Luke 4
4
Satan Odume Jesus Idume
(Matthew 4.1-11; Mark 1.12-13)
1Kini John enimde Jesus baptism ama ke inyaŋ emi ekudde Jordan, Jesus ɔwɔrɔ ke inyaŋ oro, kɔyɔhɔ Edisana Spirit. Ndin Edisana Spirit ada Enye aduk ke Wilderness. 2Ke usen aba oro Jesus odude ke Wilderness, Satan odume Enye idume. Enye ikonyuŋ idiaha mkpo ndumekied ke ofri usen aba oro, edi ke usen aba oro ebede, biɔŋ ama ɔdɔŋ Enye eti-eti.
3Ekem Satan ɔdɔhɔ Jesus ntem ete, “Edieke edide eyin Abasi ke akpaniko, nam itiad emi akabare edi udia ono fi.”
4Ndin Jesus aboro enye ete “Ema ewed ke ŋwed Abasi ete, Idighe udia ikpɔŋ ke owo ida idu uwem, edi ke kpukpri iko Abasi.”
5Satan ada Jesus adok ate enyɔŋ obud, onyuŋ awid Enye ofri idid emi odude ke erimbud idaha-idaha oro. 6Ndin Satan ɔdɔhɔ Jesus ete, “Nnyono Fi kpukpri odudu ye ubɔŋ ofri erimbud emi.” Ami mekeme ndinam emi, koro ema eyak kpukpri odudu emi enɔ nŋi, Ami monyuŋ ŋkeme ndiyak kpukpri odudu emi nno owo eke ededi emi mmade. 7Mmodo, edieke Ofo ɔtɔŋɔde edɔŋ onyuŋ okpono mi, kpukpri inyene emi iyedi okummo. 8Edi Jesus aboro enye ete, “Ŋwɔŋɔde da Mi ke edem Satan, koro ema ewed ke ŋwed” Abasi ete, “Ofo enyene ndikpono Jehovah Abasi mfo, nnyuŋ nnam mkpo nno Enye ikpɔŋ.” 9Ekem Satan ada Jesus aka obi Jerusalem, onyuŋ ada Enye adok ke ate enyɔŋ temple. Onyuŋ ɔdɔhɔ Jesus ete, “Edieke Ofo edide Eyin Abasi ke akpaniko, da mi fuŋ duɔ ke isɔŋ. 10Koro ema ewed ke ŋwed Abasi ete, Enye iyono mme angel Nsie uyi abaŋa Fi, ete, ekpeme Fi. 11Mme angel Nsie iyakama Fi ke ubɔk mmo, mbak Ofo udutuak ukud Mfo ke itiad.”
12Edi Jesus aboro enye ete, “Ema ewed ke ŋwed Abasi ete, kudume Jehovah Abasi mfo idume.”
13Ke Satan odumede Jesus idume ama, enye adaha ɔkpɔŋ Enye tutu ini efen.
Jesus Ɔtɔŋɔ Utum Nsie Ke Galilee
(Matthew 4.12-17; Mark 1.14,15)
14Ekem, Jesus ɔkpɔŋ wilderness ɔnyɔŋ aka obi Galilee ke ɔyɔhɔ odudu Edisana Spirit. Etup abaŋade Enye asuana ke ofri ŋkan-ŋkuk obi oro. 15Enye asaŋa ekpep owo mkpo ke mme Synagogue emi enyuŋ ediɔŋɔde nte itie ukpono Abasi mme Jew. Kpukpri owo emi okupde mme ukpep mkpo nsie, atiŋ eti iko abaŋa enye.
Mbun Nazareth Esin Jesus
(Matthew 13.54-58; Mark 6.1-6)
16Ke oro ebede, Jesus edi ke Nazareth, obi emi Enye akaduŋde kini Enye edide eyin-ɔŋwɔŋ. Enye aduk ke Synagogue ke usen nduɔk odudu mme Jew, emi ekudde Sabbath, nte Enye esidahad-adaha anam onyuŋ adaha ke enyɔŋ ndikud ŋwed Abasi. 17Ekem eno Enye ŋwed emi prophet Isaiah ekewedde. Enye akibarede ŋwed oro okud ke ɔkpɔsɔŋ uyi ke itie emi ewedde ete,
18“Spirit Abasi odure mi ke idem ndiŋwam mi.
