Luke 2
2
Christ Amana Ono Mary
(Matthew 1.18-25)
1Kini oro John akamanade, akwa edidem Augustus enim ewuhɔ ete, ewed enyiŋ kpukpri owo emi aduŋde ke mme obi esinede ke idak ukara Rome, esin ke ŋwed ukara. 2Emi ekedi akpa ediwed enyiŋ owo nsin ke ŋwed, kini Quirinius edide edidem emi akarade ŋkan-ŋkuk Syria. 3Ke ntak ewuhɔ oro edidem ekenimde, kpukpri owo aka ke obi emana mmo ndisin enyiŋ ke ŋwed ukara, 4Joseph ŋko otu ke obi Nazareth, ke ŋkan-ŋkuk Galilee, adok aka ke Judea, ke Bethlehem emi ekedide obi emana Edidem David. Joseph akaka do koro enye otude ubun edidem David 5Mary emi ekemekde eno enye ke ndo, emi idibi nsie akakade ke uman, onyuŋ asaŋa ye enye.
6Nte mmo osuk odude do, ini edikem Mary ndiman eyin nsie. 7Ndin enye aman eyin eden-owo, emi edide akpa eyin nsie. Enye ada ɔfɔŋ awaŋ eyin oro ke idem, onyuŋ enim Enye ke ekebe usin-udia ufene, Siak itie mikɔduhɔ ino mmo ke ufɔk isen ndidu.
Angel Abasi Ɔbiɔŋɔde Ono Mme Ekpeme-Erɔŋ
8Ke okuneyi oro mme ekpeme-erɔŋ ama odu ke iŋwɔŋ emi ekperede obi Bethlehem, ekpeme erɔŋ mmo. 9Ndondo oro, angel Abasi ɔbiɔŋɔde ono mmo. Uŋwana Ubɔŋ Abasi ayama akanade mmo. Ndin ndik ama anam mmo eti-eti. 10Edi Angel Abasi ɔdɔhɔ mmo ete, Itim ikpaŋ utɔŋ nɔ nŋi, “Ikifehe ndik! Mada eti mbuk nsɔk mmufo emi idade akwa idadesid isɔk kpukpri owo, 11Koro Andinyaha emi edide Christ Ɔbɔŋ, amana ono mmufo mfin ke obi emana edidem David. 12Emi iyonyuŋ idi idiɔŋɔ emi mmufo idade idiɔŋɔ Enye: mmufo iyekwid nsek eyin emi eŋwaŋde ke ɔfɔŋ nte anade ke ekebe usin udia ufene. 13Ndin idaha oro, ediwak udim mme angel otu ke heaven edidu ye akpa angel oro; mmo onyuŋ ɔtɔŋɔ nditure Abasi, ete,
14“Ubɔŋ enyene Abasi ke ate enyɔŋ,
emem onyuŋ odu ke isɔŋ ono mbun oro Abasi enemde esid ye mmo.”
15Kini mme angel oro afiakde ɔnyɔŋ ke heaven, mme ekpeme-erɔŋ ɔdɔhɔ kied eken ete “Yak nnyin ika ke obi Bethlehem ikesie Andinyaha, emi Jehovah atiŋde ono nnyin abaŋa otu ke inua angel.”
16Mmo onyuŋ adaha ke usɔp aka ke obi Bethlehem onyuŋ oyum tutu mmo ekwid Mary ye Joseph ye nsek eyin oro emi anade ke ekebe usin udia ufene. 17Kini mme ekpeme-erɔŋ ekwidde Eyin oro, mmo atiŋ ono kpukpri owo se angel Abasi akatiŋde ono mmo abaŋa Enye. 18Idem onyuŋ akpa kpukpri mbun emi okupde se mme ekpeme-erɔŋ oro atiŋde ono mmo. 19Edi Mary eti kpukpri mkpo emi eketibede onyuŋ ɔsɔŋɔ ekere se mmo ɔwɔrɔde. 20Ekem mme ekpeme-erɔŋ afiak edem ɔnyɔŋɔ aka ke iŋwɔŋ mmo. Mmo okpono onyuŋ oture Abasi koro kpukpri se mmo okokupde onyuŋ ekwidde, etibede ukem-ukem nte mme angel oro akatiŋde ono mmo.
