Luqasa 22
22
Yihuda Yesuusa aatsii inggodes zorinttida
(Maato. 26:1-5; 14; 16; Mar. 14:1-2, 10-11; Waha. 11:45-53)
1Ye wode Faasika gaaze boora Ba7ale ukkida.#Keze 12:1 2Kahinunts hyalaquntsin higge asttamaaruntsi asuntsis zhashtide gisho wayzi Yesuusa fa giddappa dhabssodyezako oge koyane. 3Xalahe taphpho lam77untsappa feta maaqqide Asqorootu Yihuda ga7inttize gidda gelida. 4Yihuda kahinunts hyalaquntsisin Xoozze Keetstsa naagizuntsi hyalaquntsago hyanggi Yesuusa wayzi aatsii immadyezako unttara zorinttida. 5Unttin yinne ufaytti bira immades eera zorinttida. 6Ezin zorinttidanne giigida. Aatsii unttis immades asi baayze wottize wode naagitera yene.
Wurssutsi kawo
(Maato. 26:17-25; Mar. 14:12-21; Waha. 13:21-30)
7Yinnippa suuba, Faasika duro shukinttize boora Ba7ale yellida. 8Yesuusa, «Faasika kawo ma7ade gaar hyanggi nuus giigizote» yaga7i Phexiroosan Wahannisan kiittida. 9Un, «Nu aba giigisade gaar ne koye» yaga7i oocida. 10E unttago, «Yikke yin katama gelodera hyaatsi otara tookkide atstse yinttara yelinttoda. E hyanggi gelize keetstsite eza kaallii gelote. 11Kartti adego asttamaarize, ‹Ta ta tamaaruntsara wolla Faasika kawo ma7ades zaqqo keetsita aba yene? yagayda› ga7ote. 12E fooqella afa yiixxintti giigii yeze dalgga kifile yinttana beessada, yeyga giigizote» yagayda. 13Un hyanggi Yesuusa ga7idanni gaara hyanin denggida. Faasika ba7ale kawo yeyga giigizida.
14Saatan yellide wode Yesuusa hawaaruntsara wolla kawolla bettida. 15E unttago, «Ta madha ekkodannippa tiinii hyanna faasika kawuto yinttara ma7ades gaama amudhdhida. 16Yikke, si7ote! Xoozze ka7itumtte hyannis bilitsita folinttode wontsis hyanna kawuto mahi mo7oos» yagayda. 17Ushito ekkii galatii maaqqii, «Hya7ate hyanno yin gidda gishinttote. 18Si7ote! Xoozze ka7itumo ye7ode wontsis hyaynoppa aykkii hyanna woyne ushitippa mahi uzhoos» yagayda.
19Booriza ekkii, galatii maaqqii, «Hyanna yinttis ingginttidanna ta ashtto. Hyanno oochitera tana tiirote» yaga7i baxxi unttis inggida.
20Yinnii fana, kawutippa suuba ushshito ekkii, «Hyanna ushshita yinttis goggide ta suutsite folinttize kille caaqo.#Er. 31:31 21Maaqqikon, tana aatsii inggode atstse kushita taara fettilla gabate.#Maz. 41:9 22As Na7ay ees Xoozii gayde fana hyayqqodes yene, yezin eza aatsii inggize atstsa bade» yagayda. 23Un fa gidda, «Hyanno oonii oochchode» ga7i wol oocida.
Oode nuuppa damma?
24Mahi un gidda damma maaqqade oode gaaze lalle medhinttida.#Maato. 18:1; Mar. 9:34; Luqa. 9:46 25Yesuusa unttago, «Alame kaatuntsi fa asuntsana wolqqara ahane; fa derttilla afa laatsidhizuntsanan fana, ‹Lo77o oochchizuntsana› yaga7i xeegane.#Maato. 20:25-27; Mar. 10:42-44 26Yezin yin gidda yinnii fana maaqqippe. Yin gidda angisize geezze fana yi7o;#Maato. 23:11; Mar. 9:35kaalitsize kaallizefana yi7o. 27Yeezin, mokkizeppan Mokinttizeppa aaye aadhe? Mokinttiza baane? Yezin taanii yin gidda mokkize fana.#Qon. 13:12
28«Yinttin ta madhite taappa shaakkinttikaayzar taara miinggi eqqiduntsana. 29-30Yin ta leematippa ma7ade fana, ushshade fanan araatalla afa bettii taphpho lam77i Isra7eele sheeshuntsalla afa firddode gaar ta aday tana shuumide fana taanin yinttana ta ka7itumtte shuumoda» yagayda.#Maato. 19:28
31Kaallii Yesuusa, «Simoona, Simoona, Xalahe yinttana zarga fana hyarqqodes woossida. 32Yezin ta ne ammantta dhabaame fana nees cimidhdhane. Neenin maaqqide wode ne ishuntsana miintso» yagayda.
33Simoona, «Laatstso, ta neera acinttodesin hyayqqodes giiginttida» yagayda.
34Yesuusa Phexiroosago, «Ta nees ohine; hyayno lukule uukkodannippa tiino ne tana hyaydzdzii tohe kaddoda» yagayda. 35Kaallii, Yesuusa unttago, «Taanii yinttana korojjo, karxitten caamma baayzin kiitteze wode yinttis faccidebaz yene?» yaga7i oocida.#Maato. 10:9-10; Mar. 6:8-9; Luqa. 9:3
Un mahi, «Akkon faccikaaya» yagayda.
36E unttago, «Hyatte korojjon karxite yeze aykko; mashsha baayze fa afultto bayzi mashsha wonggo. 37Hyanno si7ote! ‹Genuntsara faydinttida› ga7intti xaafinttidanna ta gidda folinttodes beezane. Yee, ta gisho xaafinttidanna folinttizanna turidhida» yagayda.#Isa. 53:12
38E tamaaruntsi, «Laatstso hyanne lam77i mashsha yene» yagayda.
