लूका 5
5
पहेरियन चेलन खे सड॒ करण
(मत्ती 4:18-22; मर 1:16-20)
1हिक डीं॒ह जड॒ऐं येशु गन्नेसरेत जी झील#5:1 इन खे गलील जी झील बी चयो वेंदो आहे। जे किनारे ते बीठो हुयो, त उते वडी॒ भीड़अ परमेश्वरअ जो वचन बु॒धण जे लाए हुन जे मथां किरी रई हुई। 2उन वक़्त येशुअ झील जे किनारे ते बि॒न बे॒ड़ियुन खे बीठल डि॒ठईं ऐं मछुवारा उन मां लई करे पांजे ज्॒यारन खे धोई रया हुवा। 3येशु उन बे॒ड़ियुन मां हिकअ ते चढ़यो, उहा बे॒ड़ी शमौन पतरसअ जी हुई। येशुअ उन खे विनती करे चयईंस, बे॒ड़ीअ खे किनारे खां थोड़ो परते खणी हल। उन खां पो उहो बे॒ड़ीअ में वई करे मांणुन खे सिख्या डि॒यण लगो॒।#मत्ती 13:1,2; मर 3:9,10; 4:1 4जड॒ऐं येशु मांणुन सां गा॒लाए चुको, तड॒ऐं हुन शमौन पतरसअ खे चयईं, “बे॒ड़ीअ खे अग॒यां गेहरे पाणीअ में वठी हल ऐं मछल्यूं पकड़ण जे लाए पांजे ज्॒यारन खे विझो।” 5शमौनअ हुन खे चयईं, “हे प्रभु, असां सजी॒ रात महेनतअ कई आहे परअ असां जे हथ कुछ बी न लगो॒ आहे;#यूह 21:3 तैं हुंदे बी तुंजे चवण ते मां ज्॒यारन खे विझंदुम।” 6जड॒ऐं उनन ज्॒यारअ विधा, त एतरियूं मछल्यूं फाथ्यूं के उनन जा ज्॒यारअ फाटण लगा॒।#यूह 21:6 7इन ते उनन पांजे साथिन खे जेके बे॒ बे॒ड़ीअ ते हुवा इशारो कयऊं, के अची करे असां जी मदद कयो ऐं उनन अची करे बि॒नी बे॒ड़ियुन खे एतरे हदअ ताईं मछल्युन सां भरे छड॒यऊं के उहे बु॒ड॒ण लग॒यूं। 8जड॒ऐं शमौन पतरसअ इयो सब थींदे डि॒ठो, त उहो येशुअ जे पेरन ते किरी करे संदस खे इंय चवण लगो॒, “हे प्रभु, मूं वटां हल्यो वञ छोके मां पापी मांणू आयां।” 9हेडि॒यूं मछल्युन जे फासण जी वजह सां शमौन ऐं उन जे साथिन खे डा॒ढो ताजुब थ्यो। 10उअं हीं जब्दीअ जे बि॒नी पुटन याकूब ऐं यूहन्ना खे बी ताजुब थ्यो, जेके शमौनअ जा भाईवाड़अ हुवा। तड॒ऐं येशुअ शमौनअ खे चयईं, “ड॒क न; जीअं तूं मछल्यूं तो पकड़ीं उअं हीं हाणे खां तूं मांणुन खे इकट्ठो कंदे मुंजो चेलो ठवण जे लाए।” 11इन खां पो उहे बे॒ड़ियुन खे किनारे ते खणी आया ऐं सब कुछ छडे॒ करे संदस जे पोयां हलण लगा॒।
हिकअ कोढ़ीअ खे ठीक करण
(मत्ती 8:1-4; मर 1:40-45)
12हिकअ दफ़े जड॒ऐं येशु गलील क्षेत्र जे कें नगरअ में हुयो, त उते हिक मांणू हुन वट आयो, जेंजो शरीर कोढ़अ सां भरयल हो। जड॒ऐं हुन येशुअ खे डि॒ठो, त पांजे मुंहं भर किरी पयो ऐं हुन खे मिंथूं करे चवण लगो॒, “ के हे प्रभु, अगर तूं चाहीं त मुखे इन बीमारीअ मां शुद्ध करे सग॒ंदो आईं।” 13इन ते येशुअ पांजा हथअ उन डा॒ं वधायईं ऐं उन खे छूही करे इंय चयईंस, “मां चायां तो, के तूं शुद्ध थी वञ।” तड॒ऐं उहो पांजी कोढ़अ जी बीमारीअ मां ओढी॒ मलई शुद्ध थी वयो। 