Enim Jesus Mbubi
21Kini Eyin oro esimde ɔyɔhɔ usen itiak-ita, mmo enim Enye mbubi, kpak nte ibed Moses etemede, ete ye eka Nsie onyuŋ esi Enye enyiŋ “Jesus.” Enyiŋ oro angel Abasi akatiŋde ono Mary ete esi Enye mbemisi oyume idibi Nsie.
Eda Jesus Edi Ke Temple
22Ekem ke usen ndinam Mary asana akurade, kpak nte ibed Moses etemede. Joseph ye Mary ada Jesus edi ke temple ke Jerusalem, ndiyak Enye nno Jehovah. 23Mmo akanam emi koro ewedde ke ibed Jehovah ete, “Enyene ndiyak kpukpri akpa eyin eden-owo emi amanade, nno Jehovah. 24Mmo okonyuŋ aka do ŋko ndida obume ŋkuku iba, me ndito ibiom iba” nnam uwa mbak Mary asana, kpak nte ibed Jehovah etemede.
Simeon Ekwid Edinyaha Abasi
25Kini oro, owo kied ama odu ke obi Jerusalem, emi ekerede Simeon. Enye ekedi edinen ye owo emi eteŋede Abasi. Simeon eketie ebed Enye emi Abasi inode edidɔŋ mbun obi Israel esid, Edisana Spirit ama onyuŋ odu ye enye. 26Edisana Spirit ama onyuŋ ayarade ono enye ete ke enye idikpaha tutu enye ekwid Christ emi Jehovah Abasi ɔkɔŋwɔŋɔde ete Emo iyono Enye edi. 27Kini Joseph ye Mary adade nsek eyin oro Jesus, aduk ke ekwere temple mbak ayak Enye ono Abasi kpak nte ibed emi Abasi okonode Moses etemede. Kpak kini oro Edisana Spirit ada Simeon aduk ke ekwere temple. 28Ndin Simeon emen Jesus akama ke ubɔk, onyuŋ oture Abasi ete,
29“Ɔbɔŋ, Ami ndi owo mfo, yak nŋi mkpa ndin ke ifure koro Ofo amanam
se ɔkɔwɔŋɔde ɔnɔ nŋi.
30Koro anyin nni ekwid Enye emi Ofo ɔdɔŋde edinyaha kpukpri owo.
31Kpukpri owo eyekwid Enye emi Ofo ɔdɔŋde edi.
32Enye edi uŋwana eke ayaradede Fi ono mbun emi midighe mme Jew,
onyuŋ ada ukpono ɔsɔk ikɔt Mfo, Israel.”
33Kini Mary ye Joseph okupde kpukpri se Simeon atiŋde abaŋa Eyin oro Jesus, idem akpa mmo eti-eti. 34Ke oro ama ekebe, Simeon ɔdiɔŋ Mary ye Joseph, ndin enye onyuŋ ɔdɔhɔ Mary ete, Abasi “Ama emek Eyin emi enim. Iyotu ke ntak Nsie, ediwak ndito Israel oyosube ke idiɔk-mkpo mmo, ediwak eken iyonyuŋ ibɔhɔ.” Enye iyedi idiɔŋɔ ndino mme owo ikpan, edi ediwak owo iyesin Enye. Ke ntak emi, ekikere esid ediwak owo iyayarade. 35Mmodo, Ofo oyodu ke ɔkpɔsɔŋ mfuhɔ, emi inyuŋ itiede nte efid ekim ebe aduk fi ke esid.
Prophet Aŋwan Anna Edi Ntiense Ono Andinyaha
36Kpak ke usen oro, Prophet aŋwan kied emi ekekerede Anna ama onyuŋ odu do ke ekwere temple. Enye ekedi eyin Phanuel, emi otude ke essien Asher. Enye ama ɔsɔŋ eti-eti. Okonyuŋ odu ye ebe nsie ke isua itiakaba tɔŋɔ nte enye akado ndo, ndin ebe nsie edikpa. 37Kini oro, enye ekedi owo isua anaŋ-ye-inaŋ. Enye ke ediwak ini, okodu ke temple, okpono Abasi ke uwemeyi ye ke okuneyi, ke edibɔŋ akam ye utre udia. 38Ke nte ete ye eka Jesus osuk odude do ke temple, Anna aduk edi edisube ye mmo, onyuŋ ɔtɔŋɔ ndikɔm Abasi. Enye atiŋ abaŋa Eyin oro ono kpukpri owo emi eketiede ebed Christ emi Abasi inode edinyaha kpukpri ndito Israel.