Enye ama emek nŋi enim, ete ŋkwɔrɔ eti mbuk nno mme ubuene,
ete ŋkɔk mbun emi odude ke mfuhɔ
Enye ɔdɔŋ nŋi, ete ndɔhɔ mbud-ekɔŋ ete ke mmo ɔbɔhɔ
Nnyuŋ ndɔhɔ mme nnan ete ke mmo iyafiak ikwid usuŋ.
Nnyuŋ nyaha kpukpri owo emi etukde.
19Nnyuŋ ntiŋ nno mme owo ete kini Jehovah ndifɔn ido ye ikɔt Nsie ediemi.”
20Ke Jesus okudde itie oro ama ono mme owo, Enye akibi ŋwed oro ayak ono asaŋutum Synagogue, onyuŋ ɔsuhɔde etetie mbak ekpep mmo mkpo abaŋa se Enye okokudde. Kpukpri mbun emi odude ke Synagogue onyuŋ atim akpaŋ utɔŋ ono Enye. 21Ndin Jesus ɔtɔŋɔ nditiŋ mbaŋa kpukpri se Enye okokudde ono mmo, ete, “Iko Abasi emi mmufo ikupde Ami ŋkudde, ɔwɔrɔ osu mfin emi.”
22Idem onyuŋ akpa Kpukpri owo emi okodude do eti-eti, mmo onyuŋ atiŋ eti iko abaŋa enye ke mme utibe iko emi Enye atiŋde. Mmo ɔnyuŋ ɔdɔhɔ ete, “Nte emi idighe Eyin Joseph?”
23Ndin Jesus ɔdɔhɔ mmo ete, “Mmufo iditreke nditup ŋke emi nnɔ nŋi, ete; abia-ibɔk, kɔk idem mfo.” Oro ɔwɔrɔ ntem, Kpukpri mme utibe mkpo emi nnyin ikokupde ite ama anam ke Capernaum, nam mi ŋko ke obi emana Mfo. 24Enye adian do ete, “Ih. Emi onyuŋ edi se mmufo itiŋde. Edi ntiŋ akpaniko nno mmufo nte, owo idaha prophet ndumekied nte mkpo ke isɔŋ emana nsie.”
25Nnyuŋ ntiŋ akpaniko nno mmufo ŋko nte, ediwak mme ebekpa ama onyuŋ odu ke obi Israel kini prophet Elijah okodude. Kini oro, edim ikedepke ke isua ita-ye-ɔfiɔŋ-itiokied, ndin ɔkpɔsɔŋ akaŋ onyuŋ odu ke ofri obi Israel. 26Edi Abasi ikɔdɔŋke Elijah ediŋwam mmo ndumekied, ke mibɔhɔke ebekpa aŋwan, emi akaduŋde ke obi Zarephath ke isɔŋ Sidon, emi misineke ke obi Israel. 27Nyuŋ ti ŋko ete ke ediwak mme ɔdɔŋɔ akpa-mfia ama onyuŋ odu ke obi Israel ke eyi prophet Elisha. Edi Elisha ikanamke udɔŋɔ oro akura ukpɔk mmo owo kied, ke mibɔhɔke Naaman otude obi Syria, emi midighe eyin Jew.
28Kini kpukpri mbun emi odude ke Synagogue okupde se Jesus atiŋde, esid ayad mmo eti-eti. 29Mmo ebumede adaha ke enyɔŋ ebin Enye esi ke obi, onyuŋ ada Enye aka ke ibud obud emi odude ke obi mmo. Mmo okoyum ndinuk Enye ke enyɔŋ obud oro nduɔk ke isɔŋ Enye akpa. 30Edi Jesus asaŋa ke ufuɔd mmo ebe ɔnyɔŋ.
Jesus Ebin Ndedehe Spirit Ɔduɔk
(Mark 1.21-28)
31Usen kied, Jesus aka ke obi Capernaum, emi edide obi esinede ke essien Galilee, Onyuŋ ekpep mme owo mkpo ke synagogue ke usen Sabbath. 32Kini Enye ekpepde mme owo mkpo ke Synagogue, idem ama akpa mmo eti-eti ke ukpep mkpo Nsie, koro iko Nsie asaŋade ye uko.