14येशुअ उन खे चिताए करे चयईं, “इन जे बारे में केंखे कुछ बी न बु॒धाएजें परअ वञ पहेरयों पांजे पाण खे याजकअ खे वञी डे॒खार, के उहो तुंजी जांचअ कन ऐं पाण सां गड॒ कोढ़अ मां शुद्ध थ्यण जो चढ़ावो जेको मूसा नक्‍की कयो आहे,#लैव्य 14:1-32 खणी वञी चढ़ाए ताकि मांणुन खे खबरअ पए के तूं शुद्ध थी वयो आईं।” 15परअ त बी येशुअ जे बारे में इहे गा॒ल्यूं अञा फैलजंदियूं वयूं ऐं भीड़अ जी भीड़अ हुन खे बु॒धण जे लाए ऐं पांजी बीमारियुन मां ठीक थ्यण जे लाए संदस वट अचण लगी॒। 16परअ उहो अक्सर सुनसान जगे॒हुन में अलग वञी करे प्रार्थना कंदो हो।
हिकअ लकवे जे रोगी॒अ खे ठीक करण
(मत्ती 9:1-8; मर 2:1-12)
17हिक डी॒ंह इंय थ्यो के येशु सिख्या ड॒ई रयो हो। फ़रीसी ऐं धर्म-शास्त्री उते वेठा हुवा। उहे गलील ऐं यहूदिया जे क्षेत्रन जे हर हिकअ नगरअ मां ऐं यरूशलेम शहेरअ मां आया हुवा। बीमारन खे ठीक करण जे लाए परमेश्वरअ जी सामर्थ येशुअ सां गड॒ हुई। 18उन हीं वक़्त कुछ मांणू हिकअ लकवे जे रोगी॒अ खे खटअ ते खणी आया ऐं उहे उन खे येशुअ जे अग॒यां रखण जे लाए घरअ जे अंदर खणी वञण जी कोशिश करण लगा॒। 19परअ जड॒ऐं भीड़अ जे करे उहे उन खे दरवाज़े खां अंदर वठी वञी न सग॒या, त उहे उन घर जी छित ते चढ़ी वया ऐं उन जा कुछ छपरा हटायऊं ऐं इन खां पो उन रोगी॒अ खे खटअ सूधो मांणुन जे विच में जिते येशु हुयो, उते हेठ लाथउंस। 20येशुअ उनन जो इयो विश्वास डि॒सी करे, उन रोगी॒अ खे चयईं, “हे दोस्तअ, तुंजा पापअ माफ़ थ्या।” 21इन ते धर्मशास्त्री ऐं फ़रीसी पांजे दिल में इंय सोचण लगा॒, “हे केर आहे जेको परमेश्वरअ जी निंदा तो करे? परमेश्वरअ खे छडे॒ बि॒यो केर पापन खे माफ़ करे सग॒ंदो आहे?” 22येशुअ उनन जे दिल जी गा॒ल्यूं जा॒णे वरतईं सो इन करे उनन खे चयईं, “तवां पांजे दिल में इयो छो सोचे रया आयो? 23सोहलो छा आहे? छा इयो चवण ‘के तुंजा पापअ माफ़ थी वया’, यां इयो चवण, ‘के उथी करे घुम फिर’? 24परअ मां तवां खे इयो इन जे करे चयो, ताकि तवां खे खबरअ पए के मांणूअ जे पुटअ खे धरतीअ ते पापअ माफ़ करण जो बी अधिकार आहे।” येशुअ लकवे जे रोगी॒अ खे चयईंस, “मां तोखे चवां तो त, उथ ऐं पांजी खटअ खणी करे घर हल्यो वञ।” 25सो उहो ओढी॒ मलई सबनिन मांणुन जे सामूं उथी खड़ो थ्यो ऐं जैं खटअ ते उहो लेटियल हुयो, उन हीं खटअ खे खणी करे ऐं परमेश्वरअ जी स्तुति कंदो पांजे घर हली वयो। 26इयो डि॒सी सबनिन मांणुन खे ताजुब थ्यो ऐं उहे परमेश्वरअ जी स्तुति करण लगा॒ ऐं डा॒ढो ड॒की करे इंय चवण लगा॒, “अज॒ असां अद्भुत गा॒ल्यूं थींदे डि॒ठियूं आइन।”
येशुअ जो लेवीअ खे सड॒ करण
(मत्ती 9:9-13; मर 2:13-17)