Mary Ye Joseph Afiak Ɔnyɔŋ Aka Obi Nazareth
39Kini Joseph ye Mary akurade kpukpri mkpo nte ibed Jehovah Abasi etemede abaŋa emana mme akpan, mmo afiak edem ɔnyɔŋɔ aka ke obi Nazareth, ke ŋkan-ŋkuk Galilee emi mmo akaduŋde. 40Ndin Jesus ɔkɔri onyuŋ ɔsɔŋ idem ke Spirit, ɔyɔhɔ ye ɔniɔŋ, onyuŋ enem owo ye Abasi esid.
Idem Akpa Mme Ekpep Ibed Abaŋa Jesus
41Kpukpri isua, ete ye eka Jesus esika ke obi Jerusalem ndikadia usɔrɔ mme Jew emi ekudde, passover. 42Ndin kini Jesus esimde isua dueba, ete ye eka Nsie ada enye aka usɔrɔ oro ke Jerusalem nte mmo esinyuŋ anamde kpukpri ini. 43Ndin kini urua usɔrɔ oro ebede, ete ye eka Nsie afiak ɔnyɔŋ ufɔk. Jesus-eyin mmo ɔsuhɔ ke obi Jerusalem, edi ete ye eka Nsie idiɔŋɔke. 44Mmo ekekere ke Enye do ke otu mbun oro akasaŋade ye mmumo. Ke mmo ama akasaŋa isaŋ ke ofri usen kied. Ndin mmo ɔtɔŋɔ ndiyum Enye ke otu iman ye mme ufan mmo.
45Kini mmo mikue Enye, mmo afiak edem edi ke Jerusalem ndiyum Enye. 46Ke ɔyɔhɔ usen ita, mmo ekwid Enye ke temple, nte etiede ke ufuɔd mme ekpep ibed Moses. Enye okonyuŋ akpaŋ utɔŋ okup se mmo ekpepde onyuŋ ebup mmo mbume. 47Edi idem akpa kpukpri owo emi okupde iko Nsie, abaŋa ɔniɔŋ ye nte Enye asaŋade aboro mme mbume emi mme andikpep oro okonyuŋ ebupde Enye.
48Kini ete ye eka Nsie ekwidde Enye, idem akpa mmo eti-eti. Eka Nsie ɔdɔhɔ Enye ete, “Eyin Nni, nsinam Ofo anamde ntem ye nnyin? Ami ye ete Mfo imasaŋa iyum Fi, koro ama afina nnyin eti-eti.”
49Ndin Jesus aboro mmo ete, “Nsidi ntak mmufo iyumde Mi? Nte mmufo idiɔŋɔke ete, Ami nnyene ndinam utum Ete Mmi?” 50Edi mmo idiɔŋɔke se iko oro Enye atiŋde ono mmo ɔwɔrɔde.
Jesus Ɔkɔri Ke Ɔniɔŋ Ye Mfɔn
51Ke oro ebede, Jesus asaŋa ye ete ye eka Nsie ɔnyɔŋ aka ke obi Nazareth, onyuŋ aka isi okup item ono mmo. Edi Mary eti kpukpri mme mkpo oro eketibede onyuŋ ɔsɔŋɔ ekere abaŋa se mmo ɔwɔrɔde.
52Jesus ɔkɔri onyuŋ ɔsɔŋ idem ke Spirit, ɔyɔhɔ ye ɔniɔŋ, onyuŋ enem owo ye Abasi esid.
Àwon tá yàn lọ́wọ́lọ́wọ́ báyìí:
Luke 2: IDE
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Idere Bible by Beyond Translation is licensed under Creative Commons Attribution-ShareAlike 4.0 License.