33Usen kied, nte Jesus osuk ekpepde mkpo ke Synagogue, owo kied ama odu do, emi enyenede ndedehe Spirit. Ndin enye onyuŋ efiri ke ɔkpɔsɔŋ uyi ete, 34Daha kpɔŋ nnyin, Jesus eyin obi Nazareth! Nse ke nnyin inyene ndinam ye ofo? Ndi ofo emedi ndisube nnyin? Mɔdiɔŋɔ owo eke Ofo edide, Ofo edi Edisana Eyin Abasi!
35Edi Jesus asua ono ndedehe Spirit oro ete, “Dup uyi, nyuŋ wɔrɔ enye ke idem.” Ndedehe Spirit esi owo oro ɔduɔk ke isɔŋke ufuɔd otu owo, onyuŋ ɔwɔrɔ enye ke idem. Edi inoho enye unan.
36Idem akpa kpukpri mbun emi okodude ke Synagogue, mmo onyuŋ ebup kied eken ete, Nse aruk ukpep mkpo idi emi? Koro Enye enyenede ɔkpɔsɔŋ odudu ye uko emi enye asuade ono mme ndedehe Spirit ɔwɔrɔ owo ke idem, mmo onyuŋ ɔwɔŋɔ. 37Ndin mbun oro ɔdɔdiɔŋ aka isi asuan etup abaŋa se Jesus akanamde, ke kpukpri itieke ofri ŋkan ŋkuk oro.
Jesus Ɔkɔk Eka-Aŋwan Peter Udɔŋɔ
(Matthew 8.14-15; Mark 1.29-31)
38Ke Jesus ama ɔkɔwɔrɔ ke Synagogue usen oro, Enye aka ke ufɔk Simon. Do, Enye ekwid eka aŋwan Simon ɔdɔŋɔde ɔkpɔsɔŋ ufip-idem. Mmo ekpe Jesus ubɔk ete anam udɔŋɔ nsie akura. 39Ekem Jesus asaŋa akada ekpere enye, asua ono ufip-idem ete ɔkpɔŋ enye, ndin enye okup nsɔŋidem, onyuŋ adahade ini kied etem udia ono mmo.
Jesus Ɔkɔk Ediwak Owo Udɔŋɔ Ke Usen Sabbath
(Matthew 8.16-17; Mark 1.32-34)
40Nte eyi ɔsuhɔrede ke mbubid-eyi oro, Mme owo ada kpukpri iman ye mme ufan mmo emi ɔdɔŋɔde nsihi-nsihi udɔŋɔ ɔsɔk Jesus. Enye atuk kpukpri mmo ubɔk, onyuŋ anam udɔŋɔ akura mmo. 41Ediwak owo ama odu ŋko emi mme ndedehe Spirit esinede mmo ke idem. Kini Jesus asuade ono mme ndedehe Spirit oro, mmo ɔwuɔŋɔ mbun oro ke idem, onyuŋ efiri ete, Ofo edi Eyin Abasi. Edi Jesus asua ono mmo, onyuŋ ɔdɔhɔ mmo odup uyi, koro mmo ɔfiɔkde ete Enye edi Christ.
Jesus Ɔkwɔrɔ Iko Abasi Ke Galilee
(Matthew 4.23-25; Mark 1.35-39)
42Ke eden usen nsie ke usen ubɔk, Jesus adaha aka ke wilderness emi edide itie emi Enye ikemede ndidu ikpɔŋ. Otu owo asaŋa oyum Enye ke kpukpri itie, ndin kini mmo ekwidde Jesus, mmo ekpe Enye ubɔk ete ikidaha ikpɔŋ mmumo. 43Edi Jesus aboro mmo ete, “Ami nnyene ndika mbine mme owo ke mme obi eŋwen ŋko, nnyuŋ ŋkwɔrɔ eti mbuk abaŋade Obi ubɔŋ Abasi nno mmo, koro edi ntak emi ke Abasi ɔkɔdɔŋ Nŋi ndi ke erimbud.” 44Ndin Enye aka isi ɔkwɔrɔ iko Abasi ke mme Synagogue ke ofri ŋkan-ŋkuk Galilee.
Àwon tá yàn lọ́wọ́lọ́wọ́ báyìí:
Luke 4: IDE
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Idere Bible by Beyond Translation is licensed under Creative Commons Attribution-ShareAlike 4.0 License.
