Mataio 8
8
8. A PAKANA.
1Ba i wan pari tak u ra tagai, a kum tara‐na‐kaiya diat patap un i.
2Ma boboi, ra muana, a lepa, i wan korom i, ma i tutudug nana, ma i piri lenkumi Tadaru, ba u ligna pet‐a‐maramarek iau, Un pam larapai ku. 3Ma Iesu i kado a limana ma i pamta i, ma i piri lena, Iau nemi, Un maramarek ku ui. Ma ra nuna malapag i tamararā kaka ma ut kon i. 4Ma Iesu i piri tana, Boboi, Koniku wapua te uni; un wan ku, un weata ui korom a tenapinapet, ma un tari a wetabara ba Moses i piratai, a wakinilagina ia korom diat.
5Ba i wan u Kapanaumi a tadaru na wineum i wan korom i ma i arig i, 6ma i piri lena, Tadaru, a nug wetula i inep u ra ruma, a paralutiko i um i, i gugut uni. 7I piri tana, Ag wan ag wakadelpa i. 8A tadaru na wineum i piri lena, Tadaru, iau pa iau ka lena un ruk u ra nug ruma: un piri ku, in kadel uni a nug wetula, 9Kuma a kinalik na tadaru ku iau, ma iau nakokon ra magan a tara‐na‐wineum: iau piri tan te, Un wan, ma i wan ma ut; korom te bulug, Un wan urin, ma i wan ma ut urin; korom a nug wetula, un pam a lig kumi, ma i pami ma ut. 10Ma Iesu ba i walogoropai, i kakaian uni, ma i piri ta diat diat patap uni lena, Iau piri ligtatuna ta muat, iau pa iau bobopai, ko diat a Israel, ra nuru i gala len ia bi. 11Iau piri kai ta muat lena, kura mogoro na tara diat a wan tak u ra ist, ma tak u ra west kai, ma din ki nan Abaram, ma Isaak ma Iakob u ra matanitu i ra maua: 12Ma diat a kum nat na matanitu, kura din og‐a‐pariua diat u ra boboto; diat a tagtagi ma wakirit a lokodi iai. 13Ma Iesu i piri ta ra tadaru na wineum, Un wan ma: lenkuma u nuru uni len kai kuma din peti korom ui. Ma ra nuna wetula i kadel tak u ra pakan a bug kuma.
14Ba Iesu i ruk u ra ruma a nun Petero, i bobo a na ra nuna tebuan i inep ma ra malapag na awawian. 15ma i pam a limana ma ra awawian i tamararā ma ut kon i; ma i turu ma ut ma i taram korom i.
16Ba malurap, diat ben a mogoro na tara korom i ba a kum tebaran diat og diat: ma i lurua diat a kum tebaran ma ra pirapira ku, ma i wakadelpa diat rap diat malapag: 17ba in wewaot uni a pirapira Isaia a parofita i wapua mukatau uni lenkumi, Ia ku i kip a nudat malmalum, ma i lopa a nudat kum malapag.
18Ba Iesu i bobo diat a kum tara‐na‐kaiya diat turu liuta i, i piri lena din wan u ra papara u rog iai.
19Ma ra tenatimtimu i wan korom i, ma i piri tana, Tenawawera, Ag patap un ui u ra kum bual rap un wan uni. 20Ma Iesu i piri tana, I tana nadiat a kum fokisa a nudiat kum mata, i tana nadiat a kum pika a nudiat kum pio; na Tu ra muana kai pa ta gaiana ba in waineptai uni a in a lorina. 21Ma te bulug a nuna disaipel i piri tana, Tadaru, un madekua iau ku mun ba ag wan ag punag tamag. 22Ma Iesu i piri tana, Un patap un iau; talbegua diat a kum minat ba diat a punag a nudiat kum minat.
23Ma ba i ka u ra tampag, diat a nuna tara na wawera diat patap un i. 24Ma boboi, i tapata tau u diat na tai a pakanatalā pi, ia kuma a kum bobol i wawakā uni u ra tampag: ma ia i inep ku. 25Ma diat wan koromi, diat wagun i, ma diat piri lena, Tadaru, Un walaun dat; dat pot na wirua ma! 26Ma i piri ta diat lena, A kum tena‐nuru kinalik muat, lelawai kuma muat burut? Ma i turu ma i wadubat a dadaip ma ra tai; ma i malila ma ut. 27Ma ra tara kuma diat kakaian uni, ma diat lena. Lelawai a muana bi, kuma i taram tana a dadaip ma ra tai?
28Ba i pukai u ra papara, u ra bual a nu ra Kadara, ditul wetarom iai ma ruadi ba a kum tebaran diat og diara, diara wan tak u ra bual na minat, ru tenakămkămiak akit diara, ia kuma a tara diat kana wan uni u ra akapi kuma. 29Ma boboi, diat wewatai lena, Dat a lawai ma ui na Tun Nara? U wan bakai urin un waguguta miat ma pa i wan pat utbai a pupukaina? 30Ma i tana welwelik ko diat a kaba kalina boro diat wagan iai. 31Ma ra kum tebaran diat arig i lena, Ba u lu‐a‐pariua miat, un tula miat lena, miat a ruk u ra kaba boro. 32Ma i piri ta diat lena, Muat a wan. Ma diat pari, ma diat ruk u ra kaba boro: ma boboi, a kaba boro diat kala pari u ra taratariba u na tai; ma diat irua rap u ra tai. 33Ma diat a tara ba diat tabara diat a kaba boro, diat kala ma diat wan u ra wanua‐na‐ruma, ma diat wapua tau u ra lig rap di a petai u diara ba a kum tebaran diat og diara. 34Ma boboi, a kum tara rap tak u ra taman diat wan lena diat a wetarom ma Iesu: ma ba diat boboi, diat arig i lena in wan igen ko ra nudiat bual.
Àwon tá yàn lọ́wọ́lọ́wọ́ báyìí:
Mataio 8: RAI
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Published by the British and Foreign Bible Society in 1896.