Luke 2
2
Christ Amana Ono Mary
(Matthew 1.18-25)
1Kini oro John akamanade, akwa edidem Augustus enim ewuhɔ ete, ewed enyiŋ kpukpri owo emi aduŋde ke mme obi esinede ke idak ukara Rome, esin ke ŋwed ukara. 2Emi ekedi akpa ediwed enyiŋ owo nsin ke ŋwed, kini Quirinius edide edidem emi akarade ŋkan-ŋkuk Syria. 3Ke ntak ewuhɔ oro edidem ekenimde, kpukpri owo aka ke obi emana mmo ndisin enyiŋ ke ŋwed ukara, 4Joseph ŋko otu ke obi Nazareth, ke ŋkan-ŋkuk Galilee, adok aka ke Judea, ke Bethlehem emi ekedide obi emana Edidem David. Joseph akaka do koro enye otude ubun edidem David 5Mary emi ekemekde eno enye ke ndo, emi idibi nsie akakade ke uman, onyuŋ asaŋa ye enye.
6Nte mmo osuk odude do, ini edikem Mary ndiman eyin nsie. 7Ndin enye aman eyin eden-owo, emi edide akpa eyin nsie. Enye ada ɔfɔŋ awaŋ eyin oro ke idem, onyuŋ enim Enye ke ekebe usin-udia ufene, Siak itie mikɔduhɔ ino mmo ke ufɔk isen ndidu.
Angel Abasi Ɔbiɔŋɔde Ono Mme Ekpeme-Erɔŋ
8Ke okuneyi oro mme ekpeme-erɔŋ ama odu ke iŋwɔŋ emi ekperede obi Bethlehem, ekpeme erɔŋ mmo. 9Ndondo oro, angel Abasi ɔbiɔŋɔde ono mmo. Uŋwana Ubɔŋ Abasi ayama akanade mmo. Ndin ndik ama anam mmo eti-eti. 10Edi Angel Abasi ɔdɔhɔ mmo ete, Itim ikpaŋ utɔŋ nɔ nŋi, “Ikifehe ndik! Mada eti mbuk nsɔk mmufo emi idade akwa idadesid isɔk kpukpri owo, 11Koro Andinyaha emi edide Christ Ɔbɔŋ, amana ono mmufo mfin ke obi emana edidem David. 12Emi iyonyuŋ idi idiɔŋɔ emi mmufo idade idiɔŋɔ Enye: mmufo iyekwid nsek eyin emi eŋwaŋde ke ɔfɔŋ nte anade ke ekebe usin udia ufene. 13Ndin idaha oro, ediwak udim mme angel otu ke heaven edidu ye akpa angel oro; mmo onyuŋ ɔtɔŋɔ nditure Abasi, ete,
14“Ubɔŋ enyene Abasi ke ate enyɔŋ,
emem onyuŋ odu ke isɔŋ ono mbun oro Abasi enemde esid ye mmo.”
15Kini mme angel oro afiakde ɔnyɔŋ ke heaven, mme ekpeme-erɔŋ ɔdɔhɔ kied eken ete “Yak nnyin ika ke obi Bethlehem ikesie Andinyaha, emi Jehovah atiŋde ono nnyin abaŋa otu ke inua angel.”
16Mmo onyuŋ adaha ke usɔp aka ke obi Bethlehem onyuŋ oyum tutu mmo ekwid Mary ye Joseph ye nsek eyin oro emi anade ke ekebe usin udia ufene. 17Kini mme ekpeme-erɔŋ ekwidde Eyin oro, mmo atiŋ ono kpukpri owo se angel Abasi akatiŋde ono mmo abaŋa Enye. 18Idem onyuŋ akpa kpukpri mbun emi okupde se mme ekpeme-erɔŋ oro atiŋde ono mmo. 19Edi Mary eti kpukpri mkpo emi eketibede onyuŋ ɔsɔŋɔ ekere se mmo ɔwɔrɔde. 20Ekem mme ekpeme-erɔŋ afiak edem ɔnyɔŋɔ aka ke iŋwɔŋ mmo. Mmo okpono onyuŋ oture Abasi koro kpukpri se mmo okokupde onyuŋ ekwidde, etibede ukem-ukem nte mme angel oro akatiŋde ono mmo.