Luke 4
4
Satan Odume Jesus Idume
(Matthew 4.1-11; Mark 1.12-13)
1Kini John enimde Jesus baptism ama ke inyaŋ emi ekudde Jordan, Jesus ɔwɔrɔ ke inyaŋ oro, kɔyɔhɔ Edisana Spirit. Ndin Edisana Spirit ada Enye aduk ke Wilderness. 2Ke usen aba oro Jesus odude ke Wilderness, Satan odume Enye idume. Enye ikonyuŋ idiaha mkpo ndumekied ke ofri usen aba oro, edi ke usen aba oro ebede, biɔŋ ama ɔdɔŋ Enye eti-eti.
3Ekem Satan ɔdɔhɔ Jesus ntem ete, “Edieke edide eyin Abasi ke akpaniko, nam itiad emi akabare edi udia ono fi.”
4Ndin Jesus aboro enye ete “Ema ewed ke ŋwed Abasi ete, Idighe udia ikpɔŋ ke owo ida idu uwem, edi ke kpukpri iko Abasi.”
5Satan ada Jesus adok ate enyɔŋ obud, onyuŋ awid Enye ofri idid emi odude ke erimbud idaha-idaha oro. 6Ndin Satan ɔdɔhɔ Jesus ete, “Nnyono Fi kpukpri odudu ye ubɔŋ ofri erimbud emi.” Ami mekeme ndinam emi, koro ema eyak kpukpri odudu emi enɔ nŋi, Ami monyuŋ ŋkeme ndiyak kpukpri odudu emi nno owo eke ededi emi mmade. 7Mmodo, edieke Ofo ɔtɔŋɔde edɔŋ onyuŋ okpono mi, kpukpri inyene emi iyedi okummo. 8Edi Jesus aboro enye ete, “Ŋwɔŋɔde da Mi ke edem Satan, koro ema ewed ke ŋwed” Abasi ete, “Ofo enyene ndikpono Jehovah Abasi mfo, nnyuŋ nnam mkpo nno Enye ikpɔŋ.” 9Ekem Satan ada Jesus aka obi Jerusalem, onyuŋ ada Enye adok ke ate enyɔŋ temple. Onyuŋ ɔdɔhɔ Jesus ete, “Edieke Ofo edide Eyin Abasi ke akpaniko, da mi fuŋ duɔ ke isɔŋ. 10Koro ema ewed ke ŋwed Abasi ete, Enye iyono mme angel Nsie uyi abaŋa Fi, ete, ekpeme Fi. 11Mme angel Nsie iyakama Fi ke ubɔk mmo, mbak Ofo udutuak ukud Mfo ke itiad.”
12Edi Jesus aboro enye ete, “Ema ewed ke ŋwed Abasi ete, kudume Jehovah Abasi mfo idume.”
13Ke Satan odumede Jesus idume ama, enye adaha ɔkpɔŋ Enye tutu ini efen.
Jesus Ɔtɔŋɔ Utum Nsie Ke Galilee
(Matthew 4.12-17; Mark 1.14,15)
14Ekem, Jesus ɔkpɔŋ wilderness ɔnyɔŋ aka obi Galilee ke ɔyɔhɔ odudu Edisana Spirit. Etup abaŋade Enye asuana ke ofri ŋkan-ŋkuk obi oro. 15Enye asaŋa ekpep owo mkpo ke mme Synagogue emi enyuŋ ediɔŋɔde nte itie ukpono Abasi mme Jew. Kpukpri owo emi okupde mme ukpep mkpo nsie, atiŋ eti iko abaŋa enye.
Mbun Nazareth Esin Jesus
(Matthew 13.54-58; Mark 6.1-6)
16Ke oro ebede, Jesus edi ke Nazareth, obi emi Enye akaduŋde kini Enye edide eyin-ɔŋwɔŋ. Enye aduk ke Synagogue ke usen nduɔk odudu mme Jew, emi ekudde Sabbath, nte Enye esidahad-adaha anam onyuŋ adaha ke enyɔŋ ndikud ŋwed Abasi. 17Ekem eno Enye ŋwed emi prophet Isaiah ekewedde. Enye akibarede ŋwed oro okud ke ɔkpɔsɔŋ uyi ke itie emi ewedde ete,
18“Spirit Abasi odure mi ke idem ndiŋwam mi.
