuta ahomye umuswamuve u-Alikele padadye pa-Helodo pakuvutema mu-Judaja uvutwa, neke ogopage ukuhelela kuko. Pe amu-vulile Nguluvi mumalōto, swe neke adzumbanidzage neke akafikage mu-ńi mu-Galilaja.
23Neke pe adzifikile, neke akadzengage pakâja, je vitigila Nasalete ilitavwa, pakuta luvilatukage, lwe vāvilile avavidzi, avitigila: „ilitavwa alatambulwa va mu-Nasalete.“ Luk. 1, 26; 2, 39; Joh. 1, 40.
Àwon tá yàn lọ́wọ́lọ́wọ́ báyìí:
Mataji 2: II
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
New Testament in Bena © Bible Society of Tanzania, 1958.