JOHON Kapachini Alam
Kapachini Alam
Johon po Kiwi Kime-Alam long atengke Jisu si or-eh len Arnam-alamthe, ingho “munusi ihut chiplango aro ili pen dolo.” Labang alopo long pudo, labang kiwi kime-alamthe long kachiporhe abangyok Jisu si kiwange kapang-ak Ral Hemphu Arnam Aso aro anang yok kikrol abang anali jiuli hlonge. (20:31)
Kapachini tang aphel, ki-or-eh Arnam-alamthe Jisu pen do, pusi ango ahlap aga ke kime-alamthe long prek-prek asombhik asin, labang hel Jisu kiwange kapang-ak Ral Hemphu, Arnam Aso kapaklang alam pangthek si bido. Lamehel aphel ke asombhik asinhel pot badi chiplango atuk-atel alam do. Labang alap alongke arleng hel pot badi Jisu yok krolo aro anang adun hel chiplango, angkhanke kiteng dun aro kikrol dunde alam do. Angthek hel 13-17 long ke Jisu yok anithu kinep amun adun hel pen me-at nengdok pen kachingrum, aro analiyok chihonjok tol alamthe kithan, kros kitar ango analiyok neng kirung alamthe do. Ki-or angthekpe longke, Jisu kinep aro duk-tap kipi, anangyok kros long kitar, kibur phak aro anang adun helyok kiburphak aphel kachiplang alam hel do. Angthek 8:1-11 alongke kangho kidoner arlosope yok kinep atomodo, piyok pu tene ako-ong kiwi alohel ango cheng lo-kangthir alam kapharli abang tikang detdo, aro ladisi angkhanke prek ahlap longsi palut do. Johon po ke, Jisu pensi or-eh len ajiuli abanta do pusi thandak do, minon chengsi aro mophel ingho Jisu yoksi kidam aduwar, khanang po aro ajiu po pusi chidenge, anangke Jisu para Jiuli-Kangthir hlonge pudo. Johon po kiwi kime-alamthe along nengkirung alamthe arnita kengkam kachijor long kachiplang alam arnita ki-ot jong abihini, kithek jong abihini hel lake lang, him, katha-ang, bherabik, khokhre, aro anang bherabik hel, rihanthu arong aro athehel alam athenghlan pensi thanpon do.
Kapangthek Alam
Kicheng alam 1:1-18
Johon Baptist po aro Jisu ango adun hel 1:19-51
Jisu rat long katiki asal 2:1-12:50
Ki-or arni aro Jerusalem adung alam 13:1-19:42
Kithi kibur aro Hemphu kachiklang 20:1-31
Kijut: Galili long prek iphong kachiklang 21:1-25
Àwon tá yàn lọ́wọ́lọ́wọ́ báyìí:
JOHON Kapachini Alam: AMRI-BSI
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.