Enye ama emek nŋi enim, ete ŋkwɔrɔ eti mbuk nno mme ubuene,
ete ŋkɔk mbun emi odude ke mfuhɔ
Enye ɔdɔŋ nŋi, ete ndɔhɔ mbud-ekɔŋ ete ke mmo ɔbɔhɔ
Nnyuŋ ndɔhɔ mme nnan ete ke mmo iyafiak ikwid usuŋ.
Nnyuŋ nyaha kpukpri owo emi etukde.
19Nnyuŋ ntiŋ nno mme owo ete kini Jehovah ndifɔn ido ye ikɔt Nsie ediemi.”
20Ke Jesus okudde itie oro ama ono mme owo, Enye akibi ŋwed oro ayak ono asaŋutum Synagogue, onyuŋ ɔsuhɔde etetie mbak ekpep mmo mkpo abaŋa se Enye okokudde. Kpukpri mbun emi odude ke Synagogue onyuŋ atim akpaŋ utɔŋ ono Enye. 21Ndin Jesus ɔtɔŋɔ nditiŋ mbaŋa kpukpri se Enye okokudde ono mmo, ete, “Iko Abasi emi mmufo ikupde Ami ŋkudde, ɔwɔrɔ osu mfin emi.”
22Idem onyuŋ akpa Kpukpri owo emi okodude do eti-eti, mmo onyuŋ atiŋ eti iko abaŋa enye ke mme utibe iko emi Enye atiŋde. Mmo ɔnyuŋ ɔdɔhɔ ete, “Nte emi idighe Eyin Joseph?”
23Ndin Jesus ɔdɔhɔ mmo ete, “Mmufo iditreke nditup ŋke emi nnɔ nŋi, ete; abia-ibɔk, kɔk idem mfo.” Oro ɔwɔrɔ ntem, Kpukpri mme utibe mkpo emi nnyin ikokupde ite ama anam ke Capernaum, nam mi ŋko ke obi emana Mfo. 24Enye adian do ete, “Ih. Emi onyuŋ edi se mmufo itiŋde. Edi ntiŋ akpaniko nno mmufo nte, owo idaha prophet ndumekied nte mkpo ke isɔŋ emana nsie.”
25Nnyuŋ ntiŋ akpaniko nno mmufo ŋko nte, ediwak mme ebekpa ama onyuŋ odu ke obi Israel kini prophet Elijah okodude. Kini oro, edim ikedepke ke isua ita-ye-ɔfiɔŋ-itiokied, ndin ɔkpɔsɔŋ akaŋ onyuŋ odu ke ofri obi Israel. 26Edi Abasi ikɔdɔŋke Elijah ediŋwam mmo ndumekied, ke mibɔhɔke ebekpa aŋwan, emi akaduŋde ke obi Zarephath ke isɔŋ Sidon, emi misineke ke obi Israel. 27Nyuŋ ti ŋko ete ke ediwak mme ɔdɔŋɔ akpa-mfia ama onyuŋ odu ke obi Israel ke eyi prophet Elisha. Edi Elisha ikanamke udɔŋɔ oro akura ukpɔk mmo owo kied, ke mibɔhɔke Naaman otude obi Syria, emi midighe eyin Jew.
28Kini kpukpri mbun emi odude ke Synagogue okupde se Jesus atiŋde, esid ayad mmo eti-eti. 29Mmo ebumede adaha ke enyɔŋ ebin Enye esi ke obi, onyuŋ ada Enye aka ke ibud obud emi odude ke obi mmo. Mmo okoyum ndinuk Enye ke enyɔŋ obud oro nduɔk ke isɔŋ Enye akpa. 30Edi Jesus asaŋa ke ufuɔd mmo ebe ɔnyɔŋ.
Jesus Ebin Ndedehe Spirit Ɔduɔk
(Mark 1.21-28)
31Usen kied, Jesus aka ke obi Capernaum, emi edide obi esinede ke essien Galilee, Onyuŋ ekpep mme owo mkpo ke synagogue ke usen Sabbath. 32Kini Enye ekpepde mme owo mkpo ke Synagogue, idem ama akpa mmo eti-eti ke ukpep mkpo Nsie, koro iko Nsie asaŋade ye uko.