Enim Jesus Mbubi
21Kini Eyin oro esimde ɔyɔhɔ usen itiak-ita, mmo enim Enye mbubi, kpak nte ibed Moses etemede, ete ye eka Nsie onyuŋ esi Enye enyiŋ “Jesus.” Enyiŋ oro angel Abasi akatiŋde ono Mary ete esi Enye mbemisi oyume idibi Nsie.
Eda Jesus Edi Ke Temple
22Ekem ke usen ndinam Mary asana akurade, kpak nte ibed Moses etemede. Joseph ye Mary ada Jesus edi ke temple ke Jerusalem, ndiyak Enye nno Jehovah. 23Mmo akanam emi koro ewedde ke ibed Jehovah ete, “Enyene ndiyak kpukpri akpa eyin eden-owo emi amanade, nno Jehovah. 24Mmo okonyuŋ aka do ŋko ndida obume ŋkuku iba, me ndito ibiom iba” nnam uwa mbak Mary asana, kpak nte ibed Jehovah etemede.
Simeon Ekwid Edinyaha Abasi
25Kini oro, owo kied ama odu ke obi Jerusalem, emi ekerede Simeon. Enye ekedi edinen ye owo emi eteŋede Abasi. Simeon eketie ebed Enye emi Abasi inode edidɔŋ mbun obi Israel esid, Edisana Spirit ama onyuŋ odu ye enye. 26Edisana Spirit ama onyuŋ ayarade ono enye ete ke enye idikpaha tutu enye ekwid Christ emi Jehovah Abasi ɔkɔŋwɔŋɔde ete Emo iyono Enye edi. 27Kini Joseph ye Mary adade nsek eyin oro Jesus, aduk ke ekwere temple mbak ayak Enye ono Abasi kpak nte ibed emi Abasi okonode Moses etemede. Kpak kini oro Edisana Spirit ada Simeon aduk ke ekwere temple. 28Ndin Simeon emen Jesus akama ke ubɔk, onyuŋ oture Abasi ete,
29“Ɔbɔŋ, Ami ndi owo mfo, yak nŋi mkpa ndin ke ifure koro Ofo amanam
se ɔkɔwɔŋɔde ɔnɔ nŋi.
30Koro anyin nni ekwid Enye emi Ofo ɔdɔŋde edinyaha kpukpri owo.
31Kpukpri owo eyekwid Enye emi Ofo ɔdɔŋde edi.
32Enye edi uŋwana eke ayaradede Fi ono mbun emi midighe mme Jew,
onyuŋ ada ukpono ɔsɔk ikɔt Mfo, Israel.”
33Kini Mary ye Joseph okupde kpukpri se Simeon atiŋde abaŋa Eyin oro Jesus, idem akpa mmo eti-eti. 34Ke oro ama ekebe, Simeon ɔdiɔŋ Mary ye Joseph, ndin enye onyuŋ ɔdɔhɔ Mary ete, Abasi “Ama emek Eyin emi enim. Iyotu ke ntak Nsie, ediwak ndito Israel oyosube ke idiɔk-mkpo mmo, ediwak eken iyonyuŋ ibɔhɔ.” Enye iyedi idiɔŋɔ ndino mme owo ikpan, edi ediwak owo iyesin Enye. Ke ntak emi, ekikere esid ediwak owo iyayarade. 35Mmodo, Ofo oyodu ke ɔkpɔsɔŋ mfuhɔ, emi inyuŋ itiede nte efid ekim ebe aduk fi ke esid.