E, «Maaqqada» yagayda.
Yesuusa Shamahe Derizella woossida
(Maato. 26:36-46; Mar. 14:32-42)
39Yesuusa tiinoppa kezizanni gaara denddii Shamahe Derizella kezida. E tamaaruntsi eza kaallida. 40Yinna besite yellide wode «Madha gelaame fana woossote» yagayda. 41Unttappa shuchchi dhogin yellode bessi gaar hyaakki bunqqunttii woossida. 42«Ta adayo, ne qofa maaqqiko hyanna madha xuu7uto taappa aatstso. Yezin ta qofa maaqqippe ne qofa hyano» yaga7i woossida. 43Kiitanchcho saloppa benttii mintsitsida. 44Gaama un7intti mintsii woossane. E cawutan suutsi xokkize gaar sa7ite xokkane.
45Yesuusa woosa polii fa tamaaruntsago yi7ida. Un, azzanoppa denddii labbii genttezin denggi, 46«Akkos gentte? Faatana gelaame fana denddii woossote» yagayda.
Yesuusa aykkinttida
(Maato. 26:47-56; Mar. 14:43-50; Waha. 18:3-11)
47E hyaga ohella afa yezin gaama asuntsi yi7ida. Taphpho lam77untsappa fete Yihuda ga7inttize unttana kaalitsane. E Yesuusa yeerodes kale shiiqida. 48Yezin Yesuusa, «Yihuda, As Na7aya yeerii aatsii inggoda?» yagayda.
49Yesuusa tamaaruntsi yinna hyanzanno bi7i, «Laatstso mashshara gachcho?» yagayda. 50Un giddappa fete kahinunts hyalaqiza guuddii mizaqi hyayza gachchii olida.
51Yezin Yesuusa, «Ashsho! Kayppete»#22:51 Ashsho! Kayppete: Yesuusa hyanna besite ashsho gaydanna eza ashshodes ga7i asuntsi atstse hyayza gachchidanno ashsho gachchippe ga7idannon, melluntsi eza aykkodes yi7iduntsana kayppete hyanna un wode yagaydanno lam77i qofuntsana wol yeltsi aykkida. yagayda. Atstse hyayza bochchii fatstsida.
52Yinnippa suuba, Yesuusa fana aykkodes yi7ide kahinunts hyalaquntsago, Xoozze Keetstsa naagizunts shuumuntsagon cimuntsago, «Faanno aykkize asi fana mashshan gufe aykkii yi7idate? 53Ubba wode Xoozze Keetstsite ta yinttara yeze wode taalla afa kushe gaddikaaya. Yezin hyanna dhuma ka7itumo ahide woden yin woden» yagayda.#Luqa. 19:47; 21:37
Phexiroosa Yesuusa kaddida
(Maato. 26:57-58, 67-75; Mar. 14:53-54, 66-72; Waha. 18:12-18, 25-27)
54Yinnippa suuba, Yesuusa aykkii kahinunts hyalaqize woofa kanggida. Phexiroosa hyaakora Yesuusa kaallane. 55Asuntsi kahinunts hyalaqize woofa tama eetsii wolla bettezin Phexiroosa unttara wolla bettida. 56Fettii arita Phexiroosa tama kale bettidanno dakkii bi7i, «Hyay atstse eera yene» yagayda.
57Yezin Phexiroosa, «Hyanna maachite ta ye atstsa erosi» yaga7i kaddida.
58Eerats wodeppa suuba fettii melle asi eza bi7i, «Neenin unttappa feta» yagayda.
Yezin Phexiroosa, «Hyay atstsayo tana baaya» yagayda.
59Fettii saate gaar gam77idannippa suuba fettii melle atstse loytsii, «Hyay atstsay Galilappa maaqqade gisho so7e baayzin eera yene» yagayda.
60Yezin Phexiroosa, «Hyay atstsayo, ne gaazaya ta eroos» yagayda. E yinna ohito hyaasikaayizin lukule oollida.
61Laatstsii suuba maaqqii Phexiroosa bi7ida. Phexiroosa, «Hyayno lukule oollodannippa tiino ne tana hyaydzdzii tohe kaddoda» yaga7i, Laatstsii ohide qaaltto tiirida. 62Phexiroosa bale kezii gaama goqii yeekkida.
Yesuusa Philaaxoosa tiinon Heroodisa tiino shiiqida
(Maato. 26:59-66; Mar. 14:55-64; Waha. 18:19-24)
63Yesuusa naagize asuntsi eza leqqen hyadhdhe aykkida. 64E aafito goozii «Ane tinbbite oho; nena hyadhdhide oode?» yaga7i oocane. 65Melle gaama leqqii cazhane.
66Sa7a wonttize wode Ayhude sa7a cimuntsi, kahinunts hyalaquntsin higge asttamaaruntsagon shangguntsago shiiqii, Yesuusa fa tiino shiishida. 67Un, «Ne Kiristtoosa? Ane nuus oho?» yaga7i oocida.
Yesuusa, «Ta ohizako ammanoos. 68Ta oocizako mahoos. 69Yezin As Na7ay hyannippa gode bagga wolqqaama Xoozze mizaqi zalar bettoda» yagayda.
70Ye wode ubbanna, «Yeezin, ne Xooz na7a?» yagayda.
E, «Ta Xoozze na7a yin gaydanni fana» yagayda.
71Un, «Yikke, melle markka akko koshshe? E fa il7antsite ohodera nu si7ida» yagayda.
Àwon tá yàn lọ́wọ́lọ́wọ́ báyìí:
Luqasa 22: OydaNTL
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The word for the World Ethiopia