33Usen kied, nte Jesus osuk ekpepde mkpo ke Synagogue, owo kied ama odu do, emi enyenede ndedehe Spirit. Ndin enye onyuŋ efiri ke ɔkpɔsɔŋ uyi ete, 34Daha kpɔŋ nnyin, Jesus eyin obi Nazareth! Nse ke nnyin inyene ndinam ye ofo? Ndi ofo emedi ndisube nnyin? Mɔdiɔŋɔ owo eke Ofo edide, Ofo edi Edisana Eyin Abasi!
35Edi Jesus asua ono ndedehe Spirit oro ete, “Dup uyi, nyuŋ wɔrɔ enye ke idem.” Ndedehe Spirit esi owo oro ɔduɔk ke isɔŋke ufuɔd otu owo, onyuŋ ɔwɔrɔ enye ke idem. Edi inoho enye unan.
36Idem akpa kpukpri mbun emi okodude ke Synagogue, mmo onyuŋ ebup kied eken ete, Nse aruk ukpep mkpo idi emi? Koro Enye enyenede ɔkpɔsɔŋ odudu ye uko emi enye asuade ono mme ndedehe Spirit ɔwɔrɔ owo ke idem, mmo onyuŋ ɔwɔŋɔ. 37Ndin mbun oro ɔdɔdiɔŋ aka isi asuan etup abaŋa se Jesus akanamde, ke kpukpri itieke ofri ŋkan ŋkuk oro.
Jesus Ɔkɔk Eka-Aŋwan Peter Udɔŋɔ
(Matthew 8.14-15; Mark 1.29-31)
38Ke Jesus ama ɔkɔwɔrɔ ke Synagogue usen oro, Enye aka ke ufɔk Simon. Do, Enye ekwid eka aŋwan Simon ɔdɔŋɔde ɔkpɔsɔŋ ufip-idem. Mmo ekpe Jesus ubɔk ete anam udɔŋɔ nsie akura. 39Ekem Jesus asaŋa akada ekpere enye, asua ono ufip-idem ete ɔkpɔŋ enye, ndin enye okup nsɔŋidem, onyuŋ adahade ini kied etem udia ono mmo.
Jesus Ɔkɔk Ediwak Owo Udɔŋɔ Ke Usen Sabbath
(Matthew 8.16-17; Mark 1.32-34)
40Nte eyi ɔsuhɔrede ke mbubid-eyi oro, Mme owo ada kpukpri iman ye mme ufan mmo emi ɔdɔŋɔde nsihi-nsihi udɔŋɔ ɔsɔk Jesus. Enye atuk kpukpri mmo ubɔk, onyuŋ anam udɔŋɔ akura mmo. 41Ediwak owo ama odu ŋko emi mme ndedehe Spirit esinede mmo ke idem. Kini Jesus asuade ono mme ndedehe Spirit oro, mmo ɔwuɔŋɔ mbun oro ke idem, onyuŋ efiri ete, Ofo edi Eyin Abasi. Edi Jesus asua ono mmo, onyuŋ ɔdɔhɔ mmo odup uyi, koro mmo ɔfiɔkde ete Enye edi Christ.
Jesus Ɔkwɔrɔ Iko Abasi Ke Galilee
(Matthew 4.23-25; Mark 1.35-39)
42Ke eden usen nsie ke usen ubɔk, Jesus adaha aka ke wilderness emi edide itie emi Enye ikemede ndidu ikpɔŋ. Otu owo asaŋa oyum Enye ke kpukpri itie, ndin kini mmo ekwidde Jesus, mmo ekpe Enye ubɔk ete ikidaha ikpɔŋ mmumo. 43Edi Jesus aboro mmo ete, “Ami nnyene ndika mbine mme owo ke mme obi eŋwen ŋko, nnyuŋ ŋkwɔrɔ eti mbuk abaŋade Obi ubɔŋ Abasi nno mmo, koro edi ntak emi ke Abasi ɔkɔdɔŋ Nŋi ndi ke erimbud.” 44Ndin Enye aka isi ɔkwɔrɔ iko Abasi ke mme Synagogue ke ofri ŋkan-ŋkuk Galilee.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Idere Bible by Beyond Translation is licensed under Creative Commons Attribution-ShareAlike 4.0 License.