Genesis Wan wortu na fesi
Wan wortu na fesi
A nen Genesis wani taki: Bigin. A buku disi e ferteri wi fa grontapu nanga ala sani na heimel meki, fa libisma du de, nanga fa sondu, pen nanga pina kon na grontapu.
Un kan prati a buku disi ini tu pisi:
A fosi pisi e ferteri wi fa grontapu nanga ala sani meki, nanga a historia fu den fosi libisma. Ini a pisi disi wi e leisi tu fu Adam nanga Eva, fu Kain nanga Abel, fu Noa nanga a bigi frudu, nanga fa libisma du panya abra heri grontapu.
A di fu tu pisi e taki fu a historia fu den afo fu den Israelitisma. A fosi afo ben de Abraham, wan man di ben bribi Gado èn di ben du san Gado ben taigi en. Baka dati wi e leisi fu Isaak nanga Yakob, di kisi a nen fu Israel, nanga fu den twarfu manpikin fu en di tron den afo fu den twarfu lo fu Israel.
A buku e ferteri wi fu den sma, ma na a fosi presi a e sori wi san Gado du. A e bigin fu sori taki na Gado meki grontapu nanga ala sani na heimel èn a e kba nanga a pramisi fu tan sori En pipel sari-ati.
San de ini a buku disi:
A fasi fa heimel nanga grontapu meki (1:1—2:25)
A bigin fu sondu, pen nanga pina (3:1-24)
Fu Adam go miti Noa (4:1—5:32)
Noa nanga a bigi frudu (6:1—10:32)
A toren fu Babel (11:1-9)
Fu Sem go miti Abram (11:10-32)
Den afo fu den Israelitisma: Abraham, Isak nanga Yakob (12:1—35:29)
Den pikin nanga bakapikin fu Esau (36:1-43)
Yosef nanga den brada fu en (37:1—45:28)
Den Israelitisma ini a kondre Egipte (46:1—50:26)
Àwon tá yàn lọ́wọ́lọ́wọ́ báyìí:
Genesis Wan wortu na fesi: SB16
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Tekst © Surinaams Bijbelgenootschap 2016