Mateo 1
1
Zeso biridideni onideni
Roca 3.23-38
1Rrehe, arrirraro uimape Zeso Cristo tauimari. Zeso biridi orrariapa Izarraeo potemaui zodeodeni quequenanarraridenicca tamine Dabi. Biridi ouaha naco Izarraeo potemaui zodeodeni bazimacca idi Abarahao. Nazapa Abarahao potemaui onideni ua ineza Zeso imenicca maqqui oni bacco inaniuarrine.
2Taidepa Abarahao. Abarahaopa Izaquicca abi.
Izaquipa Zacacca abi. (Zaca oni ouahapa Izarraeo.)
Zaca bedideni orraria onipa Zoda. Poua, poua imecotedeniza: —Izarraeo potemaui zodeodeni −quequenanarrari.
3Zoda bedipa papamade: Pere, Zera quenarrari. Imenideni oninipe Tamara.
Perepa Eserocca abi.
Eseropa Araocca abi.
4Araopa Aminadabecca abi.
Aminadabepa Nahasaocca abi.
Nahasaopa Saomocca abi.
5Saomopa Boacca abi. Boa imeni oninipe Rrahabi.
Boapa Obedicca abi. Obedi imeni oninipe Rroti.
Obedipa Zese-Izahicca abi.
6Zese-Izahipa Dabicca abi. Narrari Dabipa zodeodenicca tamine torrarrari.
Pouapa Saromaocca abi. Saromao imenipe Oria bedimeni bote.
7Saromaopa Robouacca abi.
Robouapa Abiacca abi.
Abiapa Asacca abi.
8Asapa Zosapatecca abi.
Zosapatepa Zoraocca abi.
Zoraopa Osiacca abi.
9Osiapa Zoataocca abi.
Zoataopa Acasecca abi.
Acasepa Ezequiacca abi.
10Ezequiapa Manasecca abi.
Manasepa Amaocca abi.
Amaopa Zosiacca abi.
11Zosiapa Zeconiadenicca abi.
Zeconia, poua imecotedeni madimanazapa zama onihicca madirra rrazire eccarronemanarraro. Narraridenina deni toquerrenazapa Izarraeo potemauideni tozepe toquerrenarrari. Poccadeni zama Babironiauarri iaccanibaqqui-manazapa tarabaiauarrine zozosse toquerrenarrari.
12Naza naui zama onihiuarri madimanaza Zeconia bedi tossonarrari. Poua onipa Saratieo.
Saratieopa Zorobabeocca abi.
13Zorobabeopa Abiodicca abi.
Abiodipa Eriaquiocca abi.
Eriaquiopa Azoriacca abi.
14Azoriapa Sadocacca abi.
Sadocapa Aquiocca abi.
Aquiopa Eriodicca abi.
15Eriodipa Eriasacca abi.
Eriasapa Mataocca abi.
Mataopa Zacacca abi.
16Zacapa Zozecca abi. Narrari Zozena Mariacca maqqui torrarrariparra.
Rrehe, Zozecca amonerre Mariazana Zeso tossonarrari. Narrari Zesona —Ia Idinide Cristo-Mesia −ihinanarraro.
17Rrehe, narraro uimape Zeso biridideni uapi taraha onideni eti rrima-rrerarraro. Abarahao onizama ua izanapozape arricca tamine Dabi oni bacco inezape biridideni 14 quenarrari.
Nezape Dabi onizama ua inapomezape Zeconia oni bacco inezape denima biridideni 14 quenarrari. Arra Zeconia madizapa Izarraeo potemauideni tozepe toquerrenaza zama Babironiauarri iaccanibaqqui-manarrari.
Zotode Zeconia Babironiaza madiza poua onizama ua inapomezape ia Idinide Cristo-Mesia tossonaui bacco inezape denima 14 quenarrari.
Zeso tossonauicca uima
Roca 2.1-7
18Zeso Cristo tossonauiuarrinecca uimape arrima naporraro. Zeso imeni Mariape Zoze icarriuiuarrine taide imehidenipa rrehe canireporrari. Mariape maqquiderre ssamo taccani. Zozepa pocca ozauarri Maria iaccani-rreraqquezape poniza uada-rraraccaui. Naraha ponipe rriuarraro. Deo Corime uati tazapa poni izoniza erredeni nauatoza uittizarrari. 19Ponicca maqqui torrauiuarrine Zozepa uimari bica tarra narrari. Poni rriuani qqui taraha poniza uima inassonariniuarrine nacassera tarrari. Nazapa poua bodi: —Cacomeheza onebona −narrari. 20Poua bodi nama naraha pocca uadaza Deocca zozosse Poua Atti ccaccaronade auatoza uati tarrari: —Zoze, tiape tamine Dabi potemaui tirrani. Ticappina-rrerarri. Maria rriuaporaha ticarriniuarrine oppinera tani. Arra, Maria poni izoniza erredeni uittizarraripa madirrarrine rraraui. Deo Corime uati taza erredeni carrirraro −narrari. 21—Niza poni bedi tossonazapa onipa “Zeso” tana. (Ettizape: Ia Zozossede madirra Tonassiuauade, inarraro.) Narraripa pocca madirra inassiuauabaqquiuitoui, poccadeni uimasiri manaconi narrizoue pouadeniza inassonari-rreranitoui −narrari Deo Atti ccaccaronade atti. 22Narraro uima bazima uima torraponiuarrinepe maittaccazama Deopa Poua Atti cacomerabote Izaiaza uati taza Izaiana uati iqquimarraro. 23Poua attipa:
—Ticattomama canarri. Zouato maqquiderre ssamo teraha rriuezape erredeni carrinitoui. Poni bedizapa: Emanoueo, quequenanauitoui –napoui nade Izaia. (Emanoueo ettizape: Deo iaza madiui, inarraro.)
24Nazapa Zozeza uati uati taha rricazapa Zoze nocco torrarrari. Deo Atti ccaccaronade attiza ibora tazapa Maria icarrirraro. 25Nezape pocca amonerre torreraha poni izonicca erredeni tossona-rraraccazapa poniza uada-rrararrari. Poni bedi tossonazapa Zoze erredeni oni ua inarrari: —Zeso −narrari.
Àwon tá yàn lọ́wọ́lọ́wọ́ báyìí:
Mateo 1: KBNT
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
2020 Impresso na Graafica da Biblia