Yowaane Enyanjula
Enyanjula
Amaŋuliro Amalaŋi aga Yesu Kurisito ngʼolu Yowaane gagaŋandiiha galoma hu bulamu wa Yesu Kurisito. Yowaane, mulala hu bahwenda ehumi nʼababiri njʼowagaŋandiiha hamunga mu mwaha ogwʼecenda oluvanyuma lwʼohusaaliwa hwa Kurisito. Wayire ehitabo hino ehyene sihiroma hiiti Yowaane njʼowaŋandiiha aye amaŋandiihire gafaananira erala ni naago agomu ebbaluŋa jije edatu. Balala hu bahugu mu byʼEbbayibbuli baloma baati mu hiseera ehyo Yowaane gaali amenya mu hibuga hyʼEfeeso. Olwʼehyo, hiboneha hiiti eyo peyi gaŋandiihira ehitabo hino.
Ehigendererwa hya Yowaane ohuŋandiiha ehitabo hino gendire abaatu bamanye era bafugiirire baati Yesu Mwana wa Hatonda era ti njʼOmunoŋosi oyu Hatonda gasuubisa era ti basuna obulamu obutaŋwaŋo olwʼohumufugiirira (20:31). Yowaane gaŋandiihira Abayudaaya nʼAbatali Bayudaaya. Era ehitabo hino hyanjabulo hu Matayo ni Mariko ni Luka olwohuba sihiroma hu biitu hyʼOhusaaliwa nʼOhubatiziwa nʼOhuhemebwa hwa Yesu. Ohutusaho Yowaane ata esira hu byamaliholiho ebi Yesu gaahola. Sigaŋandiiha bingi ebiŋamba hu engero eji Yesu gatambisanga mu husomesa abaatu.
Ebiri mu hitabo hino mu buupi
1. Yowaane atandiha Amaŋuliro Amalaŋi (1:1-18)
2. Ebyamaliholiho ebi Yesu gaahola (1:19–12:50)
3. Obulamu wa Yesu nʼehyamuleetera ohufa era galamuha (13:1–20:31)
4. Yesu abonehera abaloobera babe oluvanyuma lwʼohulamuha (21:1-25)
Àwon tá yàn lọ́wọ́lọ́wọ́ báyìí:
Yowaane Enyanjula: NUJ
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© Wycliffe Bible Translators, Inc.