Prophet Aŋwan Anna Edi Ntiense Ono Andinyaha
36Kpak ke usen oro, Prophet aŋwan kied emi ekekerede Anna ama onyuŋ odu do ke ekwere temple. Enye ekedi eyin Phanuel, emi otude ke essien Asher. Enye ama ɔsɔŋ eti-eti. Okonyuŋ odu ye ebe nsie ke isua itiakaba tɔŋɔ nte enye akado ndo, ndin ebe nsie edikpa. 37Kini oro, enye ekedi owo isua anaŋ-ye-inaŋ. Enye ke ediwak ini, okodu ke temple, okpono Abasi ke uwemeyi ye ke okuneyi, ke edibɔŋ akam ye utre udia. 38Ke nte ete ye eka Jesus osuk odude do ke temple, Anna aduk edi edisube ye mmo, onyuŋ ɔtɔŋɔ ndikɔm Abasi. Enye atiŋ abaŋa Eyin oro ono kpukpri owo emi eketiede ebed Christ emi Abasi inode edinyaha kpukpri ndito Israel.
Mary Ye Joseph Afiak Ɔnyɔŋ Aka Obi Nazareth
39Kini Joseph ye Mary akurade kpukpri mkpo nte ibed Jehovah Abasi etemede abaŋa emana mme akpan, mmo afiak edem ɔnyɔŋɔ aka ke obi Nazareth, ke ŋkan-ŋkuk Galilee emi mmo akaduŋde. 40Ndin Jesus ɔkɔri onyuŋ ɔsɔŋ idem ke Spirit, ɔyɔhɔ ye ɔniɔŋ, onyuŋ enem owo ye Abasi esid.
Idem Akpa Mme Ekpep Ibed Abaŋa Jesus
41Kpukpri isua, ete ye eka Jesus esika ke obi Jerusalem ndikadia usɔrɔ mme Jew emi ekudde, passover. 42Ndin kini Jesus esimde isua dueba, ete ye eka Nsie ada enye aka usɔrɔ oro ke Jerusalem nte mmo esinyuŋ anamde kpukpri ini. 43Ndin kini urua usɔrɔ oro ebede, ete ye eka Nsie afiak ɔnyɔŋ ufɔk. Jesus-eyin mmo ɔsuhɔ ke obi Jerusalem, edi ete ye eka Nsie idiɔŋɔke. 44Mmo ekekere ke Enye do ke otu mbun oro akasaŋade ye mmumo. Ke mmo ama akasaŋa isaŋ ke ofri usen kied. Ndin mmo ɔtɔŋɔ ndiyum Enye ke otu iman ye mme ufan mmo.
45Kini mmo mikue Enye, mmo afiak edem edi ke Jerusalem ndiyum Enye. 46Ke ɔyɔhɔ usen ita, mmo ekwid Enye ke temple, nte etiede ke ufuɔd mme ekpep ibed Moses. Enye okonyuŋ akpaŋ utɔŋ okup se mmo ekpepde onyuŋ ebup mmo mbume. 47Edi idem akpa kpukpri owo emi okupde iko Nsie, abaŋa ɔniɔŋ ye nte Enye asaŋade aboro mme mbume emi mme andikpep oro okonyuŋ ebupde Enye.
48Kini ete ye eka Nsie ekwidde Enye, idem akpa mmo eti-eti. Eka Nsie ɔdɔhɔ Enye ete, “Eyin Nni, nsinam Ofo anamde ntem ye nnyin? Ami ye ete Mfo imasaŋa iyum Fi, koro ama afina nnyin eti-eti.”
49Ndin Jesus aboro mmo ete, “Nsidi ntak mmufo iyumde Mi? Nte mmufo idiɔŋɔke ete, Ami nnyene ndinam utum Ete Mmi?” 50Edi mmo idiɔŋɔke se iko oro Enye atiŋde ono mmo ɔwɔrɔde.
Jesus Ɔkɔri Ke Ɔniɔŋ Ye Mfɔn
51Ke oro ebede, Jesus asaŋa ye ete ye eka Nsie ɔnyɔŋ aka ke obi Nazareth, onyuŋ aka isi okup item ono mmo. Edi Mary eti kpukpri mme mkpo oro eketibede onyuŋ ɔsɔŋɔ ekere abaŋa se mmo ɔwɔrɔde.
52Jesus ɔkɔri onyuŋ ɔsɔŋ idem ke Spirit, ɔyɔhɔ ye ɔniɔŋ, onyuŋ enem owo ye Abasi esid.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Idere Bible by Beyond Translation is licensed under Creative Commons Attribution-ShareAlike 4.0 License.