Va'Atəŋ 5
5
Ɗiy gugriɗ təŋ səza Adam hã aza Nuwe
(5:1-32)
1 #
VAA 1:27,28 Ɗerewel na iya na zev Adam yaŋka:
Gala Maŋgəlva azəməɗ ɗəfa, səɗek va Maŋgəlva azəməɗa, 2#MAT 19:4; MAR 10:6azəmiɗ ɗəf mizilin dət gulku, aɗɗa əzaɓ nan aketi, aye na ɗiyi, səza azəmiɗ ləŋgə.
3Adam anziyək egge əzva səkat də kaklaw hoku; Adam awək wiyin dəgil va ndən pəteki, alvan na Set. 4Dərɓaga Adam awa Set na, azəvək əzva səkat dodopoɗo, awək kirin mezeŋgleket dit muguluŋgiti. 5Wəzva na Adam anzi egge pak, səkat vaytak də kaklaw hoku, ndən zamə.
6Set anziyək egge əzva səkat də sle', awa Enos. 7Dərɓaga awa Enos na, Set anziyək egge əzva səkat dodopoɗo də buhul, awək kirin mezeŋgleket dit muguluŋgiti. 8Əzva na Set pak na, səkat vaytak də kəlaw kiyən sula, ndən zamə.
9Enos anziyək egge əzva kaklaw vaytak, awa Kenan. 10Dərɓaga uwa na Kenan na, Enos anziyək egge əzva səkat dodopoɗo də kəlaw kiyən sle'i, awək kirin mezeŋgleket dit muguluŋgiti. 11Wəzva na Enos pak na, səkat vaytak də sle', ndən zamə.
12Kenan, anziyək egge əzva kaklaw buhul, yaŋ awa Mahalalel. 13Sə dərɓaga awa Mahalalel na, Kenan anziyək egge wəzva səkat dodopoɗo də kaklaw poɗo, awək kirin mezeŋgleket dit muguluŋgiti. 14Wəzva na Kenan pak na, səkat vaytak də kəlawiy, ndən zamə.
15Mahalalel anziyək egge wəzva kaklaw sləre kiyən sle'i, ndən bok uwa Yered. 16Sə dərɓaga awa Yered na, Mahalalel anziyək egge wəzva səkat dodopoɗo də kaklaw hoku, awək kirin mezeŋgleket dit muguluŋgiti. 17Wəzva na Mahalalel pak na, agəɗək səkat dodopoɗo də kaklaw vaytak kiyən sle', ndən zamə.
18Yered anziyək egge əzva səkat də kaklaw sləre kiyən sula, yaŋ awa Henok. 19Sə dərɓaga awa Henok, Yered anziyək egge əzva səkat dodopoɗo, awək kirin mezeŋgleket dit muguluŋgiti. 20Wəzva na Yered pak agəɗək səkat vaytak də kaklaw sləre kiyən sula, amtə.
21Henok anziyək egge əzva kaklaw sləre kiyən sle', awa Metuselah. 22Sə dərɓaga awa Metuselah na, Henok adawək də Maŋgəlva, əzva səkat hoku, awək kirin mezeŋgleket dit muguluŋgiti. 23Wəzva na Henok pak agəɗək səkat hoku də kaklaw sləre kiyən sle'i. 24#IBR 11:5; YUD 1:14Adan Henok adaw də Maŋgəlva, ahhika, vi Maŋgəlva yi dəslani.
25Metuselah anziyək egge əzva səkat də kaklaw dodopoɗo kiyən buhulu, yaŋ awa Lamek. 26Dərɓaga awa Lamek na, Metuselah anziyək egge əzva səkat buhul də kaklaw dodopoɗo kiyən sula, awək kirin mezeŋgleket dit muguluŋgiti. 27Wəzva na Metuselah pak agəɗək səkat vaytak də kaklaw sləre kiyən vaytakə, amtə.
28Lamek anziyək egge əzva səkat də kaklaw dodopoɗo kiyən sula, ndən bok uwa wiyin mizilni. 29Alvan na, Nuwe, anah na: «wiynəŋ waffeten makram səza wəza tatwãh də wəzəmsahã naka dəlvafuŋ, məs Yawe araygənəŋka.» 30Dərɓaga awa Nuwe na, Lamek anziyək egge əzva səkat sle' də kaklaw vaytak kiyən sle'i, awək kirin mezeŋgleket dit muguluŋgiti. 31Wəzva na Lamek pak agəɗək səkat buhul də kaklaw buhulu kiyən buhul, amtə.
32Nuwe anziyək egge əzva səkat sle', gala awe may Sem, Kam, də Yafet.
Àwon tá yàn lọ́wọ́lọ́wọ́ báyìí:
Va'Atəŋ 5: GBD
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
All right reserved