27उन खां पो येशु बा॒हिर निकतो ऐं हुन लेवी नाले जे हिकअ महसूल उगा॒ड़ींदड़अ खे महसूल उगा॒ड़ण वारी चौकीअ ते वेठल डि॒ठईं। येशुअ उन खे चयईंस, “मुंजे पोयां हल्यो अच।” 28तैंते लेवी उथ्यो ऐं सब कुछ छडे॒ करे हुन जे पोयां हलण लगो॒।
29उन खां पो लेवीअ येशुअ जे सम्मानअ में पांजे घर डा॒ढी वडी॒ दावतअ रखयईं; उन दावतअ में महसूल उगा॒ड़ींदड़ ऐं बि॒या बी घणाहीं मांणू येशु ऐं लेवीअ सां गड॒ रोटी खाएण वेठा। 30इन ते फ़रीसी ऐं धर्मशास्त्रिन जो झुण्ड कुड़कुड़ाए करे येशुअ जे चेलन खे चवण लगो॒, “तवां छो महसूल उगा॒ड़ींदड़अ ऐं पापिन सां गड॒ खाओ-पीओ प्या ता?”#लूका 15:1,2 31इयो बु॒धी येशुअ उनन खे जवाब डि॒नो, “डाक्टरअ जी ज़रूरतअ बीमारन खे हुंदी आहे, न के उनन खे जेके तंदुरुस्त आइन। 32मां उनन खे, जिन खे इयो एहसास आहे के असां खे पापन मां तौबां करण जी ज़रूरतअ आहे, सड॒ करण आयो आयां उनन खे न जेके पांजे पाण खे सही ता समझन।”
विर्तअ जे बारे में सवाल पुछण
(मत्ती 9:14-17; मर 2:18-22)
33हिकअ डी॒ंहं ते कुछ मांणुन येशुअ खे इंय चयो, “यूहन्ना जा चेला त अक्सर विर्त रखंदा आइन ऐं प्रार्थना कंदा आइन ऐं उअं हीं फ़रीसिन जा चेला बी कंदा आइन परअ तुंजा चेला त खाईंदा-पीअंदा ता रवन।” 34येशुअ उनन खे चयो, “छा तवां बारातिन खां जेसताईं घोट राजा उनन सां गड॒ आहे, उन वक़्त विर्त रखाए सग॒ंदा आयो? 35परअ उहे डी॒ंहं ईंदा जड॒ऐं घोट राजा बारातिन खां अलग कयो वेंदो, सो उनन डी॒ंहन में उहे बी विर्त रखंदा।”
36येशुअ उनन खे इया बी मिसाल डि॒नईं, “कोई बी मांणू नएं कपड़े मां चतो फाड़े करे उन खे जूने कपड़े में न हणंदो आहे, जेकड॒ऐं इंय कंदो त उहो नओं कपड़ो बी फाटी पवंदो ऐं नएं कपड़े जो चतो जूने कपड़े सां मेल बी न खाईंदो#5:36 इन मिसालअ में येशुअ नए कपड़े खे पांजी सिख्याउन खां भेटयो ऐं जूने कपड़े खे यहूदिन जूं ठातल परम्पराउन सां भेटयो। येशुअ बु॒धायईं के छा थींदो अगर नओं जूने सां मिलायो तो वञे। । 37उअं हीं कोई बी ताजे अंगूरअ जो रस जूनन मशकन#5:37 यहूदी, जानवरअ जी चमड़ीअ मां थैली ठाईंदा हुवा, जेमें उहे अंगूरअ जो रस साढींदा हुवा। उन खे मशका चया वेंदा आइन। में न भरींदो आहे, जेकड॒ऐं इंय कंदो त ताजे अंगूरअ जी रस मशकन खे फाड़े करे वई वेंदी ऐं इंय करण सां मशकन जो बी जान थी वेंदो। 38परअ ताजे अंगूरअ जी रस नवन मशकन में हीं भरी वञण खपे। 39जूनी रस पीअण खां पो कोई बी नई रस पंसद नथो करे, छोके त हू चहे तो, के जूनी ही रस वधीकअ सुठी आहे।”
Àwon tá yàn lọ́wọ́lọ́wọ́ báyìí:
लूका 5: SND
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