LIPOK OKILA
OKILA
Lipok tetezü “Tetenzükdak.” Anüng-ali yangluba, meimchir jakzükba, aser Tsüngremi meimchir den koma lia aru, item indang iba kaket nung angur. Lipok kaket ya tongtibang shilem ana küma lemsatsü akok:
1) Tapu 1–11 anüng-ali yangluba aser meimchir otsü. Adam aser Eva, Kain aser Abel, Noa aser tzümetsüng, Babel lungki, item indang iba shilem nung angutsü.
2) Tapu 12–50 Israel nunger tetsü-teboutem otsü. Mezüngbubaji Abraham, shiba tamang aser Tsüngrem dang tashi angaba atema nüngtugu aküm. Iba sülen par chir Isak, aser semchir Yakob. Yakober chir terana shirnok dang Israel kin ta aja aser parnok kanga nüngtugu aküm.
Tongtibangsa Yakober chirtem rongnung Yosef otsü indang, Yakob aser par jabasotem, aser parnok kibongtem ajak Ijip limai aruba indang, tatalokbatem idaki angutsü. Iba kaket nung meimchir indang otsü ashibaji Tsüngremi tamasa aser mezüngbuba inyakba mapa lir. Tsüngremi anüng-ali yangluba otsü nungi tenzüker, ano Tsüngremi meimchir asoshi anebalutsü tenangzükba agi tembanga angutsü. Kaket ajonga nung Tsüngremer mapaji kanga tongtibangsa angur; oda aibelena inyakertem anema shibai obendangba aser temerenshi agütsür, pei nüburtem anir aser parnok otsü yanglutsütsü yarir. Iba tejen kaket ya nüburtem tamang aser ibaji teti akanga yutettsü yariba indang otsü ka lir.
Keta Alibatem
Anüng-ali aser Meimchir Yangluba 1.1―2.25
Temenen aser Timtem Tenzükba 3.1-24
Adam Nungi Noa Tashi 4.1―5.32
Noa aser Tzümetsüng 6.1―10.32
Babel Lungki 11.1-9
Shem Nungi Abraham Tashi 11.10-32
Tebuditem: Abraham, Isak aser Yakob 12.1―35.29
Esau dak Jakzükbatem 36.1-43
Yosef aser Pa Adianutem 37.1―45.28
Israel Nunger Ijip Lima Nung 46.1―50.26
Àwon tá yàn lọ́wọ́lọ́wọ́ báyìí:
LIPOK OKILA: ANSEBSI
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Bible Society of India
© 2023, Used by permission. All rights reserved. More